هشتكنا وبشتكنا يا ريس

هشتكنا وبشتكنا يا ريس

by Mohamed Meshref from mmeshref.blogspot.com on Sun, 07/05/2006 - 09:08
هشتكنا وبشتكنا يا ريس
يا قارفنا ومطلع روحنا
يا بارك على كل طموحنا
خليتنا فى احلامنا نشيش
هشتكنا وبشتكنا يا ريس
فى سجونك سبعين مليون
وكلابك ميت شكل ولون
واللى يفكر يبقى نضيف
واللى يحاول يبقى كويس
يبقى اكيد إرهابى خطير
يتبهدل والـكـل يهيص
هشتكنا وبشتكنا يا ريس
وقالك ايه ..قالك آه
قالك شعب يحب بلاه
متبهدل من يوم رمسيس
وفى ايد الحكام بيبوس
وان واحد قالك هنثور
يبقى أكيد راجل مطيور
ويقولو سكران ومهيس
هشتكنا وبشتكنا يا ريس
وقالك ايه.. قالك اه
قالك دى بلدنا منهوبة
حتة بخمسة وخدلك طوبة
ولو عايز تشترى اهرامنا
ادفع اكتر يا ولداه
قالك ايه ..قالك اه
يا زعيمنا يا حاكمنا بعدلك
لو راجل تنزلى لوحدك
وميلاده ده هيبقى طهوره
وهخلى وشه فى قفاه
قالك ايه ..قالك اه
قالك دى بلدنا منصورة
خدنا اخر كاس فى الكورة
سيبك من اللى بيموتو يا عم
مالنا احنا ومال الغم
يا زعيمنا
يا كبيرنا
يا ريس
هشتكنا
وخلينا
نهيص
XML feed
full article | source
( categories: Egyptian Blogs | Other Languages )