Manal and Alaa's bit bucket free speech from the bletches

أيوه يا عم ما حد ساب الرابط ده فوق، هو تكرار الكلام مزاج؟

ده دليل على حقارة الجرنال و دي حاجة أنا مشكتش فيها لأي لحظة، مش شايف ازاي ده المفروض يخليني أراجع قناعتي بحرية التعبير.

أولا محدش بيقول الجرنال عنده حرية تعبير، الجرنال له محرر و المحرر هو اللي بيقرر ايه اللي يتنشر، و أغلب الجرايد بيقبى ليها توجه و بتنشر حاجات ماشية مع التوجه ده، يعني طبيعي الجرنال ينقي، هنا النقاوة لا علاقة لها بأي توجه سياسي و بالتالي حاجة تأكد أن فيه عنصرية من المحررين تجاه المسلمين (أو تشك على الأقل).

اللي بنقوله أن الدنمارك كبلد فيها حرية تعبير شبه مطلقة، يعني ممكن يتنشر فيها الكلام ده و غيره و الدولة ملهاش تدخل، لو عايز تثبتلي أن الدنمارك مفيهاش حرية تعبير هاتلي خبر بيتكلم عن قمع فكر معين بالدولة أو بالارهاب في الدنمارك، مش خبر عن مطبوعة بعينها رفضت تنشر.

هارش؟

ده غير أنك لو جبتلي دي هتبقى أثبتلي أن الدنمارك مفيهاش حرية تعبير مطلقة مش هتبقى أثبتلي أن حرية التعبير المطلقة غلط.

سيبك أنت، قريت بقى الخبر اللي بيقول أن كان فيه تحركين قانونيين كان ممكن مسلمي الدنمارك ياخدوهم و هما اللي طنشوا؟