Manal and Alaa's bit bucket free speech from the bletches

سر هوسي بايران؟

بالنسبة لي الحياة السياسية في ايران مذهلة، مجتمع حيوي جدا و من زمان و تجارب سياسية مهمة جدا جدا، من أول الدستوريين في مطلع القرن الماضي، لحكومة مصدق للثورة لحركة الشباب و تيار الاصلاحيين.

70000 مدونة، كفاية دي لوحدها يا راجل

و طبعا الفن و الأدب (و خصوصا السينما) الايراني لا يمكن الواحد ميتهوسش بيها، ده غير التراث الفارسي.

ما علينا

يعني ايه لا أعترف بالأديان، الأديان واقع موجود لا يمكن انكاره، ممكن أني لا أعتنق دين و مصدقهوش لكن لا يمكن نفيهم و تجاهلهم، الأديان جزء أساسي من تراث و ثقافة البشر و لازم أهتم بيهم و لو اهتمام سطحي

لكن عموما اهتمامي بالشيعة مش لاهوتي، أنا مهتم بيها بسبب تاريخ مصر الشيعي (الدولة الفاطمية مسئولة عن كتير من طباع و خصائص مصر و المصريين و الدين الشعبي يشابه الشيعة جدا).

أما ملحمة الحسين فدي قصة مؤثرة و جميلة و المفروض تهم كل حد، سنة و شيعة و غير مسلمين.

معرفش ايه تفسير عدم معرفة الكثير بالشيعة، بس عموما الناس عندنا جاهلة بأي عقيدة غير عقيدتهم، معنديش فكرة اذا كان ده طبيعة البشر عموما و لا دي حاجة حكر على المصريين لكن المؤكد أن الاعلام و التعليم مبيعتبرش دي مهمته (و لا بيهتم بالفلسفة مثلا، هو من الأخر ما لوش لازمة أصلا).

معنديش فكرة الكتاب و المشايخ بيتجنبوا الموضوع ولا لأ لكن انطباعي أن ده مش صحيح.