The Egyptian GNU/Linux User Group - جنو لينكس مصر - Articles - Comments

دخلت هنا عن

Nero — Wed, 17 Oct 2007 08:20:22 -0700

دخلت هنا عن طريق الصدفة البحتة الشرح ممتاز يا مالك بس أسهل انك تركب ال LAMP

الأخ اللى بيسأل ببساطة إكتب الأمر ده

mkdir /var/www/html

وإنتهى المووضوع بقى عندك مجلد html

شخبطة فكرية

بجد الله ينور

abohagar — Mon, 03 Sep 2007 10:27:29 -0700

السلام عليكم ورحمة الله وبركاتة المهرجان على قد الامكانيات اللى كانت موجود كان جيد جدا وبجد انا اتعلمت حاجات كتير اليوم ده حجات ما كنت اعرفه وبجد الله ينور كان مهرجان جميل اوى من جهة التنظيم ان شاء الله المرة الجاية يكون افضل بكثير لان اكيد فى ناس جديدة حتكون معاكم وجزاكم الله كل خير

شكرا ... وجزاكم الله عنا كل خير

shamy — Mon, 03 Sep 2007 08:08:00 -0700

السلام عليكم ازيكم كلكم اتمنى تكونوا بخير

قبل اى حاجة انا لحد يوم الجمعة اللى فاتت كنت بستعمل ويندوز وانا منفوخ ومش طايقه ... دلوقتى وبعد المؤتمر انا بكتب الكومنت ده من على الابونتو من المؤتمر عرفت حاجات جديدة مكنتش اعرفها واهم حاجة انى بدات اغير نظام تعاملى مع الكمبيتر بتاعى ودى حاجة انا قبل المؤتمر كنت شايفها كرثة لكن المؤتمر اقنعنى ان فعلا الموضوع ده يستحق المغامرة ... وانا دلوقتى سعيد جدا بالمغامرة دى احب اقول لكل الناس اللى تطوعوا فى المؤتمر عشان يفيدونا ... شكرا ومش عارف اذا كانت كفاية ولا لا ياريت السنة اللى جايا اكون وصلت لمستوى كويس اقدر افيد بيه الناس عشان اطوع معاكم

بالنسبة للتعليق على ايجابيات وسلبيات المؤتمر : كل الكلام اللى مكتوب جميل وياريت فعلا المؤتمر اللى جاى يكون فى تمويل اكتر وفواصل وتحضير افضل من المحاضرين انا بس هضيف نقطة انى حسيت كذا مرة وانا فى المؤتمر ان اللى بيتكلم مش مقدر قدر معلوملت المستمعين ودى نقطة مهمة جدا

المهرجان كان رائع

Ahmed Tohamy — Mon, 03 Sep 2007 07:18:21 -0700

السلام عليكم ورحمة الله وبركاته يا جماعه المهرجان كان اكتر من رائع انا اول مره احضر مع الجروب هنا بس المشكله ان الموضوع كان محتاج مجهود ودعم اكتر من كده والتنظيم انا لما كلمت دكتور مصطفي عنه كنت اقصد ان كل واحد من المتطوعين يقدم الشرح بتاعه لوحده عن طريق Sound System يكون الناس كلها سامعه ويكون فيه بروجكتور عشان الناس كلها تشوف ولكن هو وضحلي ان النظام هنا work shops أنا شايف ان الموضوع كان محتاج تنظيم اكتر بس الاستفاده كانت عاليه بس Private شويه

انا فرحت جدا بالناس اللي كانت موجودي زي دومينيك لانه افادنا كتير اثناء كلامه عن FreeBSD وال Firewall Systems ومع عمر اللي اتكلم معانا عن ال Business models علاء اتكلم معانا عن Drupal طبعا دكتور مصطفي اللي اتكلم معانا عن Dealing with Joomla as web developers وصديقه اللي بصراحه مش فاكر اسمه اللي احنا رخمنا عليه وهو تعبان واتكلمنا معاه عن سطر الاوامر في حين ان Mnabil اتكلم معانا عن Programming in Linux بس بصراحه كان مركز مع الناس بتوع الجافا ونسينا خالص كبرمجين PHP في حين ان هو ذات نفسه بلغ عن نفسه وقال انه MCAD وناس تانيه شرحت حاجات كتير Security بأمانه اشهد للراجل اللي شرح السيكيورتي انه افادنا كلنا بعلمه اللهم انفع المسملين بعلمه وبقوله اننا في إنتظار البريزينتيشن ابويوسف طبعا استاذي وهو اول واحد كلمني عن اوبنتو بعد ما كنت بأستخدم فيدورا وغير كده الراجل ليه ماوس عندي حد نسيه في شنطة اللاب توب بعد المهرجان

اتمني ما اكونش نسيت حد اتمني ان الموضوع ميكونش سنوي يكون كل فتره اقل من كده شكر خاص لمحمد سمير اللي اتكلم معانا عن Paython واللي كان فعلا عامل روح جميله جدا في المهرجان اتمني اني اساهم المهرجان اللي جاي بإذن الله باللي اقدر عليه شكرا ليكم علي كل اللي قدمتوه للناس وربنا يوفقنا جميعاً

Wiki Subscriptions ?

Hawy_PHP — Mon, 03 Sep 2007 06:52:15 -0700

هو ليه مفيش فى الويكي subscriptions زي المنتديات ؟

الحمد لله دي

Hawy_PHP — Mon, 03 Sep 2007 05:59:46 -0700

الحمد لله دي كانت اول مرة ليا معاكم واستفدت كتير الحمد لله وقابلت وكسبت ناس جديدة فعلا

- انا الحمد لله استفدت من جلسات ال installtion و سطر الاوامر بس كانت المشكلة فى حضور الجلسة الزحمة حوالين المتطوع وخصوصا فى جلسة سطر الاومر مكنتش شايف هو بيكتب ايه يدوبك كنت باسمع الامر واشوفه فى الورقة (( نسخ الورقة الخاصة بالاوامر كانت قليلة عن ورق الاسئلة والاجوبة وفى ناس كانت بتدور على الورق ده وملقيتش منه للاسف

- المراوح كانت شغالة على اخرها بس كان النفس صعب خالص من الزحمة حوالين المتطوع كنت حاضر جلسة installtion بس للاسف خرجت من نصها بسبب هبوط ادي الى اغماءة خارج المسرح وانا رايح ادور على سوبر ماركت اجيب منه مية قبل ما يغمي عليا ولكن لقيت نفسي حاضن الارض علطول بجوار التاون هاوس ولكن الحمد لله فى استاذ من المتطوعين جزاه الله كل خير انقذني من الاغماءة دي بكوب ماء من التكعيبة :D

بس الحمد لله فى ناس كتير مشيت وانا منهم وصللهم يعني ايه مصدر مفتوح ويعني ايه لينكس وان حرام الواحد بجد يشتغل وندوز تاني

استاذ محمد سمير فعلا ادي روح جميلة للمهرجان واسلوبه فى الشرح كان بيشد الناس ليه فعلا كان بيحاول يبسط العملية خالص والحمد لله استفدت منه كتير فى نقطة المصادر المفتوحة و ( وصفة الاكل:D والمتطوعين فعلا لحد نهاية المهرجان متاخروش عنا ومملوش من اسئلتنا مع انها بتبقي متكررة لكن علطول لاقيناهم يجاوبونا بصدر رحب وروح جميلة

انا ان شاء الله هحاول اكون ممثل لل eglug بمدرستي ( مدرسة تكنولوجيا المعلومات بالاسماعيلية ) وخصوصا ان كل المناهج عندنا هناك اعتمادا على منتجات هذه المايكروزفت مع ان احنا بناخد بردو تسطيب اللينكس ( ريد هات ) وكل ده لكن فى مادة تكنولوجيا المعلومات مثلا فى الصف الاول درسنا الوندوز والوورد وفى الصف الثاني الاكسل والباور بويبنت والاكسس وفى الصف الثالث اكسس متقدم و C++ على وندوز بردو طبعا وفى الصف الرابع على حسب الشعبة ( برمجة - شبكات - منظومات ) فتبوع البرمجة بيشتغلوا C++ بردو على مايكروزفت وفى خامسة VB على الزفت بردو Visual Studio

ان شاء الله هحاول اوزع الورق الخاص بالاسئلة والاجوبة على اكبر عدد مهتم واحاول اذا كان فى امكانية حضور اى متطوع قريب من اسماعيلية عندنا مسرح كبير جدا يعتبر من اكبر المسارح فى اسماعيلية وبيتعمل فيه مهرجانات كتير خاصة بالمحافظة

وده موقع المدرسة http://www.at-sit.com

معلش بقي طولت عليكم :)

ياعم محدش

MaLek — Mon, 03 Sep 2007 02:26:29 -0700

ياعم محدش بيقول عليك حاجه :)

المقاله دي مهمه جدا عشان الناس تحدد حتتحرك ازاي بعد كدا ,واحنا بنوضح لبعض وانت عملت اللي عليك وزياده في اليوم دا :)

http://MaLek-x.net

أعتقد ان أكبر

AMS — Mon, 03 Sep 2007 02:07:19 -0700

أعتقد ان أكبر مشكله تنظيميه واجهتنا يوم المهرجان ان اللى داخل المسرح معندوش معلومات عن الجلسات اللى موجوده وأماكنها ومواعيدها " طبعا أبو سمره قام بالواجب وعمل جو حلو ومبهج جداااا" .. اللى حصل انه فى ناس كتيره اتشتت مابين الجلسات .وهاذكر مثلا جلسة سطر اﻷوامر اللى أعتقد ان الناس اللى كانت تسمع عنه قبل كده وكارهاه كرهته أكتر :-) واللى اصلا مسمعش عنه موصلتلوش الفكره .الغلط اﻷكبر من عندى أنا لانى فعليا مكنتش محضر أو مرتب هقول ايه فى موضوع متشعب زى ده فالعمليه كانت سلطه خالص . طبعا محدش بيتعلم ببلاش :-).

انما كل ده مش مهم - تتعوض فى مرات جايه ان شاء الله - المهم بقى انه اليوم بالنسبه ليا كان ممتع جدا للاسباب دى :

الروح الحلوه اللى كانت بين كل المتطوعين خليتهم يعملوا من الفسيخ شربات زى مابيقولوا :).
الناس جايه وعندها شغف حقيقى انهم يعرفوا عن البرمجيات الحره ولينوكس مش مجرد حاجه هيتفرجوا عليها وخلاص .
الناس كان عندها انطباع ايجابى رغم كل السلبيات وعاوزين اليوم يتكرر تانى .

عايز امكانيات اكتر

Ghada — Mon, 03 Sep 2007 01:19:41 -0700

ماشى الموقع و المكان كان من السلبيات .. مأولناش حاجة... بس عشان تتخطى السلبية دى لازم امكانيات و موارد اكتر.. و لو ده متوفرش، فالمهرجان ممكن يتكرر و فى نفس المكان تانى.. اما الناس اللى معرفتش توصل.. فا انا شايفة ان عددنا كان كبييييير جدا، و لو جم مش عارفة كنا هنقف فين اصلا! :)

يا جماعة انتو

linuxawy — Mon, 03 Sep 2007 01:16:47 -0700

يا جماعة انتو فاهميننى غلط

مش انا اللى عامل الصفحة ديه. دى صفحة ويكى. مش انا اللى ابتديتها لكن انا زودت كام نقطة فى الاخر. لا انا باهاجم المهرجان ببساطة لانى جزء منه. ولا باهاجم تنظيمه لانى جزء منه برضه. أنا بس باحاول احدد الاخطاء علشان المرات اللى جاية. الموضوع بسيط.

انا شايف ان المهرجان نجح. وشايف انه لو اتكرر حاشارك فيه بكل اللى اقدر عليه برضه. لكن كانت فيه أخطاء واضحة واللى مش حيعترف بالاخطاء مش حيصلحها بعد كده

Ahmed D. El-Mekkawy

أيوه كان في

MaLek — Sun, 02 Sep 2007 22:38:01 -0700

أيوه كان في مشكلة تنظيميه,لأسباب ياما.

بالنسبة للمسرح المسرح اخدناه من غير ولا مليلم,اتوفر لنا كل امكانياته, المسرح دا بيدعم الفرق المستقله وبيدعم فكرة المصادر المفتوحه طبعا لحد قبل احنا مانروح كان الدعم للجانب الفني بس مش معقول نتخلى عن حاجه زي دي مقابل اننا نروح حاجه زي الساقيه بكل الماضي بتاع اللج معاها ,احنا زي ما اقترح مصطفى حسين امبارح ممكن نعمل اتنين مهرجان تنصيب صغيرين في روابط وواحد في قاعه كبيره

انا مش شايف اس صعوبة في المكان ممكن الوصفه مكانتش مظبوطه شويتين بس فعلا المكان سهل جدا والمره اللي جايه حيبقى فيه وصفه احسن وارقام تليفونات اسهل

بالنسبة للمتطوعين والتحضير ,في متطوعين مجوش اصلا وفي ناس مكنش مفروض انها تدي جلسات ادت جلسات وفي ناس اتزنقت في اخر دقيقه الخ

انا شايف ان اهم ايجابية ان في وشوش جديده في اللج وان الناس اغلبها مشت وهي مبسوطه واننا قدرنا نوصل الموضوع صح

حتة الناس مش عارفه تستخدم الويكي,القصد هنا على الويكي بتاع الإعدادات,اعتقد ان ويكي بمعنى ويكي تتيح ان الناس تخبط ليه الناس اللي كانت شايفه ان استخدام الويكي مش مظبوط معدلتش وظبطت الدنيا؟

http://MaLek-x.net

بالنسبة لي

Warrior King — Sun, 02 Sep 2007 15:51:23 -0700

بالنسبة لي استفدت كثيرا من المهرجان فمن مدة طويلة و انا عاوز اعتمد علي لينوكس و فعلا نزلت النظام ليا و لاتنين صحابي محضروش بس كانوا برده من زمان نفسهم ينقله للينوكس و لحد دلوقت مفيش اي مشاكل بالنسبة للاقتراحات أنا مع موضوع أن التنظيم كان اقل شوية من المستوي كان المفروض يكون فيه فواصل مش مشكلة فواصل خشبية و لا قماشية حتي علي الاقل كان المفروض تتحط شوية لوح ارشادية او خريطة بسيطة للمكان او قايمة باسماء الناس و كل واحد بيعمل ايه بحيث ان كل واحد يدور علي الموضع الي عاوزه و يشوف اسم الشخص الي بيديه كل ديه حاجات مش مكلفة و مش متعبة لكن اظن كانت حتفرق كتير بالذات و ان الاستاذ سمير علي ما اذكر كان كل شوية ينادي في وسط المكان ان فلان بيتكلم عن كذا و ناس كتير تكون مكنتش واخده بالها و تروح تسمع

لكن بصفة عامه انا استفدت كتير جدا و بجد نفسي اشكر كل واحد قال لي كلمة او معلومة و ان شاء الله حكون عضو نشيط في المجموعة

همسة اخيرة يا ريت ميتوقفش موضوع الاتوبيس حتي لو بفلوس لحد ما يكون فيه امكانية ان تتعمل فاعليات المهرجان في اسكندرية بالتوازي مع القاهرة

السلام عليكم

sarah_elsawaf — Sun, 02 Sep 2007 15:09:23 -0700

السلام عليكم ورحمة الله وبركاته انا اول مرة احضر هذا المهرجان وبصراحة المهرجان كان جميل جدا وبما انى مستخدمة حديثة للينكس فالمهرجان افادنى جدا جدا وبصراحة المتطوعين جزاكم الله خيرا كانوا رائعين وبرغم كل السلبيات اللى قراتها الا انى اعتقد ان الافادة كانت اكبر فدى فى حد ذاتها من اكبر الايجابيات اللى ممكن نفكر ان احنا نعدله المرة القادمة ان شاء الله ان نزود عدد المتطوعين لاعطاء sessions علشان يسد على العدد الذى سيتواجد ان شاء الله ترتيب شوية للsessions علشان يبقى الوصول ليها سهل ياريت وقت sessions كون كبير شوية ياريت يكون فى sessions للمبتدئين بس دى مجرد اقتراحات وان شاء الله المهرجان اللى جاى هيكون افضل واحسن وجزاكم الله خيرا على مجهوداتكم

Starting linux and doing

AnGeL Fire — Sun, 02 Sep 2007 14:51:19 -0700

Starting linux and doing my first step now :)

ميرسى جدا يا عزبى على ردك وكويس انت طمنتنى بالنسبه للى اقدر اقدمه فهو بيط شويه يمكن بس اتمنى انه يكون مفيد انا اقدر اقدم مساحات خاصه على سيرفرات يقدر منها اعضاء اللج و كل المهتمين باللينكس تحميل النسخ المختلفه منها و كمان لو فى اى دروس او شروحات خاصه تحتاج مساحات كبيره على اى من السيرفرات انا اقدر اوفر المساحات دى انا عارف انها حاجه مش كبيره بس هى الى اقدر اقدمه دلوقتى وان شاء الله اتمنى انى اكون عضو فاعل و متفاعل فى نفس الوقت فى اللج

ميرسى على تصحيح الكشرى :$ تصدق من شويه كنت باتفرج على القاهره اليوم و لقيت عمرو بيتكلم عن ارتفاع الاسعار و كان منها ارتفاع سعر ابو طارق للكشرى من 3 جنيه ل 5 جنيه :$ حتى الكشرى غلى :(

مجهود ممتاز

egtux — Sun, 02 Sep 2007 13:52:42 -0700

السلام عليكم ورحمة الله وبركاته الحقيقة ونمرة واحد قبل سلبيات والإيجابيات والذي منه لازم اشكر المتطوعين كلهم من أول ما ركبنا الأتوبيس في الأسكندرية لغاية مانزلنا من الأتوبيس مرورا بكل الناس ومش هذكر اسماء لإن في ناس معرفش اسماءها شكرا بجد ياشباب و جزاكم الله خير على المجهود
و بالنسبة للملاحظات

بتفق إن الصوت كان مش كويس و كنا بنحتاج نقرب من المتطوع كتير عشان نسمع ولما العدد كان بيزيد في سيشن معينة كانت بتبقى مشكلة وأقترح إن يكون السيشنز بعيده عن بعضها قدر المستطاع عشان تقدر تستوعب عدد وكمان ما يحصلش تداخل في الأصوات
الناس اللي كانت بتأخد بريك - راحة يعني - سواء كانوا من المتطوعين أو الزوار - المفروض كان يكون لهم مكان بره جنب الإستقبال عشان وجودهم جوه بيعمل شوشره وصوت كتير وده طبيعي وبقترح إن يكون فيه متطوع أو اتنين مهمتهم النظام في المكان عشان الدنيا تكون أحسن
بقترح إن يكون فيه سيشنز للمبتدئين وسيشنز تانيه للناس اللي عندها خبره أكتر بمعنى مثلا ممكن يكون فيه واحد مش محتاج يعرف install على ال PC فيلاقي سيشنز للـ install من mirros مثلا
ممكن يكون فيه حاجات تتباع زي التي شيرت وغيره وتروح الفلوس دي للـfest بتاع السنة الجاية إن شاء الله

يعني دي شوية أفكار لو فيه حاجة تانية إن شاء الله هبقى اعدل في الصفحة بس