معلش يا عم انا عندى كدة كام نقطة عوزين نتكلم فيهم

• اولا متشتمش اى حد او اى جماعة او دين علشان منزعلش من بعض و ممكن تقره سياسة الأستخدام المتفق عليها بالعربى

علشان كدة انا شيلت الشيتيمة

• تانى حاجة كل واحد يكتب بالغة الى هو عوزها و كمان سعات متلقيش كلام عربى يشرح حاجة انت عوزها فا مافيش مانع انك تتعلم انجليزى .. و انت لو عاوز تتعلم حاجة لازم تقرها زى ما اتكتبت لأن مهما كان الترجمة مش هتوضح زى ما الكاتب الأصلى بيقول

اما بالنسبة لموضوع نجاوب بالعربى فزى ماقولتلك كل واحد زى مايحب وصدقنى الأجابة الأنجليزى بتبقى سهلة و تتفهم. على فكرة انا مش ضد الترجمة ;) بس متعتمدش على الترجمات العربى

• اخر حاجة أختار عنوان للموضوع يعبر عن المشكلة و بلاش الحورات و النبى

peace

Live Free Or Die...

بص الموضوع ده اتقتل مناقشة و ماظنش هنوصل لحاجة ابدا.

لكن خلينا نشوف انت بتقول ان:

1. احنا بنحاول نخلى اللينكس عربى
2. عربايز شركة
3. مفيش موقع بيتكلم عن اللينكس بالعربى
4. الناس اللى بتدور فى المواقع الأجنبية و ترد عليك مش فاهمه و مش مختصة ووحشين
5. eglug مافهاش عربى غير حيث تأكل البطاريق الطعمية
6. احنا عرب
7. لو حبينا نتطور لازم نعمل حاجة بتاعتنا ننفرد بيها
8. الفرنساويين بيكتبوا فرنساوى
9. مهم اننا كعرب يبقى فى حاجة بتخاطبنا بلغتنا و نكتب فيها بلغتنا

ارد بقى!

1. احنا بنحاول نخلى الجنو لينكس يدعم العربى و بعضنا بيحاول يترجم البرامج و الوثائق، محدش بيحاول يخلى الجنو لينكس عربى البرامج الحرة لا ليها جنسية ولا هوية ولا هى بتعبر عن ثقافة معينة.
2. عربايز مش شركة هم مجموعة متطوعين زيهم زينا
3. لا يا اخويا فى انت بس اللى ما دورتش، يمكن يكونوا مش كتير، يمكن يكونوا مش كفاية بس ماهو اًلا المواقع العربى قليلة فى أى موضوع، خد مثلا كتاب لينكس الشامل، و لو مش عجبينك بدل الشكوى اكتب و شارك و ابدأ فى حل المشكلة بشكل عملى.
4. هو الناس بتجيب العلم منين؟ من مصادره، طيب ماهى مصادر اغلب الحاجات الأيام دى أجنبية، عاوزهم يدوروا على الرد فين يعنى؟ ولا انت متخيل ان فى حد فينا عدى مرحلة البحث و القراءة؟
5. يا مفترى عندنا شوية محتوى عربى، فى المقالات، فى الويكى، فى الأخبار و فى المناقشات، صحيح أغلب المحتوى عندنا مش عربى، بس احنا ما بنفرضش على حد حاجة اللى عاوز يكتب بالانجليزى يكتب ما نقدرش نقوله يفتح الله. احنا بنحاول نشجع الناس تكتب بالعربى و بنحاول اللى يسأل بالعربى نرد عليه بالعربى، الموضوع انه فى ناس بتستريح أكتر لكا تكتب بالانجليزى خصوصا فى المواضيع التقنية و أنا شخصيا مش شايفها نقيصة ولا عيبة.
6. دى أنا مش موافقك فيها بس ماعلينا ملوش لزمة نتناقش عن القومية هنا
7. كلام جميل، لو عملنا حاجو بتاعتنا بالانجليزى ولا بالاوندى حتى ده يبوظ التطور؟
8. و بيكتبوا انجليزى برضه دى حقيقة لازم تتعامل معاها لغة العلم، و بالذات الكمبيتر و لغة مجتمع البرامج الحرة و لغة الانترنت عموما الانجليزى، ده ميمنعش و ميقللش أهمية المحتوى اللى باللغات المحلية بس شئت أم ابيت الناس هتكتب بالانجليزى أيا كان لغتهم الأم ايه
9. و ماله عندك EGLUG اهيه مكان تكتب فى بلغتك أو أى لغة انت عاوزها محدش حايشك، بالعكس كلنا نفسنا المحتوى العربى يزيد فى الصفحة و هننبسط بيك جدا و أكيد هتلاقى اللى يساعدك، بس بدل ما تخطب فى الناس و تطالب بأقسام و تشتم فى أديان و لا مؤاخذة تقل أدبك ابدأ اكتب انت.

cheers, Alaa

http://www.manalaa.net "i`m feeling for the 2nd time like alice in wonderland reading el wafd"

لما يبقى اللى عملوا اللينوكس عرب ساعتها حتلاقى كل مواقع اللينوكس بتكتب عربى حتى المواقع اﻷمريكية... لحد ما ده يحصل قدامك حل من اتنين: يا اما تستنى واحد عربى ابن حلال يترجملك بعد ما الحاجه تطلع بسنه وتبقى نايم فى مية المخلل.. يا اما تتعلم انجليزى وتنفع نفسك وتنفع الناس اللى نايمين فى مية المخلل..ولحد ما المخلل يخلص ما عندكش حل تانى... لما العرب يعملوا نظام تشغيل ممتاز أحسن من كل انظمة التشغيل اللى بالانجليزى حتلاقى الحاج بيل جيتس بيذاكر ان واخواتها.. قبل كده ما اعتقدش

Ahmed D. El-Mekkawy

• I was known as Black Cat

خلاص يا عم انا مش هشتمهم

العالم دول كلهم انبياء وحبايبنا واحنا بنحبهم وهم الي بيأكلون وبيشربونا وعايشين في خيرهم بابا شارون ده احسن راجل في الكون

بس انت نتزعلش

وبعدين الي بيقول اننا ناخد العلم من مصادره زي ماهو طيب ماهم اخدو العلوم من المسلمين زي الطب والجبر وخلوها بلغتهم مش بلغة ابن سينا ولا بلغة الخوارزمي ثانيا انا اولا مجبتش سيرة تعريب الينكس ولا عاوزه يتعرب اساسا انا حتى الويندوز والفيدورا عندي انجليزي يعني العربي في الكتابه وبس

بس انا بقول ان انا مثلا الانجليزي بتاعي متوسط يعني علشان اكتب سوال لازم اجيب قاموس علشان اكتب كل الي في نفسي

وكمان علشان اعرف الي اتكتبلي لازم اجيب قامووس علشان اترجم

انا مش جاهل قوي كد بس الانجليزي عندي مش اوي يعني انجليزي مدارس شعبيه مش زنبي اني مدخلتش الاورمان

وعلى العموم يا ريت اقابل كل الي ردو او هيردو على الموضوع في الساقيه يوم السبت

ومحدش يزعل من حد وكلنا حبايب وحلوين قوي وتحيا مصر

How to express this...

why_linux is the problem itself, or rather a very well-crafted manifestation of it. I'm not sure if Arab countries were always like this, but it is beyond question that the kind of behavior this guy's displaying is one of the best examples of rampant sloganism. Running around making lots of noise and not really doing anything.

If this guy really wanted something done about the situation he'd have done something, not posted something like this. Is there really any point to this post?

I mean, you might as well post that it would be a great idea if there were 8 days in the week. The idea's fine, but it is kind of a dumb thing to be saying.

Go translate something, why_linux. Most of the people here are intelligent enough to distinguish between doing something and making loud noises.

-- Panem et *burp* circenses

حماده محمد سمير انا نفسي اشوفك ان شاء الله اشوفك يوم السبت لان ده هيكون اول لقاء ليا بالمجموعة بتاعتكم

انا كنت الاول بحسبك برطاني معرفش ليه

بس متزعلش خلاص بس انا خليتك تكتب عربي غصب عنك ههههههههههههههه

ان شاء الله اقابلك يوم السبت انا اسمي وسيم

وبلاش والنبي الناس تتعصب كده لما واحد يطرح موضوع

لان الهدف الاول والاخير من منتديات وساحات الحوار ان الناس تحاور بعضها وتاخد افكار بعض مش تتعصب وتألس

وعلى العموم اتمنى ان محدش يزعل ولا يتعصب ولا يحرق في دمه

انا بقول فكره وكل واحد له الحق في قبولها او في رفضا انا عضو في الموقع مش ادمن يعني مقلتش اني حطيت قسم بالعربي والي مش عاجبه يمشي لا انا بقترح

وسمعني احلا سلام لما محمود عبد العزيز فتح الراديو لقا مصر غالبه اتنين صفر

اول حاجة للاخ اللي بيتكلم عن العربي.. بجد انا فعلا في الاول كان نفسي في حاجات زي كده بالعربي ..بس انا برضه من جوايا عارف انه استحالة هانلاقي كتير طوول ما احنا بنشكي همنا وبس ..فعلا اغلب الكتب وال اللي بلقاها على النت بتكون انجليزي وده لان فعلا زي م علاء قال ان اللغة الاساسية في حياتنا مش في الانترنت بس ... وده يخلينا نعرف انه لازم علينا عشان نعمل الجديد لازم نعرف انجليزي مش شرط تتطلع انجليزي بتاع توني بلير ...لا ..ممكن جدا تطلع انجليزي بتاع مرعي بتاع الكِلِِمه...:P :P المهم هوا انه يكون عندك لغة تخليك حتى تفهم اللي مكتوب هناك ...وده اللي بيحصل معايا...بس انا بقا بكون فاهم الى حد كبير بس المشكلة هوا الكسل ...وده عيب انا بعترف بيه ...وياريت ان احنا نفتكر انه زمان ساعة لما كانت الحضارة العربية ليها معنى كانو في اوروبا بيتعلمو عربي بجد والله وكمان بيترجمو الكتب بتاعتنا للغات بتاعتهكم ..بس الفرق انهم عايزمين وبيتعبو ..وده اهام حاجة ... وده رأي ...

Thank you MARK for this LOGO

ليه لسه شغال على الويندوز مع انك ممكن تشتغل على اللينوكس؟ Why you are still using WINDOWS..when you can use LINUX?