الي الأخوة الفطاحل البواسل، الرجالة الشديدة قوي المؤمنة قوي الغيورة قوي قوي قوي قوي

المرجلة مش هز كتاف

و الايمان مش فتح كتاب

و الحرية مش بالقسط

و بعد،

أنا مش فاهم ليه كل واحد يشوف سلوك مش عاجبه يقوم يختزل الحرية كلها فيه

يا سادتي الحرية التي نريد حرية واسعة، تسمح بطيف كبير من السلوكيات والاراء و تضمن العدل و الأمان لكل الناس

أيوه أحنا بنطالب بحرية الالحاد و الكفر و الايمان بأي عقيدة مهما كانت، أحنا مش عايزين حرية الاختيار من متعدد في الأديان، عايزين زي ما نبقى أحرار نكفر يبقى الناس أحرار تتدين، و محدش يعتقل عشان ربى دقنه و تردد على الجامع كتير. و مفيش واحدة لما تسلم البوليس يرجعها لأهلها و يلغي اسلامها.

الحرية التي نريد هي حرية أن تنتمي لأي جماعة مسالمة من غير ملاحقة أمنية، أن تشكل أحزاب تعبر عنك، أن تصدر صحف تعبر عنك و تكشف الحقيقة من وجهة نظرك. أنك لما تعبر عن رأيك لما تقترح الأفضل لمستقبلك و مستقبل أولادك محدش يتعرض لك بالتعذيب و الاعتقال.

عن الجزيرة

وفي هذا الإطار قال مراسل الجزيرة في القاهرة إن متظاهرين غاضبين أحرقوا مقر الحزب الوطني الحاكم في منطقة إمبابة ....

!و يا ترى ده مكانش متوقع؟

في وسط الهيصة بتاعت انتخابات مجلس الشعب انتخابات اتحاد الطلبة بجامعة القاهرة شغالة و محدش واخد باله.

كعادة كلاب الأمن و دلاديل السلطة قوائم المرشحين اتشطب منها كل من لم يعرف عنه أنه مباحث، و دي طبعا خبطت طلبة الأخوان المسلمين أكتر من أي حد تاني.

لكن شباب جامعة القاهرة طلعوا أجدع من أي حركة معارضة و قرروا يتجاهلوا القرارات التعسفية و عملوا انتخابات بديلة سموها انتخابات اتحاد الطلبة الحر.

أنا مبهور من الشجاعة و الابداع، أهم دول اسلاميين الواحد يفتخر بيهم و ينتخبهم مش البلاوى بتاعت مجلس الشعب.

late account of the first day of parliamentary elections.

Imbaba

the day starts in Imbaba, we arrive at Kamal Khalil's campaign headquarters and the good news start coming in, no judges monitoring the elections in Imbaba at all they're all state attorneys (guess how independent they are).

polling station are separated by gender, we got to one of the women's polling stations, very quite, nothing happening, youth from the Kamal Khalil campaign are sitting outside distributing leaflets, they say thee are no major violations but the turnout is very low and the only people who show up know very well who they'll vote for.

that doesn't despair them though, no one expects Kamal to win we are using elections as a platform so they distribute the leaflets and talk to voters about Kamal Khalil and socialism, they even talk to the people coming out of the voting station.

We move on to a larger polling station, a big school complex with three separate polling stations, voters are being bussed in by droves, loud speakers everywhere, it is a regular circus.

تم اضافة قوائم ناخبي دائرة العطارين و اللبان لقاعدة بيانات الناخبين.

لو أنت من المنطقة تقدري تبحثي عن اسمك لتعرفي لجنتك الانتخابية، لو أنت من مواليد 1982-1986 و محل ميلادك في العطارين يبقى احتمال عالي تكون مسجل و تقدر تنتخب روح دور على اسمك.

الأهم دلوقتي هو أن تنظيم الجداول في صورة قاعدة بيانات يسهل البحث فيها سمحلنا بالفعل أننا نرصد تجاوزات في امبابة (مجرد ترتيب الجداول بالاسم بيظهر الأسامي المكررة مثلا).

يا نهار مسخرة

كل التزوير ده و المشاركة 10%

بس أنا شايف أن المشاركة الضعيفة جدا جدا جدا جدا دي مش معناها أن الناس مش هاممها

أولا أغلب الناس مش مسجلة و لأسباب الحكومة مسئولة عنها بدرجة عالية

و كمان نسبة لا يعلمها أحد من الجداول يا أما مزيفة يا أما المعلومات ناقصة و لا يمكن مطابقتها على الناخب (يا أخونا ده في مرشحين معرفوش ينتخبوا في دايرتهم عشان الكشوف)

لكن سيبك من ده كله، بتوع الوطني كانوا مازلين يرشوا فلوس و شفنا بعنينا، و أغلب المسجلين ما راحوش الانتخابات، مخدوش فلوس و لا انتخبوا حد غير بتوع الوطني.

لسه مش عارف ألم نفسي و أكتب عن يوم الانتحابات، كل شوية يجيلي تلفون يقوللي على مصيبة شكل.

فصلت و قررت أقعد أهاك في الموقع أفيدلي و أكرملي

بس في وسط الزيطة دي كلها خبر شد انتباهي جدا، بعد ما شفنا بنفسنا فساد و تواطئ و موالسة القضاة (و النضيف منهم بيكبر دماغه أو يبعد عن الشر).

يا عالم ياهوووووه الاعادة في دائرة قسم المنيا بين مرشح الأخوان و مرشح التجمع

سمعتوا دي؟ ركزوا شوية و نعيد

الاعادة في دائرة قسم المنيا بين مرشح الأخوان و مرشح التجمع

قضاة لجنة مدرسة باحثة البادية بامبابة (اللي هما أصلا مش قضاة و لا حاجة، مفيش قاضي واحد في أي لجنة من لجان امبابة كلهم وكلاء نيابة) طردوا مندوبين المرشح الاشتراكي كمال خليل وقت بداية الفرز و ابتدوا يزودوا أصوات بنفسهم، كمال خليل حاول يخش يحضر هو الفرز بنفسه لكن القضاة طردوه و زقوه بره اللجنة

تحديث (update):

كمال خليل هو المرشح الوحيد اللي اطرد بره اللجنة، بقية المرشحين أو مندوبينهم بيحضروا الفرز

أنتهيت أخيرا (بعد تأخير يومين) من اضافة جداول مصر القديمة و عين الصيرة لقاعدة بيانات الناخبين عندنا.

لو أنت من المنطقة تقدري تبحثي عن اسمك لتعرفي لجنتك الانتخابية، لو أنت من مواليد 1982-1986 و محل ميلادك في مصر القديمة يبقى احتمال عالي تكون مسجل و تقدر تنتخب روح دور على اسمك.

الأهم دلوقتي هو أن تنظيم الجداول في صورة قاعدة بيانات يسهل البحث فيها سمحلنا بالفعل أننا نرصد تجاوزات في امبابة (مجرد ترتيب الجداول بالاسم بيظهر الأسامي المكررة مثلا).

عاوزين نستغل الفرصة دي بحيث قبل ما نوصل لانتخابات مجلس الشوري تكون الجداول اتنضفت تماما، محتاجين تعاونكم في جمع جداول كل الدوائر، اتصل بمرشح المعارضة أو الاخوان بمطقتك و اطلب منهم نسخة من الجداول و ابعتهالي.

تم تغيير مكان مؤتمر يوم الاثنين 7 نوفمبرالساعة السابعة مساء المؤتمر الختامي لحملة كمال خليل الانتخابية

وذلك بسبب ضغط أمن الدولة الذي رفض عقده بالمكان المعلن سابقا. ومن ثم فسوف يعقد المؤتمر في نفس التوقيت أسفل المقر الانتخابي

بلوك 10، منزل 13، شارع طلعت حرب، بجوار ألبان المالكي وقهوة رامي، إمبابة

برجاء المشاركة حتى نثبت لأعدائنا من أمن الدولة، إلى الحزب الوطني، إلى رأس النظام .. أن المناضلين من أجل التغيير لن يتوقفوا عن النضال ضد حكم الاستغلال والفساد والاستبداد

لو عاوز تعرف لجنتك الانتخابية فين أو أنت مسجل ولا لأ تقدر تزور

• قاعدة بيانات ناخبي امبابة
• قاعدة بيانات ناخبي الدقي
• قاعدة بيانات ناخبي مصر القديمة و عين الصيرة
• قاعدة بيانات ناخبي العطارين و اللبان - الاسكندرية

المفروض أن كل مرشح بيحصل على قائمة كاملة بالناخبين المسجلين في دايرته، و المفروض القائمة دي بتتنقح و تتجدد بشكل منتظم.

المفروض برضه أن مواليد 1982-1986 مسجلين تلقائيا.

اللي بيحصل أن المرشحين بيحصلوا على القوائم متأخر جدا و القوائم بتكون مترتبة ترتيب سيئ جدا و صعب التعامل معاها، و طبعا ولا بيتم تنقيحها ولا حاجة.

أما موضوع مواليد 1982-1986 فده مسخرة كل ما حد يسأل على تسجيله يطلعوله بسبب هو ليه مش مسجل، كمان مش واضح هل تسجيلك بيكون عند محل اقامتك كما هو مسجل في الرقم القومي و لا عند محل ميلادك ولا بين البينين.

اللي أنا مستغربه أن الناس بتشكي من القوائم لكن قليل جدا أما حد من المعارضة يوجع دماغه و يقعد ينقح و يدور في القوائم، ليه منظمات المجتمع المدني مش بتعمل مشروع كبير لرصد كل الميتين و التكرار و الانتهاكات الأخرى؟ ولا بيعملوا بس ملهوش فايدة؟ معرفش.

المهم المرة دي المرشحين حصلوا على القوائم في صورة رقمية و ده نظريا معناه أن هيسهل جدا البحث في القوائم، و دي حاجة تسمح للمرشح أنه يتصل بناخبيه و تسمح للناخب أن يعرف لجنته فين و هو مسجل ولا لأ و رقمه ايه و يوفر مشاوير و حرقة دم و كمان يسمح للمراقبين أنهم يدوروا على التجاوزات اللي في القوائم بشكل أسهل.

بس ده برضه نظريا، عمليا حكومتنا الالكترونية بذلت أقصى جهدها في أنها تديك ملفات كافكاوية (أو مباركية) عبثية يصعب جدا التعامل معاها.

اعتقال مدون مصري

عبد الكريم نبيل سليمان طالب مصري له من العمر 21 سنة. يدرس القانون بجامعة الأزهر فرع دمنهور، وهو ناشط في مجال حقوق المرأة، ومراسل لموقع الأقباط متحدون ، بالإضافة إلى كتاباته في موفع الحوار المتمدن، فهو ينشر في مدونته كريم عامر.

ألقت مباحث أمن الدولة المصرية القبض على عبد الكريم يوم الأربعاء 26 أكتوبر 2005 من منزله، وصادرت مقالاته المطبوعة، وهو الآن في طريقه إلى أحد المعتقلات. زار ثلاثة من المدونين المصريين عائلة عبد الكريم، الذين أرجعوا سبب اعتقاله إلى آراءه، وإن لم يستطيعوا تحديد إن كانت لمدونته صلة مباشرة بالاعتقال. طبقا لأخيه، فإن لعبد الكريم علاقات متوترة مع جماعات السلفيين في حي محرم بك بالإسكندرية حيث يسكن، ومن المحتمل أن يكون للسلفين صلة ببلاغ أدى إلى اعتقاله.

Egyptian Blogger taken in Detention

Abdolkarim Nabil Seliman is a 21 year-old Egyptian student of law at the Azhar University, Damanhour Campus, a women's-rights activist and a correspondent for Copts United.

In addition to writing at Civic Dialogue, he also publishes at a blog he maintains.

On Wednesday 26 October 2005, Egyptian State Security took Abdolkarim from his home, and confiscated hard copies of his writings. He is now on his way to an unknown detention. Three Egyptian bloggers visited Abdolkarim's family. The family attributed the state security raid to his writings, although it was not clear if his blogging is directly related. According to his brother, Abdolkarim's relations with Islamist Fundamentalists in his neighborhood of Moharram Bek, Alexandria, are tense. It is possible that the fundamentalists have filed a security complaint that led to his detention.

technorati tag abdolkarim

لماذا يفتخر ضباط الداخلية المصرية بضرب النساء و الأطفال أمام وزارتهم ؟

أمهات المعتقلين المصريين

aynawaladi@hotmail.com

الساعة الثانية عشر يوم25أكتوبر2005 كان موعد الاعتصام الذي قررت أمهات المعتقلين المصريين تنظيمه أمام مقر وزارة الداخلية، كما كان متوقعاً حاصرت قوات الأمن النساء المشاركات بالاعتصام من بداية تجمعهن أمام مقر نقابة المحامين بشارع رمسيس و أمام أقرب محطة مترو لمكان الاعتصام – محطة سعد زغلول ، عندما تجمعت الأمهات أمام مقر الوزارة بعد ساعة كاملة من موعد بدء الاعتصام- برفقة عدد من الشباب المتعاطفين مع قضيتهن و مطالبهن حاصرت الشرطة الجميع (باستخدام الحواجز الحديدية و صفوف متوالية من العساكر و الضباط ) حاصورا السيدات على الرصيف المقابل ، لحد أن الحركة داخل هذا المكان- السجن كانت صعبة للغاية خاصة في ظل وجود مسنات و أطفال.

اللي عاوز العلاج

يقول ورايا

ااااااه ااااااه ااااااه

عادل امام - النوم في العسل

البيان ده مجرد اقتراح، مجرد بداية، اللي مش عاجبه يقترح تعديل أو حتى يكتب بيانه، المهم نبدأ نتكلم بجد، نبوس على راس بعض و نفتح دواليبنا و نبطل نخبي و نستخبي، المهم نقول اااااااااه اااااااه ااااااه

ااااااه ااااااه اااااه

عمي كمال خليل مرشح نفسه عن دايرة امبابة و موقع الحملة على النت http://www.imbaba2005.net

يعني المرة دي الانتخابات فيها مرشحين محترمين بجد، و مش في دايرة امبابة بس، يعني ضروري كل اللي يقدر يشارك و يصوت يشارك و ينتخب أي حد من المعارضة.

يا شباب جيلي يا مواليد 1982-1986 أنتم أخطر ورقة سياسية في البلد دلوقتي، أغلبكم مسجل في جداول الناخبين تلقائيا و من حقكم تشاركوا (يا بختكم، مكنتش أتولد سنة متأخر).

بس زي ما كتير منكم اكتشف في انتخابات الرئاسة الهزلية من غير البطاقة بلطجية الحزب الواطي اللا ديمقراطي هيتوهوكم.

شكرا شنكح هبللو على تنبيهي لمصدر المقال الأصلي واضح أني لازم أدي الحاجة 24 ساعة قبل ما أدور عليها في جوجل

يا ريت البشر التلمة اللي مقضية حياتها copy و paste ترحم شوية، التعليقات موجودة عشان الناس تتناقش و تضيف جديد من عندها مش عشان تتكلموا في مواضيع لا علاقة لها بالموضوع الأصلي، لو كل اللي عاوز تضيفه أنك تذكر مقال أتنيل ابعت رابط و بطلوا غباء يا غفر ميتين أم الأنترنت بتشتغل بالروابط

لأ و المصيبة الهبل اللي يبقى عندهم موقع فعلا و يجي برضه يبعت مقاله في تعليقات عند ناس تانية، ده غير اللي بيغرقونا بالسخام عشان نروح بنفس المقال اللي موجود على الموقع

عصابة القناع الأسود بتمسي على الريس بمناسبة نجاحه بأسلوب الحل الجماعي (متسموهوش غش يا جماعة حرام عليكم، أحنا بنساعد بعض بس) و بتقوله:

دلعنا يا ريس دلعنا

download

• high quality WMV 13MB
• low quality WMV 8MB

و متنسوش تبصوا على الأصدارات السابقة

• حاميها حراميها
• جمال و بابا و الأربعين حرام

القناع الأسود حائز على جائزة بهية لعام 2005 في مجال الهرتلة السياسية.

مبارك و النيو لوك الجزء الثاني

download

أقوى من سنجام

الجزء الأول

و النبي يا جماعة حد يقوللي الكلام ده مش صحيح

القوات المصرية قتلت فلسطيني برفح

عن الجزيرة

وفيما قالت مصادر طبية وشهود عيان إن فلسطينيا استشهد في رفح جنوب قطاع غزة إثر إطلاق الرصاص عليه من جنود مصريين حاولوا منع المئات من الاقتراب من السياج الحدودي للقاء أقاربهم على الجانب الآخر، نفى المتحدث باسم الرئاسة في مصر سليمان عواد أن يكون حرس الحدود المصري قد قتلوا أي فلسطيني.

مش عارف أقول ايه، لو الكلام ده صحيح تبقى مصيبة، لأول مرة أحس بقرف من أني مصري، خلاص هنشارك الاسرائليين في جرائمهم، منحل ميتين أم الجيش اللي مالوش لازمة ده، يوم يضرب في المتظاهرين و يوم يقتل في الفلسطينيين، و عشر أيام يشحت من أمريكا، فكوه و أصرفوا الفلوس على التعليم ولا حاجة.

late as usual, server suffering under the load, this aggregator thing is way too popular, will write in English since I wrote most of this in an email anyways.

On election day the youth of the movement hijacked the protest and turned it into a three hours march across downtown Cairo, we ended up with hordes of thugs attacking us at Attaba and had to withdraw to the relative safety of the journalist syndicate, everyone thought this would be the last day of protests without heavy security presence.

But it was not to be, it seems that in the no man period between the old and the new president there is no one in charge to give orders to security, hell maybe this new president guy will be better, he sure looked younger.

So we found ourselves again without security presence, but this time the protest is organized by Hamla (aka the popular campaign for change) and not Kefaya (aka the egyptian movement for change), unlike Kefaya who freak out when given a chance to take bold actions, Hamla use any opportunity they can get to raise the roof and engage in more daring tactics (after all kefaya never planned to organize any protests until hamla pressured them by taking the streets, many of the milestone protests commonly attributed to kefaia like the book fair protest and the shobra protest where actually organized by hamla), so this time everyone wanted to march, we didn't have to fight with anyone, the marching plan was still the topic of heavy debates and minor fights but thats to be expected.

(photos)

اللحظات التاريخية حاجة غريبة لا يمكن توقعها، بتحصل ببطء، بتكبر و تتسلق فيك و جواك لدرجة تحس أنك لو مش مركز كانت فاتتك.

يوم 7 سبتمبر 2005 كان زي ما توقعت لحظة تاريخية لشباب ما بعد المعارضة، لكن اللي متوقعتوش، اللي مستجرتش حتى أحلم بيه هو تاريخية ازاي بالظبط.

أذا كانت المظاهرات اللي من بعد يوم الاستفتاء طلعت الرجل الأخضر اللي جوايا و خلتني أشيل كرادين حديد غصب عن عين أعداد لا تحصى من الأمن المركزي، و أضرب ظباط (و أنضرب طبعا)، و أزعق و أزئر ولا كأني بلعب حديد و جودو كل يوم، مظاهرة الأربع طلعت من جوايا بيتر بان، لقيتني بأتنطط و بأطير، و بأضحك و بأتشاقى، و لقيت أي حاجة أتخيلها بتتحقق و لقيت اللي حواليا بيتعدوا مني (أو هما اللي عدوني). بعمل اللي أنا عاوزه مهما شخطوا في الكبار، وصل الموضوع أن الكبار يا أما انضموا لينا و أستعيلوا يا أما خدوا بعضهم و مشيوا.

طبعا السادة الكلاب الجعانة خريجي أقسام العتبة نفضت تراب الجنيات من علينا ووقعونا في الأرض، بس كابتن هوك لسه مأنتصرش و لينا معاد تاني.

فاكرين الكائن اللعين اللي مصر يحلم و يصدق أحلامه اللي أنا افتكرته عقل بعد القضاة ما طلعوا وكلاء نيابة؟ ابن اللذين طلع لسه أهبل و ركبني و خلاني أتصرف بكل الهبل و العبط و قمة قلة الأدب اللي ممكن أوصلها.

ايه الكلام اللي أنا بقوله ده؟ باين تعليقاتكم خلتني أصدق أني بكتب! نحكي القصة أحسن. بس ابدأوا بالصور

صلاح دخيل كتب الكلام ده في تعليق

هو صحيح بعت التعليق مليون مرة بس معلش، الراجل كتب كلام كويس مبذول فيه مجهود، و لو حد حاسس أنه كلام مكرر أو مقدمش جديد أفكركم أن نصف ما تنشره جرائد المعارضة كلام زي ده و أن كان صلاح بيكتب أحسن شوية.

بس أنا كنت فاكر أننا بنتكلم في فترة خامسة مش سادسة

نقطــة نظـــام

أسعد الله صباحكم بكل خير .. جئت هنا لأواسي الشعب المصري بمناسبة فوز مبارك المرتقب قبل إغلاق الصناديق بطبيعة الحال ، بالأمس كتبنا وصرخنا كثيرا لا لمبارك .. وهذا أمر طبيعي .. بل واجب وطني وديني ومن حق أهلنا وأبنائنا علينا أن نقولها عالية مدوية لا لمبارك .. هل تريدون أن تعرفوا الأسباب بهدوء ؟ إذن فليأتي كل الأخوة الذين ضحك عليهم النظام وسلب قدرتهم على التفكير وغسل أدمغتهم بمساحيقه الإعلامية الخائبة (حتى هذه خائبة). تعالوا نهدا شويه ونقوم بتقييم الراجل ده بصورة صحيحة .

الناس كلها عمالة تزن و تقول بعد الانتخابات هنتبهدل كلنا، أنا مش مصدق بالمرة و مظنش في حاجة هتحصل. بس أنا برضه كنت مطمئن و باخد اللابتوب معايا المظاهرات لحد ما اتسحلت و اتسرقت، يمكن أكون غلطان و يكون معاهم حق.

دي محاولة أني أعمل حسابي، يمكن كلامهم يصدق و الدنيا تتقلب

عايز أحيي الناس اللي شاركوني اللحظة دي، بس مش هشكر المدونين، مش هشكر القلة اللي تغاضت عن مشاكل أسلوبي و لغتي و أصروا يقرأوا اللي بكتبه حتى لو كان مش عن المظاهرات، مش هشكر اللي اتصلوا بيا يشجعوني أو يطمنوا عليا، مش هشكر اللي حبيتهم من الصحفيين، مش هشكر أهل شبرا اللي احتفوا بينا بدل المرة اتنين. و غيرهم، مش وقتهم دلوقتي