يا ريت اللي يضيف نقاط سلبية يتعامل مع واقع الامكانيات المتاحة

يعني فواصل خشبية ما بين المحاضرات دي هنوفرها ازاي؟ يا أما متوفرة عند المكان يا أما لأ.

و يا ريت برضه نفرق ما بين اقتراحات للتحسين و ما بين سلبيات، يعني اقتراحات للتحسين دي طرح لأفكار جديدة يمكن نكون مفكرناش فيها أما السلبيات فده لأخطاء فعلية في حاجة كنا عارفينها و متفقين عليها أو قرار اتبنى على تصور طلع خاطئ الخ

cheers,
Alaa

husband of the Grand Waragi Master

http://www.manalaa.net

السلام عليكم أنا أول مرة أحضر فعالية لجنو/لينكس فمش عارف إيه الطبيعي وإيه اللي مش طبيعي.... لكن في رأيي إن كان فعلا المفروض يكون فيه نظام أكثر إن أكتر من خمسة sessions شغالين في نفس الوقت ده في رأيي حاجة مش كويسة الواحد ما بقاش عارف هيروح فين... وكمان الحاجة لنفس الشخص إنه يعيد نفس الsession تاني لناس تانية مش واقعية الزحمة كمان حول المتطوع كانت حاجة غير مشجعة إن الواحد يقدر يتابع

السلبيات كلها في رأيي كانت عملية تنظيم مش أكتر.. إنما المحتوى نفسه كان جيد جدا ويمكن رأيي ده كدة لأني أخذت انطباع من تعليقاتكم على تجهيز النهرجان وتخيلت شكل مختلف وأن هناك جدول مرتب لما سيتم عمله

بالنسبة للنقاط اللي فوق في السلبيات في كتير منه شايف إنه المفروض ما يأثرش على المهرجان على سبيل المثال الناس اللي وعدت وما نفذتش.. شئ طبيعي بيحصل وهيحصل على طول.. مش كل الناس هتوفي أو هتقدر توفي بوعودها مكان الاحتفال كان ضيق.. أعتقد إن المكان كافي.. بس ترتيب المكان هو اللي كان هيفرق. بالنسبة للفواصل الخشبية.. هتعيق حرية الحركة.. ومش هتفيد قصاد الأصوات العالية والقريبة .. وهما دول بس اللي بيسببوا تداخل الأصوات اللوحات الإرشادية كان هيكون صعب متابعتها.. لأن عدد الsessions الشغالة في نفس الوقت كان كبير.. وما كانتش دايما في نفس المكان

مبدئيا بصراحة المهرجان كان جميل جدا بالنسبة للموارد المتاحة (سواء بشرية، مادية...)، اما بقى عن سلبياته و ايجابياته... ايجابياته 1.فكرته ذات نفسها كانت ايجابية، ان شباب يقرروا يفضوا نفسهم، و ينظموا المهرجان عشان ناس مش متأكدين انهم هاييجوا، و لا انهم هيتبسطوا و رغم ده قاموا بالمهرجان 2. المتطوعين كانوا ظرفاء جدا، و كانوا بيحاولوا يساعدوا قدر الامكان و اكتر 3.رغم ان كل متطوع عرض اكتر من موضوع (يعنى مش جهز حاجة و قعد يعيد و يزيد فيها)، كان ال internal organization بينهم محدش حاسس بيه و محدش حس ان فيه حاجة ناقصة لما كان حد فيهم بياخد break 4.رغم ان الحاجات دى ممكن يعتبرها حد من سلبيات المهرجان، زى، ان المكان كان ضيق، والعدد كبير،و حاجات كدة، الا انى شايقة ان من ايجابيات المهرجان، ان رغم كل العوامل دى، فى ناس فهمت حاجات كتير، و المتطوعين مملوش، و لا استكفوا، و لغاية اخر دقيقة كانوا بيعرضزا حاجات جديدة و عايزينا نشوفها

اما سلبيات المهرجان... فا انا مقدرش اذكر سلبيات لأن الناس اللى نظموه -انا شايفة- عملوا اللى قدروا عليه فعلا، سواء لاستقطاب الناس، او منحهم المكان المناسب و ترتيبه، او لافادتهم قدر الامكان، و لو فيه سلبيات بسيطة، فا سببها كان التمويل، او عدم حصر عدد الحاضرين، بحيث انهم زادوا عن العدد المتوقع ( و دى فى حد ذاتها ايجابية) لكن فيه سلبية واحدة بس حسيتها... رغم ان كل المتطوعين بلا استثناء كانوا جايين يساعدوا و بيحولوا جدا ( و انا حسيت بكدة ) الا ان فيه منهم ماكانش عنده قدرة انه يوصل المعلومة للى قدامه.. و بصراحة معنديش فكرة ازاى نتخطى السلبية دى لو اصلا كان عدد المتطوعين مش مكفى عدد الحضور

اخيرا: انا عايزة اشكر اللى قاموا بالمهرجان،و اقول لهم ، رغم السلبيات اللى سمعتوها، فى ناس مستنية المهرجان القادم :)

يا جماعة المهرجان كان ناجح جداً فى رأيى بس المشكلة الوحيدة فعلاً كانت المكان، كان صغير و شكله مش كويس، و صغر المكان فعلاً هو اللى أدى لسوء التنظيم و اختلاط الsessions ببعض و أنا شايف دلوقتى إن احنا نقول إقتراحاتنا للevent اللى جاى أحسن من إننا نقول المشاكل اللى حصلت، وطبعاً الإقتراحات اللى هنقولها بعيدة تماماً عن كلام التحضير، احنا بس نناقش الأماكن المتاحة و المساحة والحاجات الأساسية،، وللا ايه؟D:

السلام عليكم والله يا جماعة أنا أوا مرة أحضر المهرجان بالنسبة للإمكانيات اللي كانت متاحة أنا أعتبرة كويس جداً وكمان في نقطة عاوز أتكلم فيها : اللي قال إن في سالبيات المرة دي , أكيد إن شاء الله لما يزيد العدد المرة الجاية هيكون أحسن , وأنا أقترح إقتراح وهو إن يتفتح باب التبرع لإقامة املهرجان السنه الجاية , علشان يظهر في صورة أحسن إن شاء الله ..

وبالتوفيق للجميع

المهرجان كان ناجح وجدا فى رأيي إن المهرجان كان ناج وجدا ,, يمكن كان فى سلبيات بس كان فى إيجابيات أكثر والمهم إنه نجح فى الآخر على الرغم من إنى متأكد إن عدد الحضور كان هيبقى أكبر بس الناس تاهت ومعرفوش يوصلوا فى الغالب ,,

بالنسبة لموضوع الفواصل الخشبية إتكلمنا فيه وقت التحضير وإتأكدنا إنه مش نافع نهائيا نظرا لتصميم المكان أصلا وموضوع اللوحات الإرشادية برضه تكلمنا فيه بس بما إن مافيش فواصل أصلا بين كل سيشن والتانى يبقى لزمتها إيه اللوحات الإرشادية إذا كانت الدنيا سايحة فى بعضها :)

موضوع ال mirror أو local apt server كنا هنعمله فعلا بس يوم التحضير للمهرجان بليل الدنيا باظت مننا لما كنا بنزبط النت ورك والتاون هوس فصل الراوتر والحالة العامة كانت زفت فملحقناش نجهز التجهيزات اللى هى يعنى

فى النهاية الموضوع عدى على خير وإنبسطنا من المهرجان والناس إتبسطت ومعظم الناس إقتنعوا فعلا بفلسفة المصادر المفتوحة , وده أهم إنجاز عموما

Starting linux and doing my first step now :)

أولا انا اول مره فعليا احضر مهرجان الخاص بالجروب الجميل دى و فعلا لقيت انه كان كويس مخبيش عليكم كنت متوقع انه فستيفال كبير يمكن لانى مكنتش من المهتمين نهائيا بالموضوع ده وكنت متوقع انه يكون فيه حاجات تانيه ( متعود انا على مهرجنات الكمبيوتر الى بيكون فيها شركات كتير و هيصه سوفت وير و هرد وير و كله )

بس عموما انا عجبنى فعليا المهرجان جدا و اتمنى السنه الجايه ان شاء الله يكون افضل تنظيميا و فى المكان لانى تهت و مجيتش الا بمساعده ناس من اللج هم الى جم خدونى من كشرى ابو طالب لولا الكشرى مكنتش و صلت نهائى اصلا

عموما انا قررت انى اكون من مستخدمى اللينكس و اعمل شفت من الويندوز للينكس و اجرب و يا ريت انى اكون متطوع معاكم فلو فى بيج معينه او متطلبات معينه عشان اكون متطوع يا ريت تبلغونى بيها

AnGeL Fire

أحب اعقم على كذا نقطة من كلامك:

-أنا مش فاهم قصدك إيه في موضوع الويكي.. أنا جاي وانا فاهم إن أي مخلوق ف الدنيا يقدر يستخدم الويكي ومع ذلك قلت كويس انكوا بتعلموه للناس.. أما إذا كان قصدك هو ان الناس اللي كانوا بيعلموا ويكي ما كانوش يعرفوا يستخدموه فما اعتقدش ان ده حقيقي..

-كان فيه مشكلة جامدة في جلسات سطر الأوامر.. هيه صحيح كان عليها إقبال جامد وده كويس..لكني ما اقدرتش اسمع حرف أو أسشوف لقطة.. فكان من الطبيعي ان طالما الإقبال كده ان الجلسات تزيد..

- متهيألي الورق اللي كان ملزوق فوق كل شاشة عن الجلسة اللي ح تتدرس على الجهاز ده تعتبر لوحات إرشادية..

- ما اعتقدش انه حصل اختلاط أصوات.. لأن المكان كان بيبتلع الأصوات بشراهة شديدة فكانت الناس "مش سامعة حاجة" أغلب الوقت..! - موضوع الـ Mirrors ده كان ح يعمل مشكلة وبالذات في جلسات installtion عشان عملية الـSetup من الميرور تختلف كثيرا عن الاسيت أب من خلال الاسطوانة ومتقدمة واحنا كنا نستهدف المبتدئين فيما أعتقد...

- الناس اللي كتير منهم "ما كانوش محضرين"أبدعوا بشدة من وجهة نظري.. محمد سمير اللي عمل حالة رائعة داخل المكان.. ومالك اللي قتل نفسه عملا بالمعنى الحرفي للكلمة.. والدكتور درش.. وفريد.. وانت نفسك وكتييير جدا.. متهيألي لو الناس كانت بالغت في التحضير والحفظ كان الموضوع ح يطلع أكاديمي وكانت الناس ح تزهق وهو لم يحدث والحمد لله..

- المكان ده بقه حدوتة تانية.. فهو جار التكعيبة العظيمة والتاون هاوس.. خصوصيته تأتي من الجو المحيط به الذي يربطك بشدة بالواقع -لاحظ أن طبيعتهالأصلية هو مسرح..!- أنا كنت سأقوم بعرض مسرحي عليه لكن ربنا أراد أن يتوقف العرض فتكون أول مرة أدخل فيها المكان على إيدكم انتم..

لكني أتفق معك في أن المكان قد ضاق عمن جاءه.. غالبا لأنكم -ولا أنا أيضا- كنا نتوقع هذا العدد..

أنا بالمناسبة لست -إلى الآن- فردا في هذه المجموعة الجميلة.. وبناءً عليه لا أعرف الإعدادات او توقعاتكم من هذا الحدث.. لكن - بجد- قدمتوا شيء جميل..

على فكرة.. لو حد فيكوا كان خد باله اني كنت ماسك نوتة ف إيدي طول الوقت وبكتب :) أيوووه بالضبط كتبت كل حاجة حصلت وبجهزها عشان انزلها دلوقت..

نلتقي بعد أن انتهي تماما من إزالة آخر آثار الويندوز من على جهازي..! دامت لنا اقلامكم..

أنفخ معايا ف الفحماية http://fa7maya.blogspot.com

السلام عليكم ورحمة الله وبركاته الحقيقة ونمرة واحد قبل سلبيات والإيجابيات والذي منه لازم اشكر المتطوعين كلهم من أول ما ركبنا الأتوبيس في الأسكندرية لغاية مانزلنا من الأتوبيس مرورا بكل الناس ومش هذكر اسماء لإن في ناس معرفش اسماءها شكرا بجد ياشباب و جزاكم الله خير على المجهود
و بالنسبة للملاحظات

• بتفق إن الصوت كان مش كويس و كنا بنحتاج نقرب من المتطوع كتير عشان نسمع ولما العدد كان بيزيد في سيشن معينة كانت بتبقى مشكلة وأقترح إن يكون السيشنز بعيده عن بعضها قدر المستطاع عشان تقدر تستوعب عدد وكمان ما يحصلش تداخل في الأصوات
• الناس اللي كانت بتأخد بريك - راحة يعني - سواء كانوا من المتطوعين أو الزوار - المفروض كان يكون لهم مكان بره جنب الإستقبال عشان وجودهم جوه بيعمل شوشره وصوت كتير وده طبيعي وبقترح إن يكون فيه متطوع أو اتنين مهمتهم النظام في المكان عشان الدنيا تكون أحسن
• بقترح إن يكون فيه سيشنز للمبتدئين وسيشنز تانيه للناس اللي عندها خبره أكتر بمعنى مثلا ممكن يكون فيه واحد مش محتاج يعرف install على ال PC فيلاقي سيشنز للـ install من mirros مثلا
• ممكن يكون فيه حاجات تتباع زي التي شيرت وغيره وتروح الفلوس دي للـfest بتاع السنة الجاية إن شاء الله

يعني دي شوية أفكار لو فيه حاجة تانية إن شاء الله هبقى اعدل في الصفحة بس

بالنسبة لي استفدت كثيرا من المهرجان فمن مدة طويلة و انا عاوز اعتمد علي لينوكس و فعلا نزلت النظام ليا و لاتنين صحابي محضروش بس كانوا برده من زمان نفسهم ينقله للينوكس و لحد دلوقت مفيش اي مشاكل بالنسبة للاقتراحات أنا مع موضوع أن التنظيم كان اقل شوية من المستوي كان المفروض يكون فيه فواصل مش مشكلة فواصل خشبية و لا قماشية حتي علي الاقل كان المفروض تتحط شوية لوح ارشادية او خريطة بسيطة للمكان او قايمة باسماء الناس و كل واحد بيعمل ايه بحيث ان كل واحد يدور علي الموضع الي عاوزه و يشوف اسم الشخص الي بيديه كل ديه حاجات مش مكلفة و مش متعبة لكن اظن كانت حتفرق كتير بالذات و ان الاستاذ سمير علي ما اذكر كان كل شوية ينادي في وسط المكان ان فلان بيتكلم عن كذا و ناس كتير تكون مكنتش واخده بالها و تروح تسمع

لكن بصفة عامه انا استفدت كتير جدا و بجد نفسي اشكر كل واحد قال لي كلمة او معلومة و ان شاء الله حكون عضو نشيط في المجموعة

همسة اخيرة يا ريت ميتوقفش موضوع الاتوبيس حتي لو بفلوس لحد ما يكون فيه امكانية ان تتعمل فاعليات المهرجان في اسكندرية بالتوازي مع القاهرة

أيوه كان في مشكلة تنظيميه,لأسباب ياما.

بالنسبة للمسرح المسرح اخدناه من غير ولا مليلم,اتوفر لنا كل امكانياته, المسرح دا بيدعم الفرق المستقله وبيدعم فكرة المصادر المفتوحه طبعا لحد قبل احنا مانروح كان الدعم للجانب الفني بس مش معقول نتخلى عن حاجه زي دي مقابل اننا نروح حاجه زي الساقيه بكل الماضي بتاع اللج معاها ,احنا زي ما اقترح مصطفى حسين امبارح ممكن نعمل اتنين مهرجان تنصيب صغيرين في روابط وواحد في قاعه كبيره

انا مش شايف اس صعوبة في المكان ممكن الوصفه مكانتش مظبوطه شويتين بس فعلا المكان سهل جدا والمره اللي جايه حيبقى فيه وصفه احسن وارقام تليفونات اسهل

بالنسبة للمتطوعين والتحضير ,في متطوعين مجوش اصلا وفي ناس مكنش مفروض انها تدي جلسات ادت جلسات وفي ناس اتزنقت في اخر دقيقه الخ

انا شايف ان اهم ايجابية ان في وشوش جديده في اللج وان الناس اغلبها مشت وهي مبسوطه واننا قدرنا نوصل الموضوع صح

حتة الناس مش عارفه تستخدم الويكي,القصد هنا على الويكي بتاع الإعدادات,اعتقد ان ويكي بمعنى ويكي تتيح ان الناس تخبط ليه الناس اللي كانت شايفه ان استخدام الويكي مش مظبوط معدلتش وظبطت الدنيا؟

http://MaLek-x.net

أعتقد ان أكبر مشكله تنظيميه واجهتنا يوم المهرجان ان اللى داخل المسرح معندوش معلومات عن الجلسات اللى موجوده وأماكنها ومواعيدها " طبعا أبو سمره قام بالواجب وعمل جو حلو ومبهج جداااا" .. اللى حصل انه فى ناس كتيره اتشتت مابين الجلسات .وهاذكر مثلا جلسة سطر اﻷوامر اللى أعتقد ان الناس اللى كانت تسمع عنه قبل كده وكارهاه كرهته أكتر :-) واللى اصلا مسمعش عنه موصلتلوش الفكره .الغلط اﻷكبر من عندى أنا لانى فعليا مكنتش محضر أو مرتب هقول ايه فى موضوع متشعب زى ده فالعمليه كانت سلطه خالص . طبعا محدش بيتعلم ببلاش :-).

انما كل ده مش مهم - تتعوض فى مرات جايه ان شاء الله - المهم بقى انه اليوم بالنسبه ليا كان ممتع جدا للاسباب دى :

1. الروح الحلوه اللى كانت بين كل المتطوعين خليتهم يعملوا من الفسيخ شربات زى مابيقولوا :).
2. الناس جايه وعندها شغف حقيقى انهم يعرفوا عن البرمجيات الحره ولينوكس مش مجرد حاجه هيتفرجوا عليها وخلاص .
3. الناس كان عندها انطباع ايجابى رغم كل السلبيات وعاوزين اليوم يتكرر تانى .

الحمد لله دي كانت اول مرة ليا معاكم واستفدت كتير الحمد لله وقابلت وكسبت ناس جديدة فعلا

- انا الحمد لله استفدت من جلسات ال installtion و سطر الاوامر بس كانت المشكلة فى حضور الجلسة الزحمة حوالين المتطوع وخصوصا فى جلسة سطر الاومر مكنتش شايف هو بيكتب ايه يدوبك كنت باسمع الامر واشوفه فى الورقة (( نسخ الورقة الخاصة بالاوامر كانت قليلة عن ورق الاسئلة والاجوبة وفى ناس كانت بتدور على الورق ده وملقيتش منه للاسف

- المراوح كانت شغالة على اخرها بس كان النفس صعب خالص من الزحمة حوالين المتطوع كنت حاضر جلسة installtion بس للاسف خرجت من نصها بسبب هبوط ادي الى اغماءة خارج المسرح وانا رايح ادور على سوبر ماركت اجيب منه مية قبل ما يغمي عليا ولكن لقيت نفسي حاضن الارض علطول بجوار التاون هاوس ولكن الحمد لله فى استاذ من المتطوعين جزاه الله كل خير انقذني من الاغماءة دي بكوب ماء من التكعيبة :D

بس الحمد لله فى ناس كتير مشيت وانا منهم وصللهم يعني ايه مصدر مفتوح ويعني ايه لينكس وان حرام الواحد بجد يشتغل وندوز تاني

استاذ محمد سمير فعلا ادي روح جميلة للمهرجان واسلوبه فى الشرح كان بيشد الناس ليه فعلا كان بيحاول يبسط العملية خالص والحمد لله استفدت منه كتير فى نقطة المصادر المفتوحة و ( وصفة الاكل:D والمتطوعين فعلا لحد نهاية المهرجان متاخروش عنا ومملوش من اسئلتنا مع انها بتبقي متكررة لكن علطول لاقيناهم يجاوبونا بصدر رحب وروح جميلة

انا ان شاء الله هحاول اكون ممثل لل eglug بمدرستي ( مدرسة تكنولوجيا المعلومات بالاسماعيلية ) وخصوصا ان كل المناهج عندنا هناك اعتمادا على منتجات هذه المايكروزفت مع ان احنا بناخد بردو تسطيب اللينكس ( ريد هات ) وكل ده لكن فى مادة تكنولوجيا المعلومات مثلا فى الصف الاول درسنا الوندوز والوورد وفى الصف الثاني الاكسل والباور بويبنت والاكسس وفى الصف الثالث اكسس متقدم و C++ على وندوز بردو طبعا وفى الصف الرابع على حسب الشعبة ( برمجة - شبكات - منظومات ) فتبوع البرمجة بيشتغلوا C++ بردو على مايكروزفت وفى خامسة VB على الزفت بردو Visual Studio

ان شاء الله هحاول اوزع الورق الخاص بالاسئلة والاجوبة على اكبر عدد مهتم واحاول اذا كان فى امكانية حضور اى متطوع قريب من اسماعيلية عندنا مسرح كبير جدا يعتبر من اكبر المسارح فى اسماعيلية وبيتعمل فيه مهرجانات كتير خاصة بالمحافظة

وده موقع المدرسة http://www.at-sit.com

معلش بقي طولت عليكم :)

السلام عليكم ازيكم كلكم اتمنى تكونوا بخير

قبل اى حاجة انا لحد يوم الجمعة اللى فاتت كنت بستعمل ويندوز وانا منفوخ ومش طايقه ... دلوقتى وبعد المؤتمر انا بكتب الكومنت ده من على الابونتو من المؤتمر عرفت حاجات جديدة مكنتش اعرفها واهم حاجة انى بدات اغير نظام تعاملى مع الكمبيتر بتاعى ودى حاجة انا قبل المؤتمر كنت شايفها كرثة لكن المؤتمر اقنعنى ان فعلا الموضوع ده يستحق المغامرة ... وانا دلوقتى سعيد جدا بالمغامرة دى احب اقول لكل الناس اللى تطوعوا فى المؤتمر عشان يفيدونا ... شكرا ومش عارف اذا كانت كفاية ولا لا ياريت السنة اللى جايا اكون وصلت لمستوى كويس اقدر افيد بيه الناس عشان اطوع معاكم

بالنسبة للتعليق على ايجابيات وسلبيات المؤتمر : كل الكلام اللى مكتوب جميل وياريت فعلا المؤتمر اللى جاى يكون فى تمويل اكتر وفواصل وتحضير افضل من المحاضرين انا بس هضيف نقطة انى حسيت كذا مرة وانا فى المؤتمر ان اللى بيتكلم مش مقدر قدر معلوملت المستمعين ودى نقطة مهمة جدا