Manal and Alaa's bit bucket free speech from the bletches

للأسف عدد كبير من المسلمين بينسى أن أمن الدولة ملهاش دين و يشجعهم لما يظلموا حد هما مكفرينه.

أنا فاهم طبعا أن مش كل المسلمين كده، لكن راجع التعليقات اللي بتيجي على موضوع عبد الكريم، أو اللي جائت على موضوع البهائيين أو اللي جائت على مواضيع اضطهاد الأقباط، أو اللي جائت على ذكر عابر للشيعة أو اللي بتيجي عند ذكر اللي بيحصل لنساء مصر.

و ثلاث أربع الكراهية و الحقد باسم الاسلام.

بلاش نضحك على بعض، الغالبية العظمى من المسلمين لو اتفقت على كفر فلان هتتغاضى عن تعذيبه و ظلمه و لا هيصعب عليها حتى، و نسبة كبيرة منهم هتشجع تعذيبه و ظلمه، و لو حاولت تتكلم هيقوللك أمريكا معرفش مالها و الأندلس حصل فيها ايه و حاجات ملهاش أي علاقة بالموضوع.

أنا عارف أنك و غيرك مقتنعين أن مش ده الاسلام الحق، لكن مرجعيتكم نصوص و تاريخ و اعمال عقل و مبادئ و أخلاق. لو أخدنا بمرجعية احصائيا هو ده الاسلام و اللي مش عاجبه عندنا أمن الدولة جاهزة.