عقبال التعليم

Submitted by alaa on Tue, 18/04/2006 - 22:04.

حد سمع أخبار من نادي أعضاء هيئة التدريس بالأسكندرية؟

بيقولك النهاردة كان اجتماع جمعية عمومية و انتخابات و طبعا بما أننا بلد ديمقراطي كان لازم يجيبوا حكم محكمة عشان يعملوا انتخابات، المهم المحافظ السريع المريع و الشرطة و الأمن المركزي اللي معرفوش يوصلوا في الميعاد وقت هجوم الكنائس و أحداث الشغب كان جاهز و محاوط مقر النادي و منع الأعضاء من الدخول.

لكن الأساتذة و الدكاترة أصروا و اتجمعوا في الشارع لحد ما اكتمل النصاب و عملوا الانتخابات في الشارع على أضواء الكلوبات.

الجامعة الأيام دي شادة حيلها قوي، انتخابات في الشارع و اتحاد طلاب بديل و جماعة استقلال الجامعة و مناوشاتهم و الدكتور سلام و موقفه النبيل، عقبال كده ما تصلحوا التعليم و ترفدوا اللي بيدوا دروس و يبيعوا مذكرات يا دكاترة.

add new comment | 182 reads
( categories: Egypt | politics )

Comment viewing options

Select your preferred way to display the comments and click "Save settings" to activate your changes.
اعضاء هيئات
Submitted by Anonymous (not verified) on Wed, 19/04/2006 - 22:31.

اعضاء هيئات التدريس فى كل الجامعات المصرية هم اصحاب اكثر المواقف تخاذلا وهشاشة وضعفا وانحطاطا لم يكن اساتذة الجامعه بهذا الضعف والتخاذل ابدا لااحد يعرف اين هم اساتذة الجامعات من كل مايحدث فى مصر لقد اصبحوا مخصيين واغوات العصر الحالى فى مصر .. يستحقون عن جدارة لقب اغوات مصر الجدد

reply
يا سيدي ابتدا
Submitted by alaa on Wed, 19/04/2006 - 23:07.

يا سيدي ابتدا بعضهم يتحرك أهوه، بلاش التقطيم ده و شجعهم كده مين عارف، و بعدين بيقولك كاد أستاذ الجامعة أن يكون رسولا لكن طلع ذكي و فهلوي و اختار يكون مافيوزو أكسبله

reply
احدث ما في الدروس
Submitted by The Eyewitness on Wed, 19/04/2006 - 00:25.

أخر حاجة سمعتها عن الدروس في الجماعة لسة سامعها من ساعة واحدة. المعيدين في كلية الصيدلة بيصوروا العينات بالموبيلات بتاعت الأختبارات العملي للطلبة ليلة الأمتحان ويحطوها على CD ويبعوها الله أعلم التعليم هيروح لحد فين بعد كده.

The Eyewitness http://theeyewitness.blogsome.com/

reply
ودي صيدلة
Submitted by Anonymous (not verified) on Wed, 19/04/2006 - 01:14.

ودي صيدلة القاهرة ولا اسكندرية

reply
Belra7a Ya 3amana
Submitted by Whynot (not verified) on Tue, 18/04/2006 - 22:45.

Wa7da wa7da ya 3am ALaa. Mafesh 7aga btegy mara wa7da. Homa yadobak 3arfeen yagtm3o wy anta 3ayzhom yarfdo nas kman. Ya ragel ya tayeb

reply
يا عم أنا قلت
Submitted by alaa on Wed, 19/04/2006 - 01:40.

يا عم أنا قلت رفد كده من باب الهداوة، المطلوب أصلا يربطوا الدكاترة اياهم في فلكة و يسيبوهم في وسط الجامعة و يسيبوا الطلبة تتصرف بقى

reply

Comment viewing options

Select your preferred way to display the comments and click "Save settings" to activate your changes.