قسم شرطة الزاوية الحمراء نوفمبر 1999

نصرة

أخدوني أنا وحماتي لقسم الزاوية، قعدونا في حجرة وقفلوا علينا، كنا سامعين صوت جوزي واخوه وهمه بيصرخوا من الضرب. علقونى علي الباب وضربوني وبقوا يلفوني على الأرض من شعري وربطوني في الفلكة وضربوني على رجلية بالكرباج. دخلوني علي جوزي وهو متعلق وعريان ملط وقالوله حنمرمط مراتك. قلعونى الإيشارب وربطوا بيه إيديه ورا ظهري ضربوني ورموني على الأرض وبقوا يجروني من شعري. نزلوا جوزي وعلقونى مكانه من إيد واحدة. بعد حوالي ربع ساعة نزلونى وربطونى في فلكة وضربونى بكرباج أسود. تانى يوم دخلونى حجرة جوزى وقالوله حنخلى العساكر دول ينيـ……

( عشر عساكر) ومسكونى وربطوا إيدية ورفعوا الجلابية والقميص وحسسوا علي جسمى بقيت أصرخ وجوزى هوه كمان يصرخ.. تانى يوم نزلونى تانى حجرة جوزى وقالوله حنقلعها ملط ونخلي كل دول (حوالي 10 عساكر يغتصبوها) طبعا ماقالهاش كده قال كلمة قبيحة. وبعدها ربطوا ايديه، ورفعوا الجلابية والقميص الداخلي، أنا أصرخ وعايزة أوطي أبوس إيدهم مش عارفة من التكتيفة، وجوزى يصرخ ويقول شرفي ضاع وهمه مش هنا.