Manal and Alaa's bit bucket

انا مهتمة انى ارد عليك لانى عارفة ان ده مش رايك لوحدك ده راى ناس كتير تانية معاك . انا مش هتكلم على نقطة الفلسطينيين بي"حبونا" ولا لا بس هتكلم على حاجة مهمة انت قلتها . انا شخصيا متفقة معاك نوعا ما فى "بلدنا اهم من اي حاجة تاني" فعلا عندك حق . و كلامك منطقى ليه نضحى بوقتنا و طاقتنا و امننا عشان حد تانى لكن هل المصريين بيساندوا النضال الفلسطينى عشان هو نضال مشروع لناس ارضهم محتلة؟ مظنش . اسرائيل تهديد استراتيجى لمصر و مش لمصر بس لكن لبلاد كتير فى المنطقة .التهديد ده يبتدى من كون بلدنا بتقع فى نطاق الحلم الصهيونى و ده اكبر تهديد و لحد الجواسيس اللى بيتجسسوا لصالح اسرائيل . ده كله يؤكد ان الصراع الفلسطينى الاسرائيلى هو فى الحقيقة صراع عربى اسرائيلى فى اصله. يعنى المقاومة الفلسطسنية ممكن نعتبرها زى عقبة كبيرة جدا فى طريق زحف اسرائيل الاستعمارى . موضوع بقة ان الفلسطسنيين مبسوطين كده انا شايفاه كوميدي شوية هل انت متخيل ان فى شعب ممكن يبقى مبسوط و هو مش قادر يعيش؟ مش قادر يشتغل مش قادر يسافر مش قادر يعيش فى امان؟ و لو هو فعلا مبسوط بالاحتلال ليه بيكافح؟ ليه هو الشعب الفلسطسنى مزاجه ان اولاده تموت؟

الاخ فانتوماس الهلاس بيتكلم عن بلدنا و بلدهم ماهو بلدنا و بلدهم واحد اللى بيخطط يا سيد فانتوماس بيخطط للمنطقة بحالها ما بيقولشى دى مصر ودى موريتانيا ودى العراق الهم زى ما قال الشاعر كلنا فى الهم شرق الهدف التقسيم الى دويلات لا تستطيع اى منها بمفردها عمل اى مقاومة المنطقة التى تجمع سكانها لغة واحدة ووايمان برسالات دينية واحدة وتشكل وحدة اقتصادية متكاملة ولها تاريخ وحضارة امتدت الاف السنين هذة المنطقة يجب تقسيمها واشاعة روح الكراهية بين ابناءها ومن الذى يقول ويعمل على ذلك؟ 1- دولة مكونة من 50 ولاية لا يوجد لها تاريخ مشترك او لغة مشتركة او حتى حضارة مشتركة 2- مجموعة دول تعمل حثيثا على التجمع فى دولة واحدة رغم اختلاف اللغات والحضارات بينها والتاريخ بينها نسيت تقاتلها بين بعضها البعض على مدى قرون ولكنها اجتمت على حرمان منطقتنا من نفس ما ينادون بة لانفسهم لماذا؟ لكى يستمر نزيف الموارد وتزداد تلك الدول ثروة ولمنع اى فرصة لعودة الحق لاصحابة يا سيد فانتوماس اسأل نفسك لماذا تعمل اوربا لتحقيق الوحدة ولماذا تحارب وحدة العرب؟ لو وجدت الاجابة ستجد انك تكرة نفسك عندما تصرح انك تكرة الفلسطينيين

أولا اذا كان سياديك مش مستعد حتي تموت عشان أخواننا في فلسطين اللي محتلة اكثر من نصف قرن تحت أكبر قوة عسكرية في الشرق الاوسط.. روح أقرأ اخر تقرير عن الوضع الانساني في غزة http://web.amnesty.org/pages/mde-150612006-eng و انا بتهيألي ان اي بني ادم عنده شوية دم لازم يتضامن معاهم.. و بعدين ما مصري برضه.. و في كفاية.. ايه بقي وجه التضارب بين الدفاع عن حقوقنا في بلدنا و مساندة المقاومة العربية سواء في فلسطين أو العراق؟؟ أم بقي أخر كلمتين قلتهم فهم تعميم ساذج و عنصرية مفضوحة

well, I believe he's a mongrel of cultures and the utter embodiment of partiality. nonetheless..couldn't care less about him or his mother.. and I find your entry a tad off-topic.

but I DO admire your Holmesing powers.. a lot !

بس يا ترى يا أبله فكيهة إنتي بهية ؟ مش مستني إجابة بالطبع :)

why are you writing this here Mr. Anon? If you excuse me, this is a terribly coward thing.

By the way, I am not SM nor am I one of his fans.

أنا قريت البتاع ده امبارح , بس اعتبرته لا يعنينا في شيء , دول بيتكلموا عن محاولات لاستهداف السفارة عسكرياً , واحنا رايحين نتظاهر .ـ

ربنا يستر

I agree with this we have to work ourselves first

و يا ترى المظاهرة دي هتعطلنا عن أن أننا نصلح بلدنا؟

يا أخوانا البني أدم multitasking، يعني سهل جدا يتعامل مع أكتر من موضوع في نفس الوقت.

و بعدين محدش حايش اللي عايز يصلح البلد يتفضل و يقولنا عشان نشاركه.

مش مفيد أننا نتناقش في مين أسوأ، كفاية أننا نتفق أن الاتنين سيئين و بضرورة تحرير مصر عشان نقدر يبقالنا دور حقيقي في تحرير فلسطين، و طبعا كمصري و عايش في مصر المشاكل الداخلية ليها أولوية أعلى عندي.

لكن مظاهرة تضامن مع الفلسطينيين مش هتلهينا عن المطالب الداخلية، أولا الجايات كتيرة و ثانيا في المعتاد بيتم الربط ما بين الموضوعين (أقرأ مثلا البيان التأسيسي لكفاية، أو راجع مظاهرات 20 مارس للسنوات الثلاثة اللي فاتت)

مش كده برضه؟ و كمان هينسحبوا لحدود 1967 و يبطلوا يتعاملوا مع القدس على أنها عاصمة و يرجعوا كل الأسرى و يسكنوهم في بيوتهم الأصلية و يفكوا كل المستوطنات و يحاكموا كل مجرمي الحرب و يسيبوا الفلسطينيين يديروا حدود بلدهم زي ما هم عايزين و يغيروا كل القوانين العنصرية من أول قانون حق الهجرة الي القانون اللي بيمنع غير اليهود من المشاركة في الجيش.

هيعملوا كل ده لو بس الفلسطينيين الوحشين الكخة يبطلوا يضربوا صواريخ و يسيبوا أسير الحرب اللي معاهم.

اللى انا شايفة انه هو اهم ,ان المظاهرة ما تتحولش من مظاهرة اعلان تضامن مع الشعب الفلسطينى و اعلان رفض للتصرفات الصهيونية ؛الى مظاهرة مؤيدة لنظام حماس.

لان من تجربتى الشخصية فى مظاهرات التضامن الفلسطينية حتى اللى كانت بتنظمها قوى غير اسلامية يمكن باستثنا مظاهرات لجنة التضامن مع انتفاضة الشعب الفلسطسنى كل المظاهرات التانية اللى حضرتها ابتدت للتضامن مع نضال الشعب الفلسطينى و انتهت بالهتاف لحماس بالذات المظاهرات اللى بعد الانتفلضة التانية. مهم جدا ان النطة دى تبقى واضحة فى البيان و فى اللافتات . ان دى مش مظاهرة لمساندة النظام الفلسطينى لكن مظاهرة لمساندة كفاح الشعب الفلسطينى و رفض جرائم الصهاينة؛

و انت بروح امك بقي اللي هتقولنا نؤيد حماس ولا لأ.. حماس اللي خيرة شباها بيستشهدوا كل يوم لتحرير فلسطيين و باقي الدول العربية بنت الكلاب و علي رأسها النظام المصري عمالين يطبعوا مع أسرائيل و أمريكا؟

طب تصدق انا هاعمل لافته مخصوص عشان حماس هيا و كل حركات المقاومة.. و أخبط دماغك في انشف حيطة

و هو منطقك ان اللى يموت عدد اكبر من شبابه هو الصح لو كده ياريت بقى ترفع لافتات للقاعدة و شباب تنظيم القاعدة فى الرافدين . و يا ريت قبل ما تتكلم بثقة اوى كده تروح تخلى حد كبير يشرحلك تاريخ حماس اللى انا متاكدة انك متعرفش حاجة عنه , و ياريت تخلى حد كبير برده يشرحلك ان مش كل عملية حماس هم اللى بيقوموا بيها و يشرحلك كم الفصايل الفلسطينية وياريت كمان تخلى حد من اللى عايشين فى غزة او فى الضفة يحكيلك عن الحياة اليومية مش هقولك ان حماس مش عارفة تعمل حاجة من ساعة ما كونت الحكومة بس خلى واحدة مش محجبة من غزة تحكيلك عن الحياة اليومية و المعاملة بتاعة شباب حماس اللى انت بتقول عليهم خيرة الشباب

بغض النظر عن توجهك الديني او العقائدي انت بتتكلم صح الغجر اللي هنا بيتكلموا من وجهة نظرهم الغير واقعية علي الاطلاق البقاء للاصح و اسرائيل هي الاصلح و الغجر العربجية امثالكم مكانهم صفيحة زبالة التاريخ

PS

The Admin in here whom I suppose is calling for a socialist democracy in Egpyt is holding himself from posting my comments That basically proves my point, dictatorship is the Best way to run Egypt, because in our retarded country anyone will be a dictator if he had the power to rule.

I will conclude with a few words from Sigmund Freud's book "The Future of an illusion"

"For masses are lazy and unintelligent; they have no love for instinctual renunciation, and they are not to be convinced by argument of its inevitability; and the individuals composing them support one another in giving free FrS1 8 rein to their indiscipline. It is only through the influence of individuals who can set an example and whom masses recognize as their leaders that they can be induced to perform the work and undergo the renunciations on which the existence of civilization depends. All is well if these leaders are persons who possess superior insight into the necessities of life and who have risen to the height of mastering their own instinctual wishes."

بقي المحتل المعتدي هو الأصلح دلوقتي يا عديم الضمير؟ تفتكر لو كنت من ضمن ال 9000 معتقل فلسطيني اللي بيتم تعذيهم بشهادة منظمات حقوق الانسان الاسرائيلية كان برضه هتبقي اسرائيل هي الاصلح؟ العجز العربجية أمثالك هم اللي يدمروا مزارع الفلسطينين و يهدموا بيتوهم و يقتلوا أولادهم و شبابهم كل يوم يا خاين يا عديم الانسانية .. عندها حق حماس تنسف أهثالك من الوجود

"The Admin in here whom I suppose is calling for a socialist democracy in Egpyt is holding himself from posting my comments That basically proves my point, dictatorship is the Best way to run Egypt, because in our retarded country anyone will be a dictator if he had the power to rule.

I will conclude with a few words from Sigmund Freud's book "The Future of an illusion" "

و الله عيب غليك ... بغض النظر عن رأيك في إسرائيل إللي واضح إن له أرضية بردة .. بس الكلام ده .. أعتقد مش حقيقي أبدا

“Since Israel withdrew from Gaza in September 2005 ’til today, the estimates run between 7,000 and 9,000 heavy artillery shells have been shot and fired into Gaza. On the Palestinian side, the estimates are approximately 1,000 Kassam missiles, crude missiles, have been fired into Israel. So we have a ratio of between seven and nine to one.

Let’s look at casualties. In the last six months, approximately 80 Palestinians have been killed in Gaza due to Israel artillery firing. Now, on the Israeli side, we hear all of these terrible things about these Kassams. Even Shlomo Ben-Ami, yesterday on your program, who I respect, he said what’s Israel to do about these Kassams? What does the record show? I mentioned a moment ago, 80 Palestinians killed in six months. There have been exactly eight Israelis killed in the last five years from the Kassam missiles. Again, we have a huge disproportion, a huge discrepancy.

Now, Josh says Israel has a responsibility to protect its citizens. I totally agree with that. But Hamas is the elected government of the Palestinians. They have a responsibility to protect their citizens. They have a responsibility to get back their 9,000 hostages. They have a responsibility to protect their Palestinian civilians, who are being daily attacked by Israel.”

these are the words of the American Jew, Dr Norman Finkelstein at http://www.normanfinkelstein.com/article.php?pg=11&ar=241

not to forget that the very existence of Israel is on palestinian land. palestine is not just Gaza and the westbank.

not to forget the refugees either.

"1967 borders" is the key word .. but I was just qouting Dr Finkelstein about the current Gaza situation ..

يا سلام، و الجندي ده يا ترى اتخطف فين؟ مش على أراضي هو محتلها برضه؟

و هي اسرائيل و اليهود مش ليهم حق يعيشوا لو كنا رضينا بيهم من زمان كان زمان الحياه احلي بكتير اسرائيل واقع و الجندي مكنش علي ارض محتله شوف يا علاء انا مش مع اسرائيل بس انا عايز حلول اكثر عقلانيه .. لو احنا كنا اقوي منهم و هما خطفوا عسكري من عندنا كنا هنولع فيهم شوف قصة فتح عموريه و طرد اليهود من المدينه المنوره

فتح عمورية و طرد اليهود من المدينةالمنورة?????????

مفاهيم الولاء و البراء عندك غير سليمة

ولله العزة و لرسوله و للمؤمنين

و لا تهنوا ولا تحزنوا و انت الاعلون ان كنتم مؤمنين

الجندى الماسور هو خنزير يهودى جاء ليحتل ارض اسلامية

Akis Patsourakis

في ظروف البلد - بتاعتنا دي - إنتو شايفين إن ده اولوية دلوقتي ؟! مش قصدي حاجة ، انا كمان أكيد رافض إللي بيحصل ، لكن إن الناس تتظاهر عشان مشكلة خارج حدودها ، و هي مش قادرة تاخد جزء من حقوقها جوة ، فأعتقد إن ده تفكير جانبه الصواب قليلا ، و بعدين بردو ، ليه التظاهر ؟ ضغط على إسرائيل؟!؟ ولا عشان نوري الفلسطينيين إن إحنا معاهم ، و لا تأنيب ضمير؟و لا نخوة و و تضامن مع المسلمين؟!؟

أرجوكم ما تاخدوش كلامي بشكل شخصي ، لكن دعوات مالية البلد لتكثيف العمل من أجل الشأن الداخلي ، و أنا معاها ...لذا باتساءل معاكم إن كان ده مفيد .. تساؤل مش أكثر

شكرا و بالتوفيق عموما

أنا مش صاحب الدعوة و معرفش اللي طرحها بيفكر ازاي، بس هرميلك طرحين نفكر فيهم مع بعض

أولا المظاهرة ضغط على النظام المصري اللي بيدعي طول الوقت أنه له دور في المنطقة ياخد خطوات ايجابية لمساعدة الفلسطينيين أو على الأقل لعدم مساعدة الاسرائليين.

زي أي مظاهرة مناوئة للحرب في أي حتة في الدنيا يعني، ضغط على حكومتك عشان تاخد موقف. و اعلان تضامن مع الشعب اللي في محنة.

الطرح التاني أن مظاهرات معاداة اسرائيل و العراق من أيام انتفاضة الأقصى كانت أنجح و أكبر المظاهرات، و أكثرها جذبا للمواطنين الغير منتمين سياسيا و أكثرها توحيدا للتيارات السياسية المختلفة.

الحركات الموجودة حاليا تاريخها يرجع لمظاهرات 2001 و 2003 و وحدة الصف تاريخها يرجع لللجنو الشعبية للتضامن مع الانتفاضة الفلسطينية.

و متنساش أن أول من فكر في الهتاف ضد مبارك كان الجماهير اللي شاركت في مظاهرات مارس 2003.

يعني يمكن المظاهرات دي تقوي الحركة مش تضعفها.

و كمان مهم دائما أن الحركة و اعضائها و كل التيارات اللي مشاركة فيها توضح انحيازاتها خصوصا في القضايا اللي تهم أعداد كبيرة من المصريين، و بالتالي مهم اثبات موقف الحركة من اسرائيل و من القضية الفلسطينية.

تقريباً متفقين يا علاء .

لما طرحت الدعوة كان فيه سببين :

1- اللي بيحصل في فلسطين أمر لا يمكن السكوت عليه , صحيح التظاهر مش هيغير حاجة على أرض المعركة - احنا مش رايحين نحرر غزة - بس السكوت والخمول ده على المستوى العام بيضعف مناعتنا و بيسبب نوع من التبلد ممكن ينعكس على القضايا الداخلية .

على المستوى الإسلامي والقومي و الإنساني والأخلاقي - كل واحد يختار منطلقاته - مش ممكن ميكونش لينا موقف من اللي بيحصل , دي فلسطين يا جدع !

الفلسطينينيين بيمروا بمرحلة صعبة جداً وأي حاجة تافهة بنعملها هنا بتديهم دفعة معنوية كبيرة جداً , الأمر وصل لدرجة إن قيادات في حماس بيوجهوا عتاب مر للإخوان عندنا لأنهم ليسوا على مستوى المسئولية وعايشين على حس حماس و بيستروا بيها حالة عدم كفاءتهم في الوصول لمواجهة حقيقية مع أي عدو - دايماً بيستخدموا أنصاف الحلول , مع مبارك مثلاً - .

2- على المستوى الداخلي :

في سوابق عديدة كانت أكبر التجمعات البشرية على أرض مصر تضامنية مع العراق وفلسطين , مظاهرات مارس 2003 كان بداية كل الحراك اللي حاصل دلوقتي , عندي أمل إن الدعوة دي ممكن تحرك حاجة أو تدشن مرحلة جديدة في شغلنا .

ده غير إن منذ اعتصام نادي القضاة و النظام تقريباً سرق مننا حق التظاهر تاني , والكلام اللي بنقوله عن إننا انتزعنا حق التظاهر مبقاش عليه إثبات , لازم نستمر في ممارسة هذا الحق واستخدامه حتى لا يضيع ويسقط بالتقادم .

اللي بيحصل دلوقتي هو إننا بنستخبى في نقابة الصحفيين وده مش تظاهر ولا حاجة , ومش مفروض إن سلم في شارع فاضي يبقى المكان الطبيعي لشغلنا .

محمد عبد القدوس في مؤتمر تكريم المعتقلين اللي أفرجوا عنهم , طلع هو وكمال خليل زعلانين على غزة و عبد القدوس أعلن القرار التاريخي الفظيع بوقفة على السلم , أنا رحت قلتله يا أستاذ محمد : تسقط سلالم نقابة الصحفيين .

حاجة تانية هي إن السفارة الأمريكية والإسرائيلية صنم كبير النظام بيحافظ عليه وبيعبده ومبارك بيحب الصهاينة أكتر من جيمي ذات نفسه , إحنا لو نجحنا فعلى حد علمي هتكون أول مظاهرة أمام سفارة إسرائيلية في أي بلد عربي منذ بداية العلاقات مع الكيان الصهيوني أصلاً , وده خازوق كبير جداً لحسني مبارك وانتهاك لقدس الأقداس بالنسبة له.

حاجة أخيرة هي إن جورج اسحاق - ومؤتمراته اللي ملهاش لازمة- تسبب في لغوصة صورة " كفاية " والمعارضة والحركات الجديدة عموماً , لما نروح ننضرب قدام سفارة إسرائيل ده هيكون رد عملي على الطبالين .

زي ما قلت إني مش معترض ، بس باتساءل معاك كده ..

1- هل دي إسمها "مظاهرة مناوئة للحرب" ؟ولا "لللإحتلال"؟ عشان الفرق كبير ، لما إنت بتِبقى ضد الحرب في أي بلد مش شرط تاخد صف حد ... لكن هنا هيّ مظاهرة لدعم طرف - مظلوم - و بالتالي هي مظاهرة مع الحرب ، لإنه لو الفلسطينيين ردوا و موتوا 15 ولا 20 مش حتطلع مظاهرات في العالم العربي ، و بالتالي أختلف على المسمّى

2-" ضغط على الحكومة عشان تاخد موقف " إيه الموقف؟ كلوا بيتكلم عن طرد السفير ، و رغم كرهي و مقتي الشديد للنظام الصهيوني ، لكن أنا شايف إنه لازم يفضل لهم تمثيل عندنا ، و حمايته من قبل الحكومة هو أمر حتمي ، و التنكيل بهذا التمثيل سلوك غير حضاري ، يضعك في صف الصهاينة أنفسهم ، و بالتالي لا يمكن اللوم على أفعالهم إذا كنا نتمنى أن تتاح لنا الفرصة لنقوم بالمِثل ، و الناس إللي بتشتغل في السياسة عارفة ضرورة وجود تمثيل لكل الأطراف المتنازعة ، بغض النظر عن سفالتها ، ووطيانها ،لإن ده الباب الوحيد المفتوح لو ممكن حدوث أي تسوية ، و إغلاق السفارة عامل زي منع عرض شندلر ليست كده ،منع اي فكرة لنعرف عدونا أو لندري كيف يفكر... ولا إنت قصدك موقف تاني تاخده الحكومة؟

3- و الله لو الحركات الوطنية محتاجة مبرر من الخارج لتجتمع على كلمة ، تبقى مصيبة ، انا مش ناشط سياسي ولا حاجة ، بس أفعال و مسلك الحركات "الوطنية" بيؤثر عليا و على أي مواطن... و الحقيقة كون قضية فلسطين بتجمع الناس فنطلع مظاهرة ، دي حاجة مخيفة ، طب ما فيه 1000 حاجة بتجمع كل المصريين عليها ، يميني و يساري و مسلم و مسيحي ، زي الحشيش مثلا! ولا إيه؟

4- "و كمان مهم دائما أن الحركة و اعضائها و كل التيارات اللي مشاركة فيها توضح انحيازاتها خصوصا في القضايا اللي تهم أعداد كبيرة من المصريين، و بالتالي مهم اثبات موقف الحركة من اسرائيل و من القضية الفلسطينية." .... بتتكلم زي السياسيين ..... مش حاعلق ... غير إن كل واحد بيتصرف من منطلق فرديته .. أو حركته - وفقا لكلامك- و مرة أخرى ... أنا فعلا مش متبني وجهة نظر رافضة ، و إن كانت لدي أسباب للرفض ليست أقل من أسباب الموافقة

شكرا يا علاء

يا حاج احمد

انت مش واخد بالك اسرائيل مقومة الدنيا كلها عشان ايه؟؟؟ عشان جندي تم اختطافه من داخل موقع عسكري...واخد لي بالك؟؟؟ طيب ركز معايا كده...قبل ما مبارك يستقبل اولمرت في شرم الشيخ كان ايه اللي حصل؟؟؟

فاكر ولا مش فاكر؟؟؟

لو مش فاكر...فاللي حصل ان اتنين من جنودنا اتقتلوا على الحدود برصاص الصهاينة....ورغم كده الريس تاني يوم على طوووووووول كان بياخد اولمرت بالحضن في شرم الشيخ

يعني لو بننكلم على المستوى الداخلي المفروض البلد كانت تولع والناس تخرج في مظاهرات من اجل الاتنين المصريين اللي ماتوا دول، ولا دول مش مننا؟!! يعني بما انك بتتكلم ان الاولوية للعمل الداخلي ومعرفش ايه، فالمفروض كانت تحصل مظاهرات بسبب الموضوع ده.

واللي مخلي اسرائيل مقومة الدنيا عشان جندي هو ان الجندي ده وراه شعب يسأل عليه، وهيضغط على الحكومة عشان ترجعه حتى لو اضطرت تقتحم غزة، عرفت بقى الفرق ما بينا وبين الصهاينة؟؟

الفرق انهم بيخافوا على بعض وبيخافوا على منظرهم امام بقية العالم، انما احنا يتقتل مننا جنديين وعادييييييي وتاني يوم نقابل اولمرت ومفييش مشاكل ونصدر لهم غاز واسمنت وفول مدمس كمان

الفرق ان البني ادم عندهم له تمن عند الشعب قبل الحكومة، انما احنا البني ادم عندنا مفييش ارخص منه عند الشعب قبل الحكومة، لأن احنا لو كنا شعب بيحترم نفسه مكناش سكتنا على المهزلة دي

انا عن نفسي متفق معاك ان الاولوية للمشاكل الداخلية، لكن يا سيدي كل حاجة مربطة ببعضها، وجنودنا اللي بيتقتلوا على الحدود مشكلة داخلية يجب الوقوف من اجلها، وكون ان الحكومة المصرية تتوسط للإفراج عن الجندي فدي أيضا مشكلة داخلية يجب الوقوف من أجلها، يعني لحد دلوقتي انا مش شايف ان الموضوع يتعلق بمشكلة خارجية

فل كده؟؟

100% متفق

و أضيف على كلامك مندوبي الحكومة المصرية قابلوا الجندي 3 مرات وفقا للعربية ، ثانيا لازم نثبت لهم و للعالم إن احنا بنخاف على بعضينا و بنهب لنجدة أولاد بلدنا قبل مابنهب لنجدة أي عربي آخر

يبقى اذن مهم جدا أن أي ورق هيتوزع أو لافتات هتتشال في المظاهرة تتكلم عن الجنود دول.

و مفيش مانع حاجات بتذكر بقضية القتل الجماعي للأسرى المصريين اللي لم تتم محاكمة المسؤولين عنها حتى الآن.

و برضه صورة مبارك و هو حاطط ايده على كتف أولمرت عشان نفكر الناس بمدى ارتباط قضية فلسطين و قضية الديمقراطية في مصر.

مهم جدا ان احنا فى المظاهرة نغطى بقوة ان امان الشعب المصرى ة الارض المصرية مرتبط بقوة بالنضال الفلسطينى و ان التضامن مع الشعب الفلسطينى و حقوقه مهياش مجرد وقفة مع الحق لكن هى دفاع عن الوجود المصرى و على الامان فى مصر. و مهم جدا استهداف سجل قتل المدنين على مدار السنة اللى فاتت مش مجرد اجتياح غزة. و بالنسبة لموضوع ان احنا نطالب باغلاق السفارة ده تهريج الواحد لما بيبقى عنده طلب ديسلوماسى زى ده بيتقدم بيه لوزارة خارجية بلده او الرئيس و رئيس لتصرفات الوزراء, فملوش معنى ياريت نركز على اننا نوضح موقفنا التضامنى مع الفلسطيين الرافض لتصرفات الاحتلال .

أول مرة أسمع عن تفرقة مناوئة للحرب ولا الاحتلال دي، هي كانت حرب أهلية؟ ولا حرب بتمارسها قوتين على أرض تالتة؟ يعني أبقة ضد حرب احتلال من غير ما أخد صف اللي احتلت أرضه؟

عموما لما أستخدمت كلمة ضد الحرب كنت بتكلم عن العراق ﻷاني كنت بشير لمظاهرات مارس 2003 اللي كانت في أول الحرب قبل ما العراق يبقى محتل، و واضح جدا أن المقصود مظاهرة ضد الاحتلال، و ان كانت مناسبة المظاهرة هي اجتياح غزة الأخير ده ميمنعش أن الموقف رافض للاحتلال عموما مش للهجمة دي فقط.

موضوع الضغط على الحكومة عشان موقف، ركز شوية علاقتنا باسرائيل مش متوقفة على السفير و بس، في علاقات تجارية مثلا، و فيه غاز بنبيعهلهم، و فيه كمان غير التمثيل الديبلوماسي أن مبارك كل يومين يقابل سياسيين اسرائيليين و يتصوروا و هما بيحضنوا بعض و يضحكوا مع بعض.

ده غير أن فيه مواقف داعمة للفلسطينيين ممكن تتاخد، أبسطها تخفيف الحصار على غزة عن طريق فتح معبر رفح للتجارة و لتنقل المدنيين.

أما موضوع لو الحركات الوطنية، بغض النظر عن تحليلك دي تبقى مصيبة ولا لأ أنا كنت بحكيلك عن حاجة حصلت فعلا، اللي حصل أن مظاهرات 2000-2001 و اللجنة الشعبية و مظاهرات 2003 هي اللي انبثق عنها التكتلات اللي موجودة دلوقتي، دلوقتي مطالب الديمقراطية و استقلال القضاء و وقف التعذيب و مكافحة الفساد طالب بقت الحاجة اللي الناس بتتجمع عليها، لكن ده ميغيرش التاريخ.

و بعدين موضوع أن المشاركة في المظاهرات بتكون أكبر لما يبقى الموضوع عن العراق أو فلسطين دي برضه مشاهدة لواقع أحنا عايشينه بغض النظر عن عاجبنا ولا لأ، و لو عايز أقنع ناس أكتر أنهم يشاركوا في فعاليات على مواضيع محلية لازم أقابلهم الأول و مش شايف ايه المانع أن واحدة من الأماكن اللي أقابلهم فيها تكون في مظاهرة ضد الاحتلال (و على فكرة ده مش موضوع خاص بمصر بس، حركات مناهضة حرب العراق في الغرب قدرت تعمل مظاهرات ضخمة جدا و جامعة لتيارات سياسية كتيرة جدا أكبر بكتير من أى مظاهرة على مطالب محلية).

لو فيه 1000 حاجة بتجمع الناس يبقى دور حركات التغيير أنها تمسك في الحاجات اللي متوافقة مع مبادئها و أهدافها و تشتغل عليها، يعني لو الحشيش متوافق مع مبادئ و أهداف الحركة يبقى المفروض نعمل مظاهرة حشيش، اللي حاصل أن الحشيش (و أن كنت أشك في أنه عنصر جامع للدرجة) مش متوافق و معارضة الاحتلال و التدخل العسكري الأجنبي متوافق. لو أنت متابع هتلاحظ أن فيه شغل اتعمل على قضايا جامعة زي البطالة و العبارة، و فيه شغل اتعمل على مناسبات جامعة زي عيد الأم.

مفهمتش الحتة اللي عن أني بتكلم زي السياسيين دي معناها ايه بالظبط، الكلام بسيط، لو الحركات الجامعة اللي موجودة دلوقتي و التيارات المختلفة اللي موجودة دلوقتي كلها عندها مواقف رافضو للكيان الصهيوني و احتلال الأراضي الفلسطينية، و لو ده موضوع يهم أعداد كبيرة من الجماهير المصرية، يبقى مهم أن ده يكون من ضمن المواضيع اللي الحركات و التيارات السياسية بتشتغل عليها حتى لو كانت غير قادرة على تحقيق مكتسبات في اللحظة دي.

فكر فيها كده، لو فيه مجموعة ناس تعرف بعض و بتتقابل بشكل دوري و تتكلم كتير، و المجموعة دي كلها عندها موضوع بيهمها جدا مش مسيرهم هيتكلموا فيه مع بعض؟ في حركات و تيارات سياسية بتخاطب جماهير عن طريق مظاهرات و مؤتمرات و أدبيات و اعلام و غيره و طبيعي جدا لما يبقى موضوع احتلال فلسطين يهم الحركات و التيارات و يهم جمهورها أنه من حين لآخر يتفتح الكلام على الموضوع ده.

قبل ما أعلق أنا عيز أوضح إن نسبة الإتفاق ما بيننا كبيرة ، لكن لا زال لي اعتراضات أرجو ان يتسع صدرك لإني أقولها عندك...

الإحتلال: دي وجهات نظر ، و أكيد انت عارف إن ناس كثير في العالم مش بتبص للموضوع كدة ، و دي مش كلها قوى صهيونية أو يمينية ، أنا لسة قاري في بلوج بتاع واحد إنجليزي - مش يهودي - رأيه إن الشعب الفلسطيني لا يمكن اعتباره مدني ، كل الشعب يحمل سلاحا ، و قال: شاهد أي مظاهرة أو تجمع للفلسطينيين المدنيين ، و عد في كام كلاشينكوف ؟، فضلا عن إن الفلسطينيين بيقتلوا مدنيين بردو و الحوادث " الإستشهادية" دليل ...

و ناس شايفة إن المسلمين عاوزين فلسطين (الإسلامية ) و الغرب و الصهاينة عاوزين إسرائيل (اليهودية ) يعني ناس بتختزله لراع أديان ن و أعتقد الرأي العام العربي كمان بقى بيعمل كده ، و اسمع هتافات المظاهرات

ده مش كلامي ، و لكن دي آراء مطروحة ، تختلف عن الطرح الشعبي العام، أنا رأيي الشخصي إن الدولة الإسرائيلية هي إحتلال سافر ، و لكن إشعال المعركة أكثر لن يجدي أحدا ، و الأفضل تأمين المواطنين الفلسطينيين ، لأن في اللحظة الحالية المعركة غير متكافئة - و لن تكون -.

و الأهم في رأيي من ده كلو .. إن المظاهرات إللي انت بتتكلم عنها بفخر دي(2003) ، الحكومة - لأسباب معروفة - كان لها دور كبير في إزكائها ، و كانت بتفرد لها مساحات إعلامية ، و أذكر إن لي صديق رئيس اتحاد طلبة في كلية صغيرة ، أحضره ضابط أمن الجامعة طالبا منه تحريك مظاهرة خاصة بالكلية أسوة ببقية الجامعات ،

أعتقدت دوما أن تكثيف القضية الفلسطينية على الساحة هو تغييب ملعوب بحرفنة للشعب ، و الحكومة تتمنى للشعب كله أن يتاضل من أجل "فلسطين " و احنا بنساعدهم

و معلش يا علاء ، أنا كمواطن ، منفستو كفاية مش واعز كاف لي ، اهتمامها بقضايا الساعة عشان تفرد أرض لنفسها مش كاف عشان يحركني كمواطن عادي ،و بلاش موضوع مناهضة الحرب في الغرب ، لإن هما لهم صوت كشعب قدام حكوماتهم ، و مطالبهم بتتنفذ ، إحنا أبعد ما نكون عن كده

نهايته أفكرك إن مصر قبل يوليو 52 كانت مليانة حركات و تيارات ، و ما كانوش محتاجين يستوردوا قضية فلسطين - رغم انها كانت موجودة - لكن مشاكل البلد كانت واخده اهتمام كل الناس ، فلسطين كانت مسؤولية الإخوان ساعتها - ولا زالت-

أرجع و أسألك، انا كمواطن ، يفيدني إيه إن ناشطين محترمين.. و في ناس كثيرة رامية أمل عليهم.. إنهم يعتقلوا عشان فلسطين زي ما أسعد ما بيحذر؟ أتمنى للناس دي إنها تكثف جهودها.. و خرم الإبرة إللي مسموحلهم يتحركوا فيه ، يوظفوه بشكل أحسن

في النهاية ده قراركم ، أرجوا إني أكون وضحت موقفي شوية و ما يتمش اتهامي بحاجات م الغريبة إللي بتتقال ع المدونات الايام دي

ايه يا عم أحمد أنا مبسوط من المناقشة يا أخي و مش محتاجة تذكير بمساحة الاتفاق و اعتذارات و كلام من ده. و بعدين أنت بتلعب دور مهم دلوقتي، بتحاول تفكك مسلمات سياسية، حد كان استجرى يتناقش في مدى جدوى التظاهر على المواضيع المقدسة قبل كده؟

بخصوص وجهات النظر المتباينة عن الاحتلال، ردي فوق مكتوب بافتراض أن أغلب الجماهير المصرية اللي مهتمة و لو اهتماما طفيف بالسياسة طيف مواقفها أضيق من طيف مواقف العالم و انحيازها ضد اسرائيل أعمق، يعني أشك أن فيه أعداد غفيرة من المصريين هيكون رأيها زي الراجل الانجليزي اللي أنت بتقول عنه، و بالتالى اخترت تجاهل الناس اللي أﻻائها كده.

خد بالك ده حكم جزافي على الرأي العام في مصر، بالحدس كده و مش مبني على أي مشاهدات احصائية و لا حاجة. ممكن أكون غلطان جدا، و ممكن يكون مش مفروض نتجاهل الآراء الأخرى دي.

اشعال المعركة ولا لأ ده مش بايدينا ولا المفروض يكون قرارنا، ده قرار الشعب الفلسطيني، أحنا كل اللي بنقدمه تضامن، و لو نطول مجموعة قرارات سياسية يكون فيه درجة من الاجماع على أهميتها من قبل الفلسطينيين (زي العالم ما قاطع جنوب أفريقيا اقتصادية، خد بالك قاطع مش حاصر).

بالنسبة لدور الحكومة في تشجيع مظاهرات الحرب، الحكومة فعلا شجعت مظاهرات 2000 و 2001 و بعدين ضربتها بشدة و اتقتل فيها طلبة، تجاهلت اللجنة الشعبية و استخدمتها اعلاميا ساعات و بعدين رجعت هاجمتها و اعتقلت فريد زهران.

أما في 2003 الحكومة خدت موقف معادي للمظاهرات من الأول تماما، و قمعت المظاهرات بعنف شديد (و كان أول ظهور لفرق الكاراتيه)، و رفضت تنفيذ حكم قضائي بتصريح لمظاهرة حاشدة، و اعتقلت مئات و فيه ناس مثلت قدام محكمة كمان (قضية الاشتراكيين الثوريين مثلا).

فلا يمكن اعتبار أن الحكومة وافقت على 2003، كل الشواهد بتقول عكس ده.

مش ده المهم، المهم أن في 2001 الجماهير عبرت عن سخط من دور الحكومة المتخاذل، و في 2003 هتفوا ضد مبارك و عن الأسعار و هاجموا مقر الحزب الوطني.

خد بالك الجماهير الغير مسيسة هي اللي عملت ده، كل من كان ليه في السياسة كان ظابت نفسه على العراق، و محدش كان تصور أننا ينفع نجيب سيرة مبارك أبدا.

طبعا حتة أنا كمواطن ميفرقش معايا مانفستو كفاية دي معاك كل الحق فيها، أنا كنت بشرح أهمية المظاهرة بالنسبة للحركة، لكن لازم يكون في اجابة على سؤوال أهمية المشاركة بالنسبة للفرد مننا ايه، و السؤال ده مهم لأنه على أساسه هتبني الدعوة و الدعاية و البيان و اللافتات و كل الكلام ده.

معنديش اجابة بما أن الفكرة مش فكرتي أصلا، و شكرا أنك فكرتنا أن في فرق ما بين السؤالين و الا كنا اكتفينا باجابة واحدة.

يفيدني ايه أن ناشطين محترمين يعملوا معرفش ايه دي جاوبنا عليها و قلنا ليه الناشطين دول مهتمين بالموضوع ده، أنا مش شايف أن المظاهرة دي هتأثر على جهود الناشكين و تقلل من خزين الطاقة اللي على أساسه هيتحركوا في قضايا داخلية (خصوصا و أن مفيش حراك مطروح على الساحة دلوقتي لحد بداية انتخابات النقابات العمالية).

ماشي يا علاء .. ما دام انت مبسوط ، يبقى إسمحلي أكمل و أرد على شوية نقاط:

طبعا أكيد السواد الأعظم مش بيفكروا زي الرجل الانجليزي ، لكن السؤال - و أنا ما عنديش إجابة شافية - هو: مين الأصح ، رأي المصريين/العرب/المسلمين؟ و لا آراء أخرى متباينة و متعددة من العالم؟أنا حاسس في كلامك انك بتتبنى رأي الجماعة ، و ده خطر شوية ، المفترض من حركة زي كفاية إنها تبث روح و آراء جديدة ، لما فيها من أسماء لعقول أشهد لها ، لكن أن تجري القوى الوطنية خلف العقل الجمعي ، و ما يريده الشعب - و جميعنا يعلم الحالة الثقاف/جتماعية التي يمر المصريين بها - أعتقد أنه سلوك خاطيء ، و برجماتي ، و غير نبيل ، و فيه نقض لدور الحركة و ليس لبنة لها عن طريق الاحتكاك بالناس كما تأمل...

و الحقيقية العديد من الحركات تنهج نهج الشارع ( نهج الإخوان ) حتى و لو كان مخالفا لآرائها ، و بيحصل - اسمحلي - عملية مط للمباديء التي قامت عليها كل قوة لتتسع الشعب كله ، و ياريت نافع

الجماهير؟ انت بتسميهم جماهير غير مسميسة ، أنا باسميها جماهير ذات عصبية دينية ، و متعاطفة / متعاملة مع الإخوان .. و انا أعلم أن العديد من القوى لا تجد غضاضة في التعامل مع الإخوان ، و منهم يسار أيضا ..و لكنني أعتقد أنه أمر شديد الخطورة أيضا....

ديمقراطية .. أيوة ... الناس عايزة الإخوان ... صح ، بس ده مش مبرر لإن كل التيارات تحذوا حذوهم ، و تسير على خطاهم ...دور التيارات دي هي توعية الناس يا علاء - طبعا لا أدعي أنه يوجد تيار بعينه هو الحق و الصواب - و لكن توعية الناس لكل التيارات - اليميني و اليساري و اللي قلبك يحبه

هي الناس بتتحرك و بتثور ليه؟ عشان تحرر أرض؟ تقيل نظام؟

لا

الأهم إقامة العدالة ، و إقامة دولة على أسس سليمة ، مش نكتفي بمجرد إسقاط الأنظمة الفاسدة

الحمد لله لي معارف من غزة بيحكوا بقوا عايشين في كبت و قمع إزاي -اتمنى إنه ده ما يحصلش عندنا- بعد حماس ، ، ما هي دي الديمقراطية !!! بس للأسف قبل الديمقراطية بيكون مهم للتيارات إنها تنشر أفكارها وسط الناس، مش تذوب هي في أفكارهم

أنا حاسس أننا ابتدينا نفرع في مواضيع بعيدة عن الموضوع الأصلي.

في مين الأصح رأيي أن الأصح هو الموقف الرافض للاحتلال (مش بس حدود 1967 لكن احتلال فلسطين كلها) و اللي متمسك بحق اللاجئين في العودة و المعادي تماما للصهيونية.

طيف الأراء داخل الحركة في الموضوع ده محدود، يعني هتلاقي مفيش خلاف على رفض الاحتلال و حق العودة و الخلاف هيبقى على رفض اسرائيل تماما و لا استعداد لقبولها لو تخلت عن الصهيونية، دولة واحدة ولا دولتدين الخ، لما قلت أن ده الطيف الموجود بكثافة في الرأي العام في مصر كنت أقصد أن الحركة تقدر تختار تتجاهل الأصوات اللي مختلفة معاها بشدة في القضية دي لأنها محدودة.

قارن ده مثلا بموضوع زي التعاون مع الأخوان المسلمين، عدد الناس اللي متوجسة من أو رافضة الأخوان كبير و بالتالي مهم أن اللي شايف أن التعاون مع الأخوان ضروري أنه يخاطب الناس اللي معارضه ليه، لو كان اللي خايفين من الأخوان قلة قليلة و غير ناشطة مكنش حد اهتم (زي كده ما محدش قاعد يدافع عن التعاون مع الناصريين لأنها مش محل خلاف جذري أصلا).

موضوع نهج الشارع ده موضوع معقد، لما تبنى كيان سياسي لازم يكون له درجة من التوافق مع الجماهير و الا لا يمكن يحقق حاجة، مينفعش يكون ضدهم تماما، و في نفس الوقت مينفعش يكون كيان ديماجوجي بيلعب على المشاعر و يتفادى أنه يكون ليه رؤية، لكن معرفش ده ايه اللي فتح الموضوع ده، كلامي واضح أن القضية الفلسطينية عليها توافق بين القوى النشطة حاليا، دي من الأمور اللي على اساسها بيتحدد اذا كان ينفع تشتغل مع القوى دي ولا لأ (زي كده الموقف من الحزب الوطني و حكم مبارك، لو أنت مع حكم مبارك يبقى ملكش مكان في حركات التغيير).

اللي أنا بسميهم جماهير غير مسيسة هم كل حد مبينتميش لتيار سياسي أو مش بيمارس نشاط سياسي. صعب قوى أنك تعمم و تقول كل دول جماهير ذات عصبية دينية . و موضوع الأخوان و حماس خارج السياق تماما نبقى نتناقش فيه يوم تاني.

الاخ احمد الصورة ابسط بكثير مما تقولة.

المظاهرة هى تعبير عن رأى ,يعنى لما الحكومة يكون رأيها المعلن هو نفسة رأى الشعب ,فطبعا المظاهرة لا داعى لها

اما والحكومة تعبر عن رأى لا يبلعة الشعب ولا يفهمة فان اول واجب على الشعب المصرى ان يعلن رأية

لان اشقاء النضال فى فلسطين يحاربون نفس العدو

نفس العدو الذى الذى اخترق حكوماتنا وجعل منها سمسار لة نفس العدو الذى اخترق وطننا وجعل منة وطن مقهور نفس العدو الذى حطم جوهر اقتصادنا بيد مجموعة من قوادى السياسة نفس العدو الذى يحرص الا تكون هناك مصر قوية مالكة لقرارها

اما مسألة مناهضة للحرب او معادية للاحتلال فانا مش فاهمها انت تتكلم ببرود عن حرب واحتلال كأنما قد تساوى صاحب الارض والمحتل

انت تتحدث بنفس اسلوب رعاة البقر الذى اعطى لاسرائيل حق الدفاع عن مواطنيها كأنما الفلسطينيين و العرب هم من اغتصبوا الارض و الحقوق من الاسياد البيض

يا اخ احمد على مدى التاريخ البشرى كل من ظلم يقاتل بمختلف الوسائل ليستعيد حقوقة , اما خرافة السلام المنشود فهى الوهم الذى تبناة لينين يوما ليبطل بة اى مقاومة وتبناة كسينجر يوما اخر لنفس الغرض

السلام لا يظهر حقا الا بعد ظهور العدالة

يا عزيزى احمد قضيتنا واحدة

واذا عجزت الحكومات او تقاعست عن حملها فان الشعب الذى حرم علية المناداة بالوحدة فى عصر يلجأ الكل فية الى التجمع فى اطارات كبرى مستمر فى التعبير عن صوتة

لان هذا الصوت هو حتى الان هو الوسيلة الوحيدة للتواصل بين العرب

اما تلك السفارة فهى لا تتجاوز التعامل الحكومى فهى كالكلب الاجرب يتجنبها كل سليم ولا يعنينى وجودها فى كثير او قليل

فبوم تكون هناك حكومة تمثل الشعب المصرى ستختفى كل بؤر الجرب

معلش يا علاء تعتبتك معايا .

المجهول اللي فوق , مش مكسوف من نفسك وفيه أكتر من 10 آلاف أسير فلسطيني في سجون الاحتلال بينهم نساء وأطفال ؟

الناس دي يا نسيت نفسها يا نسيت ان فلسطين محتله اساسا!!