اتفضل قوللي لازمة القاعدة ايه بقى فرقت في ايه؟

و بعدين أنا مختلف معاك اختلاف ايديولوجي جذري، اللغة هي اللي بيمارسه الناس و بالتالي فيها دايما تنويع و اختلافات من مكان لمكان و زمان لزمان، ممكن أفهم أن الواحد يبذل مجهود في الحفاظ على قواعد معينة من التغيير عشان يحافظ على استمرارية اللغة (بمعني أن يفضل الناس قادرين على قراءة نصوص من أزمنة و أماكن مختلفة)، لكن لو القاعدة محل الخطأ أو الخلاف مش بتأثر في الفهم يبقى انت بتضيعوا وقتكم و بتخنقوا على الناس (خد بالك أن أنا فعلا جاهل زي الخواجة و مستني حد يقوللي القاعدة دي بالذات بتأثر).

هي مش برجوازية، هي فاشية سفسطائية عبثية و رفض مرضي لما بعد الحداثة.

و بعدين سيبك من بتاعة التنوين و قوللي ليه بيقولى المنادى العلم مبنى مع أن منادى ده اعراب؟ يعني مش عارفين كمان يبنوا نحو متسق منطقيا و بعدين جايين يتنططوا علينا.

ده مثال كويس قوى للكلام الفارغ تماما من أي مضمون

يعنى ايه اللغة تدمر؟ ممكن توصف دي حالة بيبقى شكلها عامل ازاي؟

الأخطاء الاملائية مشكلة لما تبقى نتيجتها صعوبة في القراءة أو لبس ما بين كلمات مختلفة، مش شايف ازاي تبقى مشكلة لو محصلش لبس خالص و مفيش اي صعوبة نتجت عن الخطا، لو عيز تقنعني بحاجة مش كفاية أنك تعلن أنها موجودة اتفضل اشرح ايه المشكلة في المثال المحدد اللي احنا بنتكل عليه

ده غير أن كلمة الأخطاء الاملائية هنا فيها نوع من المغالطة، ده مش خطأ املائي من نوعية الذرافة، ده أقرب للخطأ النحوي، ان كان حتى مش خطأ نحوى ده خطأ في رسم قاعدة صوتية شبه نحوية بالحروف

لو أنا فاهم صح التنويو مش بيعبر عن موقع مختلف من الاعراب ولا حاجة ده مجرد مرتبط بشكل الكلمة و الصوت الخارج من بقنا لما الكلة دي بتقى في الموقع ده

بما أن أصلا كل شعب بينطق بشكل مختلف، التركيز على النوع ده من القواعد في رأيي عبث

لكن أنا بعترف أني غالبا جاهل في الأمور دي و بالتالي ممكن جدا يطلع في لبس فعلا لو طنشنا ميتين أم الألف، بدل ما تضيع وقتك في كلام منفوخ أجوف مالوش معنى لا ودى و لا جاب ممكن تشرحلي لازمة أمه ايه الألف