و رجعنا أخيرا أرض الموكوسة بعد رحلة طويلة و جميلة، و لقينا هدية لطيفة جدا من أمن الدولة في انتظارنا (انظر الصورة)
و بالنسبة للنخبة المنتقاة اللي اتعزمت النهاردة عندنا جهزوا نفسكم للوراجي
انا اول مره ارد عندك في البلوج يا علاء و احييك علي جرأتك و صراحتك انت والمدام و بالنسبه للاخ بتاع المؤامره و التمويل مسئلتش نفسك هي اسرائيل و لا امريكا هتمول علاء ليه تكونشي الحكومه الموجوده مش عجباهم و لا الريس مبيسمعشي كلامهم و بعدين يعني يوم ما امريكا و لا اسرائيل هيهزوا طولهم هيمولوا بلوج ده حتي لو كان الشعب كله بيدخل عالبلوج ده كلامك بتاع نظرية المؤامره ده بيفكرني بكلام الاتحاد الاشتراكي ثم ان ربنا اداك عضو في الجمجه اسمه مخ يا بتاع المؤامره يا ريت تشغله شويه
متشكر جدا يا أخ محمد على كلامك الموزون، و أسف أني هبيت فيك في ردي على البتاعة بتاعت الدنمارك بس أنت يجي رابع حد يقولني حاجة أنا مقلتهاش في التدوينة دي.
معلش يا أخ محمد...اشرب بقى من ديموقراطية علاء باشا سرتنة...رغم انك دخلت فى موضوع الدنمارك بتهاجم الناس اللى بتستخدم لغة متدنية (واضح انك كنت قاصدنى) وتسأله بمنتهى الأدب والذوق...الا أنه رد بمنتهى الوقاحة كعادته واصفا اياك ومعك نحن جميعا بالغباء..طبعا فهو الوحيد الذكى فى الكون...لكن ياعينى لما جه ع الموضوع ده لقاك بتدافع عنه وبتهاجم غيرك عشانه..انشكح وبقى كلامك موزون يستاهل الشكر..ولما خد باله من التناقض جه يكحلها عماها فاتأسف عن رده على "البتاعة" بتاعة الدنمارك!!!!! يعنى كلام سيادتكم فى صفه ودفاعا عنه يبقى كلام موزون...وكلامك اللى مش عاجبه يبقى "بتاعة" تستاهل انه يهب فيك ويلعن دين أم غباءك.... ياريت ياجماعة تفهموا بقى مين هو علاء سرتنة الديموقراطى المزيف
ايه التعارض بين الديمقراطية و بين أني أقول على الغباء غباء؟
و مين قال أن المدونة مساحة لممارسة الديمقراطية؟
و لما هي كخة كده سيادتك لازقلنا فيها ليه؟ ما تغور في أي موقع تاني و تريحنا؟
أنا لا قلت كلامه دائما غبي و لا قلت كلامه دائما موزون، لما لقيت كلام موزون قلت و لما لقيت كلام غبي قلت
و هي بتاعة دي كلمة قبيحة اليومين دول؟
أنا لعنت دين أم غباء اللي يدعي على كلام أنا مقلتهوش، رغم أني كررت و شرحت كلامي أكتر من مرة و بالعربي و بالانجليزي، و ركز كده هتلاقي أني بشتمك فقط لما تتغابى لكن لما كلامك مبيعجبنيش و رأيك يخالف رأيي من غير ما تستهبل أو تستحمر برد عليك بهدوء.
هو ده النظام عندنا، اللي عايز يلغي دماغه يا ريت يشوفله موقع تاني .
ده بعدك يا علاء سرتنة..ياعلاء كوهين...مش حاسيب هنا الا بمزاجى أنا مش بمزاج أهلك...وخليك ياواطى كده تاكل فى روحك...يابوضفاير
أهلا يا بهوات: هو فى الحقيقه الأجتماع النهارده زى حضارتكم ما عارفين بيناقش موضوعين مرتبطان ببعض الأول كثافةالمعلومات اللى بتتعارض مع سياسة الدوله وكيفية التعامل معها خصوصا بعد أنتشار الفضائيات الأخباريه وارتفاع كفائتهاو الثانى موضوع الأنترنت وملحقاته، وعاوز مقترحاتكم تكون مبنيه على أفكار عمليه، مش عاوز خطب عاوز كل واحد يعرض تصوره للمشكله ومقترحاته لحلها. طبعا انتوا عارفين ان مفيش بعدنا جوه البلد واحنا فى مرحله حرجه ومحتاجين للوضوح و الصراحه علشان نعدى الأزمه دى أنا عايز اسمع منكم أنتم أذكى رجاله فى البلد ولولااكوا لكانت البلد راحت وشكم ولجم سبعين مليون نفر دى معجزه عشان كده محدش بيقرب مننا. ايوه ياشوقى عاوز تقول حاجه... حضرتك يافندم أحنا بنأمن ايه فى الدوله يعنى لو سمحت سيادتك فى مرحلة الستينات كان فيه مشروع وهدف وعدو وصديق ولما أضرب المشروع بقوة السلاح واللى كان كان جت السبعينات وظهر مشروع عكس المشروع والعدو بقى صديق والصديق بقى عدو،لما القسم اللى بنقسمه بقى عاوز تعديل ،لكن المشكله هى غياب الهدف وغيابه يا فندم عمل فراغ سيادتك بقى عامل ذى الثقب الأسود اللى بيقوله عليه فى الفضاء بيبلع كل حاجه ودلوقتى لابقى فيه مشروع ولاهدف ولاعدو ولاصديق بقينا بلد زى الميه تتشرب لكن لاطعم ولالون يعن مثلا سيادتك ادايه بيروح لميزانية الجيش غير جزء محترم من المعونه وكل اللى الناس شيفاه جيش بيربى فراخ وبيخبز وبيعجن وبيدخل مقولات وساعات بيلعب عسكر وحرميه فى البحر الأبيض مع الأمريكان و النجم ساطع وفاقع وشمس وقمر ونجوم الليل وبعد ما كان جيش اكتوبر بقى جيش ذو القعدة ومش معقول نقول للناس تمويه تبق واسعه اوى يافندم..: ايه ياشوق هو احنا فى اجتماع شيوعى انت عارف ان الجيش خط أحمر وبعدين احنا فهمنا المدخل بتاعك ايه هيه أقتراحاتك .. الخصخصه يافندم ..نعم.. ايوه يافندم لما البلد بقت شركة والسياسه صفقه وطبعا لاشيوعيه ولا ديولو والأخوان يروا ان تسعة اعشار الرزق فى التجاره يبقى ايه مشكلتهم مع الأمريكان شوية اختلاف فى وجهات النظر لاتقطع للود جلابيه وده يافندم يخلينى أقول ان مبقاش عندنا رؤيه معينه بنأمنها ميفضلش الاأفراد يافندم أفراد تجب حمايتهم وأنفار يجب أرهابهم وبالخصخصه يا فندم يطور الجهاز وتتخلق آليه مواكبه حضرتك معظم الدول العربيه أجهزة أمنها مستورده وأحنا عندنا كفاءات ابتدت تتسرب اللى بيفتح شركة امن واللى بيسافر سيادتك وحضرتك عارف ان الريس السادات هو اول رئيس فى مصر يحميه فريق أمن اجنبى وده كان فى الأتفاق مع الأمريكان يعنى مش جديده وحضرتك عارف يعنى نظام الحراسه ماشى ازاى لكن بالخصخصه هنقدر ننافس شركات الأمن الخاصه ونسحب البساط من تحتها يا فندم ... كلام مهم أكتب تقرير بكل ده للنظر.. ايوه يا مدحت أتفضل ... حضرتك التواصل بين الأجهزه يا فندم والتخصص يعنى الدخليه مثلا والأمن المركزى غلاطتهم كترت وده بيقع على دمغنا يعنى مثلا فى الأزمه اللى فاتت واضح ان مفيش تدريب ومش معقول نفض كل اعتصام او مظاهره( بهع هو هع دى) يعنى حضرتك شوف الدخليه فى البلد اللى جنبنا الناشط من بتوع حقوق الأنسان بيقى رابط نفسه يالحديد فى الجدار بتاع الفصل يدخل أفراد الأمن من دول يشلوه زى الشعره من العجينه ولايتخدش خدش واحد وده يا فندم بالتدريب والدورات مش فعص ضبش وهما يافندم عندهم خبرات بصراحه كبيرة قوى ده حتى الأمريكان بيتعلموا منهم:.. باين عليك جاى سخن يامدحت ابقى اكتبلى تقرير عن الدورة .. : ايه مالك يا محمد ساكت هى لسه حكايت فرفور دى مزعلاك ....لايافندم انا زقيت عليه شوية عيال من اللى ملهمش لزمه يردحوله لما يقول حقى برقبتى اهو بدل مهم قعدين لاشغله ولا مشغله وكل تقريرهم كدب وسخافه بس يا فندم اللى غيظنى انه بيعرض كل الشتيمه بتاعت العيال بتوعنا زى ما هيه كأنه فرحان بيها وبرضوا بيعرض شتيمه انقح منها من ناس منعرفهمش بيطوعوا وطنيه المهم انا قدامى كل المعلومات عنه من قبل ما يتولد وكل اهلة واللى يعرفهم وهنلاقى ثغره ندخل منها وكمان يا فندم فى أقترحات كنت طلبتها من القسم القانونى وقسم الحرب النفسيه ودرستها يافندم أهمها أننا نستعين بقسم الكمبيوتر بتاع الجهاز الكبير وبكده نغطى الجانب الفنى اما بالنسبه للجانب المعنوى من الموضوع انت عارف ان المجتمع محافظ ولما نركز على انه حتت واد بايظ والخمره والمسخرة مع شوية الحاد هيبقى محصور فى نطاق ضيق وبرضو يا فندم حكايت نشره طلب الحضور سلاح ذو حدين يعن ملاحظين ان فيه عيال خافت ومبقتش تكتنب حاجة وهيبقى يا فندم محصور فى نطاق ضيق وبعدين حكاية العماله يا فندم دى مهمه عشان كده مش هتتعمل غلطات اداريه تانى وبعدين موضوع الوطنيه مصر هى امى شغال وليه أثر مش هين وطبعا الأشاعات وبعدين الواد غشيم ومتعافى ممكن نورطه بسهوله خصوصا انه صغير والغيره والحقد يعنى الشهره برضو هتعمله مشاكل هوة ومراته وحكاية زعيم دى بتغيظ وفى عالم مخنوقه من نفسها لاهى بتعمل حاجه ولاعوزه حد يعمل بتفكر وذكيه لاكن جهلة زى الكمبيوتر من غير معلومات.. امال فين مقترحات القسم القانونى مهو مش معقول نسيب الريس وابنه يتشتموا عمال على بطال اى نعم ده بيخدمنا فى حكايةان البلد فيها ديمقراطيه بس الهيبه مهمه برضو ومش عوزين وجع دماغ انت عارف الريس الصغير زعله وحش مش عوزينه يعمل زى اللى عمله للصحفى اياه ونشربها احنا... ايوه يافندم اناأجتمعت بيهم لتحليل حكاية النميمه دى وكيفية تقنينها هى مشكله يا فندم بس عاوز مسانده من حضرتك هو كان فيه مقترحات كتيره بس الحل العملى اللى وصلناله أننا نعيد قانون العيب فى الذات الملكيه وده قانون ممتاز سجن العقاد نفسه لما بس اشار للملك ونفى بيرم التونسى لما شكك فى عفاف الملكه وكان فيه يا فندم احزاب وديمقراطيه.. ذات ملكيه أيه يا محمد دحنا جمهوريه.. ياباشا كل حاجه رجعت لمكانها يعنى معقول نرجع للبشوات ارضيهم وقصورهم ومنرجعش المملكه للملك واهو يا فندم لايبقى ترشيح ولا توريث ولاتنصيب ولا وجع قلب
ايه ياعلاء العسل ده
انت طلعت زعيم تنظيم على اخر الزمن
يخربيت ام الهبل على رأى منه شلبى
واضح جداً يا استاذ علاء إنك بتتعامل مع الموضوع باستهتار غير عادي وزي ما تكون مسنود من جهات اعلى بكتير مثلا زي مباحث أمن العالم عارفهم طبعا. امال مين ح يمول رحلاتك حول العالم انت ومراتك وزجاجات الخمرة قدامكم عيني عينك وابوك اسمه عبد الفتاح. يلا راجل بلاش هم غير اسمك لانه عبئ عليك وسيب الموكوسة واطلب نقلك للهد كوارتر في تل ابيب، ولا لسة المهمة ما انتهتش؟
يا جامد يا رأفت الهجان، كشفت الشبكة كلها لوحدك. ما ترسوا على رأي أنا متمول من أمريكا و لا من اسرائيل؟
يا حمار يا بجم تل أبيب ايه و مهمة ايه، هو لما الشعب يبقى مخصي و لاغي دماغه كده اسرائيل هتحتاج تعمل مهمات برضه؟
يا جماعة استدعاء أمن الدولة مش ملزم و نصيحة أي محامي أنك تطنشه، و ما فيش داعي للقلق هما ما كانوش عارفين أني مسافر و بعتوا اتنين بس يجيبوني، يعني مؤكد مكانوش بيحاولوا يقبضوا علي ولا حاجة.
أولا انا مايهمنيش تنشر الكلام ده او ماتنشروش.انايهمني تقراه براحتك لأنك أجبن من إنك تنشره.ـ
ثانيا: هو فيه فرق بين امريكا واسرائيل يا أفا، ده انت اثبت إنك جاموسة
ثالثا: واضح جدا إن موضوع التمويل ده بيولعك لان كل ماحد يجيبلك سرته تريل وتهلفط وتقل ادبك ـ ده إن كان أصلاً علموك حاجة اسمها أدب في الزريبة اللي إنت معلوف فيها،عموما ده مش موضوعناـ لانك هربت من الموضوع الاساسي وهو مين بيصرف على رحلاتك انت والآنسة مراتك ـ طيارات وفنادق وخمرة وهلس ـمصيبة المصايب انك تكون بتخدمهم كل الخدمات دي وما بتقبضش حاجةـ في الحالة دي ممكن تكون غباوتك ما خلتهمش يجندوك بشكل مباشر ووقفت عليهم ببلاش ـ
رابعاً:حلوة قوي كلمة مخصي دي اللي انت وصفت بيها الشعب، يعني انت قصدك ان المخصي مش راجل ؟
كداب ، ماهو انت اهو عامل في امها ثوري وتلاتين راجل في بعض والبوليس السياسي قالب الدنيا عليك زي عمر الشريف، وانت في الاصل مخصي بدليل ان الآنسة مراتك ياولداه موحوحة ومش سايبة اي عريض منكبين حاله وبتنام وتصحى على صورة واحد بيلعب في بتاعه
خامساً:انت بتقول ان مباحث امن الدولة مساكين يا عيني ماكنوش عارفين انك مسافر فسابولك ورقة؟؟!! احة مستريحة ، لمّا أمن الدولة ما يعرفوش انك مسافر أمّال مين اللي يعرف ؟؟ أم التيتي؟ خصوصاً انك راجل ليك نشاط انت يابني مخصي وكمان عاوز تشتغل البشر ؟
>أولا انا مايهمنيش تنشر الكلام ده او ماتنشروش.انايهمني تقراه براحتك لأنك أجبن من إنك تنشره.ـ
يا سيدي ريح نفسك خاااالص، قواعد نشر التعليقات عندنا بسيطة، لو أنت مسجل في الموقع أي حاجة هتكتبها هتتنشر الا اذا كانت اعلانات سخام (spam)، لو أنت مش مسجل في الموقع التعليقات بتعدي علينا و بننشر أي حاجة عدا التعليقات اللي ما فيهاش غير شتيمة (لو فيها شتيمة و كلام تاني هتتنشر بغض النظر عن الشتيمة ايه) و طبعا برضه اعلانات السخام مش هتتنشر.
فمش محتاجة كلام ملوش لازمة من نوع أنت أجبن من أنك تنشره، كل تلات أسابيع بيجيلنا تعليق من بتوع متقدرش تنشر و بننشره.
>ثالثا: واضح جدا إن موضوع التمويل ده بيولعك لان كل ماحد يجيبلك سرته تريل وتهلفط وتقل ادبك
لا يا سيدي مش التمويل اللي بيولعني الغباء هو اللي بيولعني و هتلاحظ أني بشتم الناس لما يتكلموا في مواضيع التانية، المسألة أني اللي بعتبره غبي أو بيتغابى لازم أشتمه، مزاج عندي يعني.
>لانك هربت من الموضوع الاساسي وهو مين بيصرف على ....
هربت من الموضوع؟؟!!
أهرب ليه هو أنا ملزم أرد عليك؟
على العموم كتبت أكتر من مرة قبل كده أنا كنت مسافر ليه و لو أنت مهتم بجد تعرف مين اللي صارف كان ممكن بكل بساطة تزور موقع ورشة العمل اللي شاركنا فيها و تشوف التفاصيل بنفسك.
طبعا أنت ممكن تقرر أن الناس دي جزء من المؤامرة الصهيونية لو عايز كل اللي بحاول أقوله أن مفيش غموض و لا سرية في الموضوع.
>رابعاً:حلوة قوي كلمة مخصي دي اللي انت وصفت بيها الشعب، يعني انت قصدك ان المخصي مش راجل ؟
معلومة: الشعب نصفه نساء
معلومة تانية: التشبيه و الاستعارة و ما شابه اخترعوهم الألفية اللي قبل قبل اللي فاتت.
يا سيدي دي تشبيه لعدم القدرة الناتج عن تدخل ما و المقصو بيه شعب (و أنا منهم) غير قادر على تحديد مصيره و تحسين أحواله و تنمية بلده.
و بعدين اللي زيك و زي الهبل بتوع أمن الدولة هما اللي عاملين مننا حاجة كبيرة، أحنا كل اللي بنعمله أن عندنا مدونة و بنساعد شوية ناس تعمل مواقع على النت و شاركنا في شوية مظاهرات و بس يعني نشاطنا السياسي البحت محدود جدا جدا و تاريخه ميكملش سنة، مش ذنبي بقى أن فيه ناس مصرة تكبر الموضوع، شاورلي أنت امتى ادعينا أننا كأفراد بنعمل حاجة خطيرة و مهمة و مؤثرة بشدة (ما عدا شغلنا و نشاطنا الخاص بالبرمجيات الحرة).
>خامساً:انت بتقول ان مباحث امن الدولة مساكين يا عيني ماكنوش عارفين انك مسافر فسابولك ورقة؟؟!!
أنا بقول اللي حصل، الباشا الأهبل جه يسأل علي و أكتشف أني مسافر و ساب الورقة و عرفت بيها و أنا في السفر، طبعا من غير أمن دولة و من غير حاجة المطار بيتسجل فيه كل اللي سافر و لو كانوا عايزين يعرفوا كانوا يقدروا، و أنا قلت التفصيلة دي عشان أوضح أن الموضوع مش خطر و مكانوش عايزين يقبضوا علي ولا حاجة.
ايه الفوضى دى ابعت جبلى المقدم محمد ... حضر يافندم ...ايه ياسى محمد احنا نقصين عك ...أسف بافندم بس حضرتك حصل منى ايه... حصل ايه يعنى عجبك ان شوية عيال يلعبوا بينا ويمرمطونا على اخر الزمن...حضرتك عشان حكاية الواد علاء واللهى يافندم أنا قمت باللازم بس الواد ده طلع معجون بميت عفاريت ده زى مايكون ما صدق وراح عارض ورقة طلب الحضور على العالم كله وانا اسمى مكتوب وكمان قلنا خدوا لمؤخذه وعمل زى عادل أمام فى الأرهاب والكباب بس حتى عادل أمام أستخبى فى الناس وده يا فندم عملها عينى عينك ضرب فى الوش يافندم ومقلش معلش وبعدين حضرتك فكرة طلب الحضور دى مش فكرتى انا انا يا فندم عبدا فرفور قصدى مأمور يافندم دى فكرة الباشا... آه... وبعدين يافندم احنا كنا نبعت طلب الحضور للواحد من دول يقع من طوله ويجى على طول جاهز يمضى تعهد...مش كلهم انته برضو مشفتش حاجه ده مر علينا شباب مخلتناش ننام ولانصحى المهم هنعمل ايه دلوقتى انت عارف ان تسعين فى الميه من قوتنا هيبه والعيال دى مستبيعه وبترطن ومش فارقه معاها... حضرتك أنا قلت للباشا ده واحد بينم هوه ومراته وصحابه وفى ناس بتعدى يا تشتمنا ياتشتمهم وتمشى... الظاهر حكاية نسبلهم الحبل يشنقوا نفسهم بيه مش نافعه... تفتكر يا فندم نتهمهم بالأرهاب... ارهاب أيه يا محمد... ارهابنا يا فندم
عشان تلويث نهر النيل طبعا نفسي تجرب هههههههه فيلم الكرنك
هو الخوف ليجولك و"النخبة المنتقاة" معزومة عندك و"تتعزموا" عندهم جماعة :)ا خضتنا عليك برضه شوية، شوية يعني بس مش كتير
1)Hamdillah alassalama
2)Ma3lesh:-)
ماذا تعني كلمة فوريجي وشكراً؟
ايقى خلي شوية واراجي علشان هينفعو بعد ماتخلص مع العالم دي ولايهمك يا ريس ويا بخت المعزومين
أوّلاً حمد الله على السلامة...
ثانياً، أنا مش فاهم أصلاً إزاي ما جاتلكش الدعوة قبل كده. ده أنا كنت هابتدي أشكّ فيك :)...
وكمان بعد اللي عملته في موضوع السودانيين رايح لي أوغندا!! يعني تجسس لصالح أفريقيا لسد منابع النيل؟
R
و تجيلي الدعوة قبل كده ليه بس، بالذمة أنت مش شايف أن الموضوع مبالغ فيه جدا؟
تجيلك الدعوة ليه؟؟ :))))))))
على الأقل يقولوك: لقينا الشنطة والكاميرا واللاپتوپ، بس مش عارفين نشغله. ممكن تتعاون معانا في فتح اللينوكس ونرجعلك الكاميرا؟
يا عم محدش عرف ياخد مني الكاميرا، الكاميرا معايا و بخير
صور أوغندا عايزه تترفع من جديد ياعلاء واوعي تروح أنا مجرب من حوالي اربع سنين وكان وقتها في لاظوغلي علشان أنا تبع مكتب القاهره كان ساعتها الي بيستدعيني ظابط اسمه خالد السعيد لما روحت كانو بحولو يساوموني لكن لما بعتولي تاني لمرات عديد وماروحتش كانو بيقوموا متصلين في التليفون ويتحايلو طب تعالي ندردش سوا وحاجات كده يعني وبعديها شالوني من دماغهم والله أعلم؟
لا يا سيدي الصور شغالة و في مئات بيتفرجوا عليها، بس زي ما قلت الصور مش على سيرفر Manalaa.net الرئيسي الصور على جهازي في البيت http://home.manalaa.net و لينك ربنا يخليهملنا بيوقعوا الوصلة بتاعت الdsl كل كام دقيقية و بلاوي، استحمل بقى دي ألاف الصور لا يمكن أرفعهم كلهم على السيرفر.
هبقى أبص يمكن أقدر أرفع الصور على ourmedia مثلا
ربنا معاك
ماما و بابا راحوا قبل كدة لكن يا خسارة ما فيش لا دعوة و لا يحزنون بس راجل شكله زي قفاه جه البيت عشان يكلموا حضرة البيت الظابط الناس مقامات
علاء شجاع و ببلد بحالها
و كمان وراه رجالة
بس قول لنا ايه حكاية " للنخبة المنتقاة "
عزمتهم ياكلوا عندكوا مثلا و احنا لأ ؟؟؟
يا راجل يعني انت مش عايزهم يدافعوا عن نفسهم اكيد فكرينك كنت في اوغندا بتجيب التمويل يا تنين
انا شخصيا لم قريت الموضوع ده http://www.kitab.nl/2006/01/08/modawwana-misriyya
فعلا اتخضيت
الناس ديه بتحطك في وش المدفع يا حاج
غالبا ده فعلا تهويش يا علاء مش اكتر لو عايزينك هيجبوك
تفتكر نعمل ايه مع الواد ده يا محمد ،مش عارف يابيه هو فى الحقيقه مافيش قانون ضد النميمه وسيادتك عارف البلد كلها بتنم ولو عملنا قانون ضد اللى بيشتمونا ويشتموا الراجل الكبير وابنه حنحط البلد كلها فى السجن وحكاية كتابت المذكرات دى عوذلها قانون جديد.يعنى ايه هنسيبو طايح كده اقولك ابعت جيبه اهو نشغله ونشوف ميته ايه لحد منشفله صرفه
وائل .. ناوى تروح ولا لأ
مين وائل ده؟
على فكره حكاية عدم وجود تاريخ مقصوده يعنى الواد فتك ومش عاوز يوحى بأى تصور بوضع تاريخ معين يتربط بشىء عاوز يلخم يعنى و يدخلك عليه غير متماسك
يا عم مقصودة ايه دي بهايم تلاقيه مش فاهم يعنى ايه تاريخ
سيبك هو أنا هروح أصلا، خليهم يرنوا اللي عايزني يجيلي يجيلي أنا مبروحش لحد>
للأسف هو ده اصبح طريق المصداقيه الوحيد فى زمن لايتحمل الا المطبلين متخفش من عيال حبيب العدلى لو بيفهمو واشك هما اللى لازم يخافوا منك .ولاد بهيه، وولاد حبيبه معاك
مش حنقدر نمنع عنك التعذيب. لكن مش حنسيبك أبدا تجوع. ياترى بتحب أنهى عيش مع الحلاوة؟
عيش بلدي بردته من فرن المعلم سعد عاصم، أجدع عيش في الموكوسة كلها و اتوصى في الحلاوة.
اظرف حاجه انه مفيش تاريخ أو وقت وللاهميه!!
ربنا ينجيك منهم على خير يا زعيم .. دول عالم شرانيين "أولاد ...." وأنا عارفهم!
حفظكم الله وآلكم ..
لا ما تقلقش الموضوع شكله تهويش أصلا
معلش ما عرفتش أقرا التاريخ!
هل لهذا علاقة بذاك http://www.kitab.nl/2006/01/08/modawwana-misriyya
الوراجى معايا فى الشنطة اهو ;-)
Recent comments
5 hours 8 min ago
10 hours 56 min ago
11 hours 1 min ago
11 hours 8 min ago
11 hours 28 min ago
12 hours 9 min ago
13 hours 1 min ago
13 hours 18 min ago
13 hours 50 min ago
14 hours 32 min ago