كنت بتبحر على الانترنت,وخايف حد يقدر يراقبك؟او يجيب بياناتك؟او يبقى عنده سجل انت بتعمل ايه؟انت ناشط سياسي,ديني,ملحد,جنسي.ومش عايز حد يعرف انت بتعمل ايه على الانترنت؟"حد من برا جهازك طبعا".

ايه هو التور؟

التور برنامج بيساعدك على انك تفضل متغمي اثناء تصفحك واستخدام للإنترنت,دا بيحصل عن طريق انه بيحول دخولك على موقع ما بشكل ملتو وغير مباشر.

"مثال مبسط"

عايز تدخل على موقع ا دا بيتم عن طريق تحويلك لشبكة معقدة ويعتمد عليه وموثوقة,الشبكة دي بتحولك من ه الى ي الى د وفي النهاية الى ا خلال اللفة دي بتضيع هويتك الحقيقة اللي اتسجلت بيه.

دا مثال مبسط ممكن تقرى شرح افضل على الرابط التالي http://www.torproject.org/overview.html.en

ليه تور ؟

اهمية التور انه بيجهلك تماما على الانترنت,محدش حيقدر يجيب سجل بزياراتك لأي مكان,مفيد لك لو انت صحفي او حقوقي او مدون في بلد ديكتاتوري متخلف"سوريا اليمن السعودية ايران ووراها بشوية خطوات مصر"حتقدر تتحرك بحرية اكبر,محدش حيقدر يتابعك,او يراقبك,لو مش قادر توصل لمواقع معينة"حقوقية,دينية,اباحية,الخ"بسسبب الرقابة,فدا حيريحك من القرف.

ايه افضل استخدام لتور ؟

افضل استخدام لتور طبعا على المصادر المفتوحة,جنو\لينوكس,بس في ناس لحد الان مصممة انها تفضل على حاجة خرا زي ويندوز,فمقدرش اقول بما انها قررت تبقى كدا فتشرب,فحنشرح برضه ازاي يقدروا يستخدموا التور,مع ملاحظة انك في الويندوز في خمسين اختراق امني اخر ممكن يوصلهم اليك,غير تصفح الانترنت"احصنة طروادة,الديدان,الفيروسات الخ".

تور مع اللينكس

اغلب توزيعات الجنو لينكس الكبيرة"دبيان,اوبنتو,ماندريفا,فيدورا"بتعطيك الصلاحية انك تنزل التور من مخازنها على الانترنت. دبيان واوبنتو بيكفي انك تفتح سطر اوامر"command line"وتكتب

sudo apt-get install tor

sudo apt-get install privoxy

الخطوة الثانية انك تعدل ملف اعدادات privoxyوتزود السطر التالي

sudo mcdit /etc/privoxy/config

حيفتح صفحة فيها الاعدادات,زود السطر التالي في اخر الصفحة

لاتنسى إضافة النقطة الموجودة فى آخر السطر

 forward-socks4a / 127.0.0.1:9050 . 

اعد تشغيل التور والبريفوكسي بـ

sudo /etc/init.d/tor restart

sudo /etc/init.d/privoxy restart

الخطوة الثالثة

زود زرار تور للثعلب الناري

https://addons.mozilla.org/firefox/2275/

اذهب الى الموقع التالي

http://torcheck.xenobite.eu/ وتأكد من عمل التور

باللنسبة للفيدورا علشان تشغل تور

 sudo /sbin/service tor start 

 sudo /sbin/service privoxy start 

"بالنسبة لمستخدمي ماندريفا وبقية التوزيعات,اعتقد ان في اختلافات في مسار وجود التور او العفريت"daemon" الخاص بتور"

اخيرا

ان كنت تملك سرعة جيدة.20 ك ب استقبال وارسال يمكنك ان تنضم الى شبكة التضليل المعتمدة,تور قائم على الافراد الذين يشتركون في هذة الشبكة,لكي تستطيع ان تحمي بياناتك من التعقب,فياريت الناس اللي برا الوطن العربي او جواه"دول زي الاردن مثلا" وعندها سرعة كويسة ياريت تشترك,ممكن تلاقي الشرح على الرابط التاليhttps://www.torproject.org/docs/tor-doc-relay.html.en

حقوم بترجمة الرابط فيما بعد طبعا لازم اوضح ان في عيب في استخدام تور,هو ان السرعة بتتباطئ قليلا,ودا عشان عملية التضليل,وعدد الشبكات الموثوق"ممكن تنضم وتساعد" بها قليل ودا ناتج لقلة الموارد المالية القائم عليها تور,فلو ربنا فاتحها عليك,وتقدر تتبرع للمشروع حيبقى لطيف جدا,دا رابط التبرع https://www.torproject.org/donate.html.en

لمزيد من التفصيل والشرح باللغة الانجليزية https://www.torproject.org