مهرجان لينكس 2007....تحب تشارك ؟

إمتى وفين ؟

1-9-2007 من الساعة 11 لحد 9 مساء مسرح روابط بجوار التاون هاوس ومقهى التكعيبة

يعني ايه مهرجان لينكس ؟

يعني يوم عشان اللينكس يعني تنزل لينكس على جهازك ؟ يعني تتعرف على اللينكس وبرامجه ؟ يعني تتعرف على قوة اللينكس يعني تتعرف على الكائنات اللي شغاله بلينكس يعني وانت مروح يا معلم تاخد اسطوانة لينكس مجانا يعني يوم تتعلم فيه مجانا أيوه مجاناااا

سمعت عن لينكس ؟

لينكس هو نظام تشغيل حر وهو الأشهر في عالم البرمجيات مفتوحة المصدر لينكس هو الإبن المدلل والأشهر لفكرة البرامج المفتوحة المصدر

ايه هو اللينكس؟

هو نظام تشغيل حر مفتوح المصدر لاينتمي لأي شركة يعني مافيش حد له حق احتكاره او المطالبة بحق إستغلال

إزاي تطور اللينكس

,تم تطوير اللينكس من الناس للناس وعلى مر السنين تطور اللينكس ليصبح نظام تشغيل حر وقوي جدا بالمقارنة بالنظم الأخرى,وعشان كدا وجدت مجموعتنا "مجموعة مستخدمي لينكس مصر".

احنا مين؟

احنا مجموعة مستخدمي لينكس مصر هدفنا هو نشر فكرة البرامج المفتوحة المصدر في كل مكان ومحاولة نشر اللينكس لإيجاد بدائل قوية وحره ومجانية عن الانظمة الموجودة حاليا.

ازاي تشارك؟

تقدر تتواصل معنا عن طريق موقعنا الإلكتروني http://eglug.org