التنصل :

العديد من مواقع المشاريع بتحط رابط لهذه الوثيقة فى صفحة كيفية طلب المساعدة الخاصة بموقعهم. شيئ جميل . ده الاستخدام المقصود -- لكن لو انت مسئول عن موقع و بتحط الرابط ده فى موقع مشروعك , يا ريت توضح قريب من الرابط ان احنا مش الدعم الفنى المخصوص بالمشروع بتاعك !

احنا اتعلمنا بالطريقة الصعبة ان من غير الملحوظة دى هيتكرر اننا نستقبل رسائل مؤرفة كتير جدا من مجموعة مهاطيل معتقدين ان احنا بنشرنا للوثيقة دى نكون مسئولين عن حل المشاكل التقنية فى العالم كله.

لو كنت بتقرأ هذه الوثيقة بحثا عن مساعدة , و مشيت و انت واخد الانطباع ان انت ممكن تحصل عليها مباشرة من المؤلفين , يبقى انك واحد من المهاطيل المذكورين , لا تسألنا اى أسئلة , هنتجاهلها, احنا هنا علشان نوريك ازاى تحصل على المساعدة من الناس اللى فى الواقع يعرفوا عن البرامج او المعدات اللى انت بتتعامل معها, لكن بنسبة ٩٩% مش هيكونوا احنا, الا لو انت متأكد ان واحد من المؤلفين خبير فى الشيئ اللى بتتعامل معاه , سيبنا فى حالنا و الجميع هيكون مبسوط اكثر .

مقدمة:

فى دنيا الهاكرز نوع الاجابات اللى بتحصل عليها لاسئلتك التقنية يعتمد على الطريقة اللى بتسأل بها زى ما بيعتمد على صعوبة استنتاج الاجوبة , الدليل ده هيعلمك ازاى تسأل بطريقة تزود من فرص حصولك على الاجوبة التى ترضيك .

حاليا استخدام المصادر المفتوحة انتشر , عادة يمكنك الحصول على أجوبة من من مستخدمين اخر اكثر خبرة غير الهاكرز , ده شيئ جيد , المستخدمين بيميلوا لانهم يكونوا أكثر تسامحا مع نوع الفشل بتاع المبتدئين , لكن لا يزال التعامل مع المستخدمين الأكثر خبرة مثل الهاكرز بالطرق اللى بنقترحها هنا هيوصلك عامة لتخريج أحوبة مفيدة منهم, أيضا .

أول حاجة تفهمها ان الهاكرز فى الواقع بيحبوا المشاكل الصعبة , و الاسئلة الجيدة المثيرة للتفكير عن هذه المشاكل , لو لم نكن لما كنا هنا , لو اعطيتنا سؤال مثير للاهتمام نتسلى بيه هنكون شاكرين , الاسئلة الجيدة حافز و هدية , الاسئلة الجيدة بتساعدنا على تطوير فهمنا , و عادة بتكشف مشاكل يمكن مكناش لاحظناها أو فكرنا فيها , بين الهاكرز "سؤال جيد!" يعتبر تقدير قوى و مخلص .

على الرغم من هذا , الهاكرز لهم سمعة عن مقابلة الاسئلة البسيطة بما يبدو كعدوانية أو غرور , فى بعض الاحيان يظهر بشكل انعكاسى اننا وقحين مع المبتدئين و الجاهلين , لكن ده مش حقيقى فعل ا

احنا بدون اعتذار عدوانيين تجاه الناس الذين لا يبدو ان عندهم الرغبة فى التفكير او عمل واجباتهم المنزلية قبل ان يسألوا , ناس زى دول بيشفطوا الوقت -- بياخذوا و لا يردوا , بيضيعوا وقت كان من الممكن انوا يستخدم فى الرد على سؤال اخر اكثر اهمية و شخص اخر احق بالرد عليه , الناس دول بنطلق عليهم الفشلة .