Manal and Alaa's bit bucket

هوا بص يا سيدنا كلامك جميل والمقال دا حيفيد ناس ياما اولهم انا بس خطواتك الاولى انا معرفتش انفذ اي حاجه فيهم لانك زي ما انتا عارف مش انا اللي رافع الدروبال دا اخونا عزبي طيب الله ثراه فطبعا مش حعرف انفذ ولا خطوه لاني معندي ملفات الدروبال على الجهازه ولا حتى معايا الـftp يعني شكلنا حنتعلم من بعد الصفر بشويه ثوكرا ثوكرا ثوكرا http://malcolmix.blogspot.com/

تقصد ايه بازاي تغير التيمات؟ تعدل فيهم يعني؟ ولا تختار واحدة مختلفة؟

بص يا سيدي عشان تضيف تيمات جديدة (ترفعهم من على جهازك) انت محتاج تنقل دليل الملفات (أو المجلد) و تحته تحت الدليل اللي اسمه themes

يعني مثلا أنا نزلت تيمة اسمها box grey و عدلت فيها، هغير اسم الدليل بتاعها ل casata مثلا، و بعدين هرفع casata و كل محتوياته للسيرفر باستخدام ftp و أحط الحاجات تحت path_to_drupal/themes

و طبعا path_to_drupal مقصود بيها الدليل اللي فيه ملفات دروبال

مشكلة اللوجو دي لأن دروبال بيحتاج أنك تخلق دليل خاص لرفع الملفات، يتفرع من الدليل اللي فيه ملفات دروبال و يكون اسمه files و لازم كمان تتأكد أن السيرفر مسموحله يكتب في الدليل ده (غالبا معناها أنك باستخدام ftp تعدل في permissions و تسمح للكل بالكتابة في الدليل اياه)

موضوع التقسيم زي طريق الألف ميل كده، يبدأ الأول بخطوة و بعدين نشوف، أول خطوة هي تصنيف المحتوي (لأن الأقسام تعتمد على التصنيف أساسا)، و ده محتاج زيارة لadminister->categoriess و تخلق vocabulary جديد (و ده يعني مجموعة تصنيفات) و تأكد و انت بتعمل الvocabulary انك تضيف story لنوعيات المحتوى اللي مجموعة التصنيفات دي مختصة بيها، و بعدها تبدأ تضيف تصنيفاتك للvocabulary بأنك تعمل add term

بعد ما تخلص هتشوف فورم بيسألك على التصنيف كل ما تعمل محتوى جديد أو تحرر محتوى موجود مسبقا.

خلص أنت الخطوات دي زي الشاطر الأول و بعدين نبقى نشوف هطلع الحاجات على الصفحة الرئيسية ازاي.

و على فكرة بلوك upcoming events ده مش تصنيف ده بيجي مع وحدة أجندة الأحداث

أما اللينكات فدي بتضيفها من administer->menu و ان ملقيتش الرابط ده يبقى محتاج تزور الأول administer->modules و تفعل وحدة تحرير القوائم menu

و خليك فاكر لو عملت قائمة جديدة للروابط بتاعتك بدل من استخدام القوائم اللي موجودة مسبقا لازم تعدي على administer->blocks عشان تفعل البلوك بتاع القائمة و تحدد هيبان على اليمين ولا الشمال و ترتيبه هيبقى ايه.

فهمت حاجة؟ غالبا لأ أنا محتاج الأول أكتب مقال بيشرح مفاهيم دروبال الأساسية اللي زي block, node, vocabulary, term الخ، أوعدك هشتغل على المقال ده بكرة.

و بعدها يمكن أكتب مقال عن ازاي تركب وحدات و تيمات جديدة و بعدها نبقى نرجع لأسئلتك تاني.

>(على فكره الشرح اللي انت حاطه في شرح دروبال حاسس انه مالهوش علاقه بالنسخه اللي عندي تماما )

ما هو دي ميزة أنك تعتمد على خدمة مجهزة و مدعومة، دروبال عندنا جاي جاهز بحاجات كتير اضافية و اعدادات كتير جاهزة، بس أنت اللي جنيت على نفسك و قلت عايز أتعلم من الصفر.

في رأيي الصفر أسوأ نقطة الواحد يبدأ منها علامه لأنه بتوه في تفاصيل دقيقة مش مهمة لصلب الموضوع و خاضعة للتغيير و بتبقى محدود باللي عرفت تتعلمه بسرعة، أنا بفضل الواحد يبدأ من حاجة جاهزة و يفكها و يحاول يفهم اتجهزت كده ازاي و يركز في صلب الموضوع الأول (بس طبعا في ناس مبتتعلمش الا لو مجبر يتعلم و دول لازم يبدأوا من الصفر).