Manal and Alaa's bit bucket free speech from the bletches

أنا مفهم أصلا عشان أحكم على مدى كفائة خالد أكثر من مجرد احساسي كقارئ، صفحات التحقيقات اللي كان مسئول عنها كانت كويسة جدا و كنت بهتم أقرأها، لسه مبنيتش رأي في الصفحة بعد ما مشي خالد.

برضه كقارئ بحب ابراهيم عيسى و معجب جدا بتجربة الدستور الأولى و شايف حاجات كتير كويسة في الدستور الثانية. أنا مبنيتش رأي ضد ابراهيم عيسى ولا قلت حاجة ولا أصلا فاهم ايه اللي بيحصل.

لكن لو صحيح أن فيه مستحقات مالية الناس مش بتاخدها رغم أنها بتعمل شغلها يبقى ميفرقش في حاجة أن الدستور جريدة كويسة و بتعارض الحكومة و تدافع عن الحريات، العمال اللي شغالين في مصنع و بيضربوا عشان مرتباتهم بتعاطف معاهم بغض النظر عن جودة انتاج المصنع.