Manal and Alaa's bit bucket

طيب بالعقل يعني لو كنا متأجرين كنا هنبقى شغالين على سيرفر تعبان مش قادر يستحمل عدد الزوار كده؟

أنت بتتعامل مع أبخل جهاز مخابرات في العالم.

و بعدين ايه مش مصري دي؟ طيب فكر فيها كده برضه، حد يدعي على نفسه انه مصري؟ ليه من قلة بلاد العالم؟ على العموم نبقى ننشر لكم صورة البطاقة

ايه اللي غريبة في أننا نبقى مصريين؟ حتى لو مستغرب قوي كلامنا أو فكرنا ما مصر دي قربت تحصل ال80 مليون يعني مؤكد فيها من كل نوع و صنف.

أنما عااااتي خاالص من امتى يعني و أمثالك بيفهموا أصلا عشان نتوقع منهم يفكروا في أرقام كبيرة و احتمالات

أومال يا بني، دأنا حتى امبارح كنت قاعد مع الحج بوش و أداني مفتاح اليخت مكافئة على جهودي الجاسوسية المعتبرة.

ممكن الأخ مش لازم تعرف ياخدنا على قد عقلنا و يورينا إزاي المجتمع هايبوظ لو واحد حاول ينشر فكره مفادها أن الله غير موجود؟ على سبيل الجدل يعني.

طبعا الأخ المذكور عارف إن في بلاد بحالها أهلها معتقدين تماما أن ربنا مش موجود. و عارف كمان إن في بلاد تانية جنبهم فكرة ربنا بتاعهم غير أي حاجة حضرته تخيلها في حياته. و دول و دول في منهم اللي أخلاقهم أحسن ستيتمرة من أخلاق نص أهل بلدك، اللي معظمهم بيقولوا أنهم معتقدين أن ربنا موجود.

"أنت حر ما لم تضر" مبدأ جميل، لكنّ كلامك فيه تبسيط كبير للأمور، والدينا مش دايماً أبيض وأسود.

ماذا لو أمامك اختياران فقط، وكل اختيار منهما سيضر مجموعة من الناس؟ تضر مين؟ أم تختار الضرر الأقل؟ ومن يحدد الضرر الأقل؟ ولا تنتحر؟ برضه هتضر نفسك، وستفعل شيء يحرمه الدين؟

ده حتى ممكن ييجي واحد يقول لك: إن كنت لا تصلي فأنت تضر نفسك وتضر الأمّة. لأنّك بعدم صلاتك قد تجلب الغضب على البلد لكثرة ما بها من عصيان!!

تعمل إيه؟ تبقى حر ولا لأ؟ تضر ولا لأ؟

R

فكرتني بقصص الروبوتات لاسحاق عظيموف لما الروبوتات المتطورة بتواجه أسئلة أخلاقية صعبة جدا بسبب قوانينهم الأساسية

بنصح أي حد مقتنع فعلا ببساطة و احادية العالم لدرجة اعتناق فكرة بسيطة كاجابة لكل شيئ أنه يقرأ عظيموف

والله ما فيه عظيموف غيرك

el mowke3 daaaah gameeeeed neeeeeeeeeeeeeeeeeeeeeek

men zman wa ana nefsy akol el fe nefsy mesh 3aref

bravo 3alekom ya shabaaab

keeep going Alaa i agree with u man

ana ma3ak HMZ

ALaa: You have the right to think what you want...but never say" Mal3oon Abo El Iman".... no matter what.

we ana badom soty le sotak Alaa we need al 7orya we dah ay 7ad magnon or 3a2el hay2ol keda tab3an :)

سعة صدر ايه بس، دي ناس بتتكلم كل الحكاية

و بعدين ما أنا بعد كده و بعدين بيجيلي أسبوع أنفسن على الناس في مدوناتهم، و اسبوعين مكتبش خالص و هكذا

و بعدين أحنا استحملنا رباب ربة الأرباب و سيد عبد العال و حسني مبارك مش هنعرف يعني نستحمل قراء المدونة؟

و مالها رباب يا عم علاء ؟ ده انت كنت بره و احن اللى كنا معاها فى الاوده ;-)

حد يفهّمنا موضوع رباب ربة الأرباب ده يا فولاب انت وعلاء؟؟

أحلى صباح

يعنى سيادتك مطلعلى اسم جديد :-) و مش قايلاسمك و كمان بتسالنى على حاجه ؟ يا اخى ده انت لو خبط فى فى الشارع اقلها هاتقوللى ات مين ;-)

طب تعزمنى على ايه واقول لك ؟

أنا معاك ان الحرية مطلوبة

بس سيبك من الكلام المرسل من نوعية "لان استحاله على الحكم الاسلامى انه يكفل حريه و لو كفلها للاقباط م حايعطيها كامله و مش حايدى حتى حريه الواحد يعلن اعتقاده" مين قال كده ؟ انت حكمت بالإستخالة بناء على ايه؟ مين قال ان الأقباط مالهومش حرية - سمعت عن حكاية القبطى اللى ضربه ابن عمرو ابن العاص وراح لعمر بن الخطاب؟

أبوس ايدكم ما حادش يقولى يستحيل ولا يمكن ولن يفعل , كلمنى عن حاجة حصلت أو حاجة بتقول عليها برامجهم مش حاجة بتتخليها.

كلام جميل و يا ريت فعلا الخطاب ميبقاش مرسل كده و السلام

لالالالا بلاعة ليه بس؟ دي بنى أدمين و ليهم حقوق برضه، أنا بس بطالب بمنعهم من التكاثر عشان مستقبل السلالة بس.

top right a block called Upcoming Events

top navigation menu a link called Events

use these to keep up with interesting events, bloggers meetings will be announced there.

and get a blog already it doesn't cost much.

نصائح للقط الأسود:

النصيحة الأولى: إنت عندك خلل في توزيع وتفريغ الطاقة الجسمانية (ماتخافش إنت مش لوحدك في مصر)، واوعى تفتكر إن مشاكلك هاتنتهي حتى لو إللي البنات إللي عاجبينك أوي دول إختفوا من الشوارع أصلا. على فكرة كويس أوي إنك مش متجوز. إوعى تتجوز إلا لما تتعلم تسيطر على الغرائز بتاعتك، عشان الجوازة ماتبقاش الغرض منها إشباع غريزة حيوانية - في طرق أخرى لإشباع الغريزة من غير ما تقرف واحدة معاك بقيت عمرك وإنت عارف كويس.

النصيحة الثانية: مش عيب تحط عينك في الأرض. لو في حاجة مش عاجباك (أو لو في حاجة عاجباك زيادة عن اللزوم) بص في الأرض، أو بص يمين أو شمال. ولما تعمل كده مش هيبقى معناها إن رجولتك مشكوك فيها ولا حاجة - دانت في الحالة هيبقى إسمك إنسان محترم (على الأقل فيما يتعلق بالنظر للجنس المعاكس).

النصيحة الثالثة: "الايمان اللي يخلي الواحد مستعد يقبل القهر و الذل و البهدلة و الفقر و التخلف و المرض و الاحباط و العجز و العنف و القمع عشان بس محدش لما يكفر من جواه يبان عليه من بره" ده مش إيمان أصلا، ده إيمان سرطاني واستعباد وقتل للعقل. يبقى ملعون أبو الإيمان ده فعلا.

النصيحة الرابعة لعموم الشعب: كفاية هيجان في الشوارع.

> إوعى تتجوز إلا لما تتعلم تسيطر على الغرائز بتاعتك، عشان الجوازة ماتبقاش الغرض منها إشباع غريزة حيوانية

يا ترى اللى بيتكلم عن السيطرة هو اللى بيقول اننا ما نقعدش نستفز الغرائز وللا اللى فرحان بكده وبيدافع عنه؟

> مش عيب تحط عينك في الأرض. لو في حاجة مش عاجباك

انا ماقلتش ان ده عيب.. وانا شخصيا باحاول اعمل كده.. لكن السؤال مين اللى المفروض يتكسف ويستخبى ويحط عينه فى الارض؟ ومين اللى بيحاول يلفت نظر التانى ؟ وبعدين افرض يا أخى انى بامر بفترة ضعف أو انى ضعيف من الناحية ديه.. معنى كده انى يفضل عليا ضغط مستمر يا تبص يا اما انت تستخبى لانك انت اللى غلط؟ لا اسف انا اللى صح وهم اللى المفرض يتكسفوا لانهم هم اللى غلط.. انا هنا مش باتكلم عن قناة دش او موقع انترنت اقدر ما افتحوش لكن باتكلم عن الشارع اللى لازم امشى فيه كل يوم

> ده مش إيمان أصلا، ده إيمان سرطاني واستعباد وقتل للعقل

موافق معاك.. انا اعتراضى ان يتقال ان ده ايمان اصلا أو ان الايمان ممكن يخلى الواحد يقبل بكده.

> كفاية هيجان في الشوارع

بدل ما تعترض وخلاص شوف الاسباب ايه وحاول تحلها

للأسف رغم أنك بتحاول تتناقش مناقشة بنائة بعكس الكباتن اياهم لكن برضه بتقع في خطأ اسقاط صورة متكاملة علينا من غير ما تبذل مجهود كافي في فهمنا.

بخصوص موضوع البنات محدش اتكلم عن اللي بيبص، مقدرش أحرم حد من أنه يبص أيا كان البصة عاملة ازاي و وراها ايه، اللي عايز يبحلق لبنت عشان شايف لبسها مثير يبحلق براحته.

الكلام كان عن تحرش جنسي مباشر وصل للمس.

حلو الكلام؟ يبقى روح شوف مين اللي قال متبصش و ناقشه، لما تيجي تناقشني ناقشني في حاجة أنا قلتها مش في وهم في دماغك.

أما بخصوص الحرية و الفوضى لازم نفرق بين وجود قواعد تنظيمية للحقوق و الحريات و بين وجود حدود مطلقة للحريات.

يعني، أنا بأنادي بحرية تعبير بلا حدود بالمرة، لكن أنا فاهم أن ضروري يكون في قواعد تحد الحرية دي في حالات معينة طالما أن كل حد متاح ليه حرية مطلقة في اطار ما.

مثلا في محاضرة علمية مينفعش حرية التعبير لدى المتلقي تشمل أنه يوجه أسئلة خارج موضوع المحاضرة، أو مثال آخر دارج أكثر، ممنوع على العسكريين التعبير عن رأيهم في السياسة الداخلية و أمور الانتخابات و ما شابه بصفتهم العسكرية (ده مبينتقصش من حقهم في التعبير كمواطنين عاديين، المسألة أنه ميستخدمش رتبته و زيه و ثكناته في التعبير عن رأي سياسي).

أنا فاهم أن في ناس مختلفة معايا و شايفة أنه مش كفاية قواعد تنظيمية و لازم حدود، من أول من يرفض اهانة أديان بعينها لحد من يرفض خطاب الكراهية، ده موقف مفهوم و ممكن أتناقش معاه، لكن أنا مقفي هو أن حرية التعبير مطلقة و ده مش موقف اختراع ده موقف بيشاركني فيه ملايين و بعض الدول (و ان كانت قليلة) بتطبقه فعلا في قوانينها.

و خد بالك أن ده موقفنا تجاه حرية التعبير، مش بالضرورة يكون رأينا أن كل الحريات لا حدود لها، كل موضوع و لينا فيه رأي يعتمد على معطياته.

الأهم من كده مينفعش تقوللي كلام مرسل كده و السلام، يعني ايه فوضى؟ و ليه دي مشكلة؟ يعني لو قلنا حرية تعبير مطلقة على الوب معناها أن الوب هتبقى فوضى هل ده كلام له معنى؟

لأ لأن الوب فعلا فوضى و لا تحكمها سوى ظروف فيزيائية و تقنية بسيطة و متغيرة دائما.

و مع هذا الوب بتشتغل و بيطلع عليها فوق 400 مليون بني أدم و مفيدة جدا جدا، يبقى فين المشكلة في الفوضى؟

أنا مبقولش كل الفوضى حلوة، الفوضى في المرور مثلا حاجة سلبية في رأيي و أضرارها كبيرة.

لكن مينفعش أقول كلام مرسل كده و السلام، قوللي فين بالظبط الحرية اللي نادينا بيها اللي ممكن تسبب فوضى ليها تبعات سيئة تستدعي قمع الحرية دي (و لو سمحت اتكلم عن حاجة قلناها مش حاجة في دماغك).

>هل غرور الانسان وصل لأنه مصدق أنه يعرف مصلحته أكتر من ربه؟

ايه بقى لازمة الأسئلة العبثية دي، الانسان ده عبارة عن بلايين من البشر و ألاف من الثقافات و الحضارات و الفلسفات و الأراء و تاريخ طويل، لم يتفق الانسان أبدا على وجود خالق، و على كنه الخالق و عدده و على ايه هي المصلحة اللي الخالق عايزها (ده غير أنه مفيش اتفاق أصلا على أن الخالق عايز مصلحة المخلوق)، غرور الانسان الفرد هو أنه يختزل البشر كلهم و يفترض أنهم بيفكروا زيه بس أكيد بيستهبلوا

و أخيرا موضوع ملعون أبو الايمان، باين عليك اسكندراني

دي تركيبة لغوية، الواحد مثلا بيقول ملعون أبوها شغلانة اللي تخليك عبد عند مديرك، مش معنى كدى أنك بتلعن شغلتك و لا الشغل عموما، ولا حتى المقصود أنه ميلزمكش الشغل لأن محدش ميلزموش الشغل، المقصود أنه مينفعش يبقى نتيجة الشغل المذلة.

أنا قلت ملعون أبو الايمان اللي يخلي الواحد مستعد يقبل القهر و الذل و البهدلة و الفقر و التخلف و المرض و الاحباط و العجز و العنف و القمع عشان بس محدش لما يكفر من جواه يبان عليه من بره.

و فيه ناس كتير شايفه أن اللي يقبل بده كله ميبقاش مؤمن أصلا.

فهمت كلامي؟

> لكن برضه بتقع في خطأ اسقاط صورة متكاملة علينا من غير ما تبذل مجهود كافي في فهمنا.

معلش يا سيدى اعتبرنى مبتدئ

> محدش اتكلم عن اللي بيبص، مقدرش أحرم حد من أنه يبص أيا كان البصة عاملة ازاي

انا غيرك باقول ان المفروض ان ماحدش يبص بصة مالهاش لزمة.. ايوه انا مقدرش امنعه لكن اقدر اشيل السبب اللى ممكن يدفعه انه يعمل كده

> الكلام كان عن تحرش جنسي مباشر وصل للمس

وانا مش بادافع ابدا عن اللى عمل كده.. ده بنى ادم يستاهل....... وللا بلاش. لكن انا باقول قبل ما اقول انه غلطان اشوف لو انا غلطان الاول.. لكن بالنسبة له مافيش اى بنى ادم طبيعى يقدر يحترمه اساسا مش يدافع عنه

> غرور الانسان الفرد هو أنه يختزل البشر كلهم و يفترض أنهم بيفكروا زيه بس أكيد بيستهبلوا

انا باتكلم فى مدونة مصرية.. وبيتهيألى ان كل المصريين مسلمين ومسيحيين متفقين على وجود رب وله تعاليم يجب احترامها واتباعها.. مع كامل احترامى للبوذيين فى مصر.

> باين عليك اسكندراني

ايوه ومخبى السناجب فى جيبى

> و فيه ناس كتير شايفه أن اللي يقبل بده كله ميبقاش مؤمن أصلا

انا معاك ان ده ضد الايمان.. وده اللى انا قلته "انت عارف ان الايمان عموما مش الاسلام بس ده المسيحية كمان واعتقد اغلب الاديان ما تقبلش كده"

وبالنسبة لرأيى الشخصى عن حرية التعبير اقول طول ما الموضوع ماوصلش للشتيمة المباشرة فى الاشخاص او الاديان او اى شىء تانى.. او التريقة المستفزة.. وفى نفس الوقت مش كدب فى حقائق ثابتة او محاولات لي الحقائق يبقى من حق اى حد انه يعتقد فى اى شىء ويعرض رأيه بالاسلوب اللى يريحه.. بعد كده تسرى قاعدة الانتخاب الطبيعى يعنى اللى الناس تهتم بيه هو اللى حيستمر.. انا ضد قمع الحريات عموما لكن ضد سوء استخدامها كمان.. وسوء استخدامها ده هو اللى كنت باتكلم عليه لان للأسف اول ما تقول حرية الناس ما بتصدق تستعملها غلط.. فلازم الناس تفهم ازاى تستعملها وتفهم ان ليها حدود تقف عند حرية الاخرين

wow, you can say'bad words' and hide so no one can see you?! Please try to say one sentence without any sheteema and no enfe3al.......kedah mosh kowayes, fahem ya 7abibi 7oreya el ta3beer, ya3ny mosh sheteema, ya3ny mo7' bany adam beyfakar we ye3ard we yewafe2 kaman Ibrahim

أولا حرية التعبير موجودة بغض النظر عن ايه التعليقات اللي بتنشر هنا لأنك بكل بساطة تقدر تعمل لنفسك مدونة و تكتب فيها اللي أنت عاوزه و مفيش أي حاجة أنا أقدر أعملها.

ثانيا أحنا مقلناش في أي حتة أن المدونة بتاعتنا متاحة كمساحة حرة للتعبير عن أي رأي، احنا بنطالب بأن حرية التعبير تبقى ممكنة، مش بنطالب بأنها تبقى متاحة في كل المنابر ولا حاجة

لكن بعيدا عن ده كله التعليقات اللي بيرسلها ناس مسجلين نفسهم على الموقع و عملوا login لا نتدخل فيها و لا بنمسحها

التعليقات اللي بيرسلها ناس مش مسجلة هي اللي بتعدي على رقابتنا

و الموضوع ده أحنا أصلا عاملينه عشان نوقف السخام (spam) اللي هو الاعلانات يعني

بما أن التعليقات بتعدي علينا فساعات بنختار عدم نشر التعليقات اللي مفيهاش غير شتيمة.

واخد بالك من كلمة غير دي؟ يعني أشتم براحتك طالما أن في حاجة تانية ناوي تقولها غير الشتيمة.

و حتى ساعات بننشر تعليقات الشتيمة فقط دي من باب أننا نوضح للناس نوعية التعليقات اللي بتيجي (و اتصفح و اتفرج بنفسك و أنت هتلاقي بلاوي منشورة)

عايز تشتم و بس سجل نفسك، مش عاجبك أعملك مدونة و أمرح، مش عاجبك أنفلق

على العموم أنت ليك حق تشتكي لأننا مش موضحين السياسة بتاعتنا كويس، هحاول أحل الموضوع ده قريبا.

يا عم اللي لابس توب الواعظ انت كمان و بتقول " اما ديوس صحيح " شكلك سمعت الكلمة ف شريط و لا على سي دي و عمرك ما قريتها و لا قريت أصلا ،و إلا عرفت إن الكلمة اسمها ديوث بالثاء موش ديوس بالسين!! موش عارف ليه بتفكرني بوحيد سيف في فيلم الكرنك "بالتقلية"

El regoola enak matshoufesh el soura Kafr we ebna kafr? you have no right.....same3 to say that. Do you know why? read your Koran first. Ibrahim

تعرف تكتب أكتر من سطرين في اليوم؟

تعرف توضح ايه اللي مضايقك؟

تعرف ترد علي اللي مش عاجبك؟

تعرف تفهمني انت استفدت ايه لما بعت التعليق ده؟

تعرف تجيب حبل بكره الصبح و تشنق نفسك عشان تبقى خدمت البشرية خدمة كويسة؟

تعرف تبطل تزور الموقع ده و تريح نفسك و تريحني؟

ياعلاء أنا اسف أقول لك ان كلامك كله تخريف...ومش عايز أدعياء الثقافة يردوا وانت مال أهلك ده الراجل بينادى بالحرية..لانك فى الحقيقة بتطالب بحرية الفوضى...وعندك خلط رهيب للأمور..مدخل الحرية السياسية فى الحرية الدينية فى الحرية الجنسية...يعنى كوكتيل مالوش لزمة...يا علاء اذا كان يعنى ممكن يكون من حقك تختار اللى يحكمك سواء حسنى أو بوش أو ستالين أو حتى منال مراتك فمش من حقك تختار اللى تعبده من بين الله جل جلاله ومابين مخلوقاته زى النار والبقرة والعياذ بالله....لانك لما تختار لازم تختار بين أكفاء والبشر أكفاء لبعض لكن لايوجد من أو ما يكافىء الخالق....وكل ده عشان تدافع عن طفل اسمه عبدالكريم فاتح حنفية مجارى فى بقه..لعنة الله على الظالمين. أنا مش اخوانى ولامكفراتى...أنا شاب عادى لكن فى نفس الوقت ما باجاهرش بالمعصية وشرب الخمرة والشذوذ وصور بزاز مراتى ع النت...ربنا يهدينا جميعا.واخيرا ياريت تتابع اضراب سواقين المترو يوم الخميس بسبب ان زميل ليهم غلط واتحبس عطلوا مصالح الاف الناس تحت دعوى المطالبة بالحرية...حرية الفوضى....وعلى فكرة انت ماتفرقش خالص عن نظام الحكم اللى انت بتعارضه..هما بيحاولوا يفرضوا علينا القهر ةالجمود وانت بتحاول تفرض الشذوذ والاباحية والفوضى يعنى انتو الاتنين ماعندكوش اعتدال..وجهين لعملة واحدة ومن فضلك ماتقولش ملعون أبو الايمان لأنك كده بتلعن كل المؤمنين ومش من حقك تعمل كده سواء كنت مسيحى أو يهودى أو بوذىأوبابى أو ملحد..

أولا أنا ما خلطتش بين الحريات أنا قلت أنا بطالب بالحريات دي كلها، ممكن توافقني في شوية و تعارضني في شوية ده شيء عادي

ثانيا أنا شايف أن فيه ترابط، المشكلة أن لما أدي للدولة حق قمع فكر أو رأي معين لأنه مثلا بيحض على الكراهية أو بيزدري الأديان بوفرلهم اداة مطاطة و واسعة يقدروا بيها يقمعوا فكر أخر، ده رأيي و مفهوم أن الناس ممكن تختلف معاه، كل اللي بطالب بيه انك متستهبلش و تتلكك على جزئ واحد من أرائي عشان تلغي الحوار و تلغيني

أما موضوع لعن الايمان بلاش شغل لا تقربوا الصلاة، أنا لعنت حالة محددة، أنت بتدافع عنها؟

و بعدين أنت برضه بتقول فوضى من غير ما توضح تقصد ايه بالفوضى و ايه عيوبها، يعني كأنك مقرأتش اللي أنا بقوله أصلا

أما موضوع مقارنتي بالحكومة فمفيش رد يتفال ميجيش فيه سيرة والدتك، أنا ما بفرضش على حد حاجة ولا عندي أصلا قدرة ولا قوة ولا سلطة تخليني أعرف أفرض، أنا بدعوا لشيئ بأنادي بيه و الشذوذ مش هيفرض على حد اللي عايز يدخل في علاقة مثلية يدخل دي حاجة بعيدة عنك و متخصكش انت اللي عايز تفرض على الناس نمط علاقاتهم ايه

و الاضراب حق قانوني أساسي متاح لكل عمال العالم بل و ضروري كمان.

برضه كلام مرسل و مش واجع دماغك أصلا تقرأ الكلام و بتكرر اللي اتقال قبل كده

يا أخ علاء ياريت تعرف تتكلم بدون قلة أدب...يعنى سيرة والدتى مالهاش علاقة بينا وأنا ماباستهبلش..وياريت يكون مستوى حوارك محترم أكتر من كده عشان ماتضطرتيش أعاملك بطريقة الدمنهورى..ده أولا. ثانيا مقارنتى لسيادتك بالحكومة فيه اعتراف بأهمية وقيمة مدونتك اللى بقت من أهم المواقع لدى كل الشباب الانترنتى الان..وأظنك فاهم ان الفرض بالكلمة والصورة والميديا عموما أقوى من أى سلطة..هى يعنى السلطة قدرت تفرض ايه غير القرف...ثالثا الشذوذ ماقصدتش بيه العلاقة المثلية أنا قصدت شذوذ الفكر والعقيدة..اذا كانت الكلمة جت لك على جرح فما تزعلش... رابعا أنا مش بادافع عن قهر العقل لكن ممكن أقول لأنا ضد هذا النوع من الايمان ولكن مايصحش أقول يلعن أبو هذا الايمان...خامسا حق الاضراب المعترف بيه عالميا له قواعد وأصول تحكمه..مش معمول عشان بلطجة سواقين المترو والميكروباص. مش كده ولا ايه؟

عشان انت بس زعلان أني مش برد عليك مع أني زهقت من التدوينة المأسوف عليها دي

يا سيدي أنت متصور غلط تماما مدى أهمية الموقع ده، و تقدر ترصد عدد الزيارات أول بأول و من حين لأخر أنا بنشر تحليل لشكل و حجم الحركة على الموقع

الأرقام دي معناها أن manalaa.net مدونة ناجحة لما تقارن بباقي المدونات المصرية لكن ده ولا حاجة لما تقارنه بمواقع مشهورة بجد أو حتى بكبرى المنتديات.

و أقل بكتير من ولا حاجة لما تقارنه بوسائل الاعلام التقليدية، بلاش نضحك على نفسنا

ده غير أن كلامك عن سلطة الكلمة و الصورة ممكن يكون ليه معنى في سياق اعلام موجه و محدود على مؤسسات، دي مدونة أي حد يقدر يعمل مكدونة و أي حي يقدر يرسل تعليق على المدونة دي، و بالتالي لا يمكن تكون سلطة لأنها متاحة للجميع

كون بقى أن فيه ناس مش هتختار تقرأ مصادر تانية (و أن كنت أشك) و مش هتختار تشارك في الحوار و بالتالي تأثيري على تفكيرهم هيكون كبير جدا ده مش مشكلتي، دي تبقى ناس مشاكلها أكبر بكتير من مجرد تأثرهم بي و لو مش أنا هيلاقوا غيري (و أن كنت مصر أن ده سيناريو وهمي لا يقتنع بيه الا من يقتنع بأن عموم البشر أحط و أقل منه).

موضوع الاضرابات أنا معنديش فكرة ايه ملابسات الاضراب اللي أنت بتشتكي منه عشان أعرف دي بلطجة ولا لأ، سواقين المواصلات العامة بيضربوا كثيرا في فرنسا مثلا و محدش بيعتبرها بلطجة و أنا فاكر أكتر من مرة سواقي ميكروباص الجيزة أضربوا لأسباب حقيقية و أحترمت جدا اضرابهم رغم أن أغلبية الناس اللي حولي ركزت فقط على أنهم اتأخروا عن مواعيدهم و اعتبروا الموضوع بلطجة، و بالتالي خبرتي بتقولي الشك يفسر لصالح المضرب، و أن كنت للمرة الثانية بأكد أني معرفش أصلا أنت بتتكلم عن ايه.

مش فاهم بقى يعني شذوذ فكري؟ أنا مش مقتنع أن في فكر موحد الكل مجمع عليه عشان من يحيد عنه يتقال أنه شاذ، و شذوذ العقيدة دي جديدة، أتفرج على البشر من كل الشعوب و بص على تفاصيل عباداتهم و تقاليدهم و عقائدهم و هتلاقي الدنيا متنوعة أكتر بكتير من تصورك.

يصح أقول اللي أنا عايزه و اللي مش عاجبه يريح دماغه و يغور من هنا

أنت مش ملاحظين أنكم أغلبكم مش جاي يطرح رأيه أنتم جايين تطلبوا مننا نغير رأينا أو نغير الطريقة اللي بنعبر بيها عن رأينا أو حتى نخفيه تماما و منعبرش عنه.

الحقيقة ياعلاء أنا احترت جدا فى فهمك..انت ابتديت ترد بطريقة عقلانية يمكن النقاش فيها..ثم فجأة تقول :-يصح أقول اللي أنا عايزه و اللي مش عاجبه يريح دماغه و يغور من هنا....؟؟؟؟فالحقيقة أنا قعدت كتير أفكر أعمل ايه...أرد ولا أريح دماغى ولا أغور من هنا...وأخيرا اخترت انى أرد..ليه بقى؟ أولا لان دماغى مش واخدة ع الراحة..ثانيا لأنى زى ماقلت للدمنهورى ممكن أقول بناقص الموقع ده بس أقولها بمزاجى وساعة ما أيأس....عموما نبتدى نتناقش:- انت لسه بدرى عليك ياراجل عشان تزهق..دول يادوب 46 رد يعنى ماحصلتش ربع عدد الردود بتاعة ملحمة السرتنة الخالدة ثانيا سلطتك ككلمة وفكرة جاية من ان موقعك مليان بصوركم وأفكاركم اللى انت ومنال بتحاولوا تقدموها على انها الصح والقدوة.. ثالثا شذوذ الفكر مش معناه فكر جمعى موحد لكن معناه الشذوذ عن مجموعة اطارات فكرية مبدئية(basics)..متفق عليها عند العالم أجمع مثل فكرة الصالح العام مثلا رابعا..أنا لما أقول شذوذ العقيدة ماتكلمنيش عن عبادات البشر لأن العقيدة غير العبادة يا علاء باشا...وأنا طبعا عارف الدنيا مليانة زبالة كتير (فى حدود معلوماتى) أصلى مارحتش أسبانيا ياعم. خامسا... احنا مش بنغير رأيك..لكن انت بتطرح رأيك للنقاش واحنا بنناقشه..لو ده مضايقك يبقى تلغى تسجيل الأعضاء زى الدمنهورى ماقال..لأنه واضح انه فاهمك كويس.

يا سيدي مش بس بتناقش رأيي أنت بتناقش سلوكي (ازاي عبرت عن رأيي) و هو ده اللي أنا رافضه

يعني أنت قلت بلاش كلمة ملعون أبو الايمان، أنا وضحت كنت أقصد بيها ايه فبرضه بتقولي متستخدمش اللفظ ده، هنا المسألة مبقتش مناقشة في الرأي بقت في كيفية التعبير عن الرأي فهمتني؟ أنا مش بقولك مش من حقك تعلق على طريقتي في التعبير أو سلوكي أنا بس مش عايز أناقش طريقتي في التعبير و مخنوق أن التركيز عليها

أنت قلت ميصحش تقول كذا ردي الوحيد يصح أقول اللي أنا عايزه، لما تقوللي ميصحش ده مش نقض لرأي ده درس في الأخلاق

حلو الكلام، هعيد تاني، ناقش أرائي تلاقيني برد عليك و مهتم بكلامك و محترمك مهما كان موقفك ناقش سلوكي و طريقتي في التعبير هتلاقيني مستحقرك

نعيده أنا فاهم قصدك بوجود سلطة للكلمة، بس مش شايف ازاي تبقى سلطة في ايدي لما يبقى كل حد يقدر يعمل نفس الشيئ، منين السلطة.

و بعدين مش صحيح أننا بنحاول نقدم أفكارنا على أنها الصح و القدوة، أحنا طبعا مقتنعين بأفكارنا و بنعبر عنها، لكن لا بنحاول نكون قدوة و لا قلنا لحد ده الصح و ده الغلط، و هتلاقي أصلا نادر لما بنعبر عن فكر عميق و تحليل و رؤية، المسألة أبسط من كده بكتير، مدونة بنحكي فيها حواديت، نفضفض، قليلا جدا أما نحب نعبر عن موقف واضح أو رأي أو ندلو بدلونا في موضوع بيأثر في حياتنا و شاغلنا، و يا ريت اذا أنت شايف عكس كده تشاورلي فين ادعينا أننا قدوة

و بعدين الموقع مش مليان افكارنا لوحدنا، الموقع مفتوح ﻷافكار الأخرين و ابداعاتهم و كتير منهم مختلف معانا تماما (بدليل تعليقاتكم مثلا)؟

شكرا لتوضيحك مفهومك عن الشذوذ الفكري، كده الكلام له معنى أكتر لكن برضه أسمحلي أختلف معاك، لا أظن أن فيه أفكار أ و مبادئ أساسية متفق عليها، بعض المدارس الليبرالية و الليبرتالية بترفض فكرة الصالح العام (و دي مواقف مختلفة، في اللي مجرد بيشوف أنها فكرة لا يمكن تطبيقها عمليا بدون عواقب وخيمة و يوجد من يختلف اختلاف فلسفي أعمق ولا يؤمن غير بصالح الفرد).

حتى مركزية الانسان و أهمية بقائه فكرة لا يجمع عليها الكل و يصعب حتى الكلام عن الأغلبية فيها من غير ما يبقى كلام مرسل جزافي.

هممم مش متأكد أن التفريق بين العقيدة و العبادة ده صحيح تماما، لكن لن أدعي أني دارس الموضوع ولا فاهم فيه كويس

بص عشان متزعلش نرجع لورا،أصلا ايه الغرض من التدوينة دي؟

الشكوى من تسطيح موقفنا، فقلت أوضح أن مش عشان في جانب من موقفنا أنت مختلف معاه تقوم تختزل كل كلامنا في الحته اللي مش عاجباك، أنا فاهم أن فيه ناس كتير مختلفة معانا في بعض الحريات اللي بننادي بيها أو حتى في كتير من الحريات، أنا بس بوضح أن غالبا في اتفاق برضه و أنه ملوش معنى تتجاهل الاتفاق ده.

هل أنت مختلف معايا في الكلام العام ده؟ هل أنت لما قريت التدوينة ملقيتش أنك مشاركنا الرغبة في واحدة على الأقل من الحريات دي؟

أتفق معاك ياعلاء...وشكرا على ردك

وماله بقه يا عم الدمنهوري عليا النعمة انا كان ليا واحد صاحبي قعد يكلم علاء بنفس طريقتك ما نابه الا ان علاء الأسد ولبوته ولبوات تانيين من غابة العمرانية ناكوه وشتموا ميتين امه ولعلمك لو كان ينفع اتكلم مع علاء بأي ديك ام اسلوب تاني كنت عملت وبعدين هو بيتكلم في مبدأ ان ده موقعه وهو يكتب فيه اللي هو عايزه طب تمام المفروض بقى يلغي تسجيل اليوزرز في الموقع لكن عارف علاء ده عامل زي اللي نفسها فيه وتقول إخيه وبعدين انا قلتلك قبل كده انت ممكن تقنع ابو لهب بانه يشترك في الحركة الصوفية وتقنع كمال الشاذلي انه يشارك في مظاهرات كفاية لكن مش ممكن تقنع علاء ان الاسلام دين محترم وانه يغطي لحم مراته ومرتضى منصور يحييكم ويقدم لكم قرص طعمية قبل الاكل وقرص طعمية بعد الأكل والاسعاف موجودة قدام المحل

ياعم الدمنهورى..باقدم احتراماتى ليك وللجميع وأنا ماقصدتش حاجة وحشة عليك..لكن اسمح لى أنا بطبعى ماأحبش ألجأللشتيمة والأسلوب ده الا لما أبقى عاجز عن النقاش...بس عايز أقول لك حاجة مش نفاق لحد لأنى ماعرفش علاء معرفة شخصية لكن اللى عايز أقوله ان مايصحش نشتم مراته بالشكل ده..وكونه ناشر صورها بالمايوه أو غيره ده مايديناش الحق فى شتيمتها شتيمة مخلة زى دى..هى برضه لابسه هدوم مش متصورة عريانة ملط...دى حاجة..الحاجة التانية ان يوم ماعلاء يزودها وماقدرش أتواصل معاه فى الحوار بشكل حضارى يبقى بناقص الموقع ده.."لكم دينكم ولى دين " لكن هو لسه مطنش ومش بيرد عليا.....واللى أنا فاهمه من متابعة الموقع ان علاء لازال يعلن أنه مسلم....أخيرا و مع كل تقديرى ليك الا انى مش فاهم الحقيقة ايه حكاية مرتضى منصور دى وايه قصدك منها.

إلى m4m

والله عليك ىور يابني