أسئلة متكررة

يا نصابين ازاي تدعوا أنكم عايزين ديمقراطية و حرية تعبير و بعدين تعملوا رقابة على التعليقات؟

المدونة مش مساحة لسيادتك تمارس فيها حرية التعبير، المدونة مساحة لمنال و علاء يمارسوا فيها حرية التعبير، لو عايز تمارس حرية التعبير بلا قيد أعمل لنفسك مدونة (و تقدر تعملها على عندنا).

لكن لا تتوقع ممارسة حرية التعبير على التعليقات عندنا، أحنا بننشر التعليقات اللي تعجبنا فقط.

طب ايه هي قواعد نشر التعليقات؟

في البداية كنا بنمنع تعليقات السخام فقط (يعني الاعلانات)، مع زيادة شهرة المدونة ظهرت كميات ضخمة من التعليقات اللي بتشتم و بس، أحنا معندناش مشكلة مع الشتيمة و الألفاظ القبيحة في أي تعليق بيعبر عن أفكار ما لكن لو التعليق فيه شتيمة بس هيتمسح.

بعدين لقينا في ناس بتستغل التعليقات للنشر كتاباتهم اللي ممكن ميكونش ليها أي علاقة بموضوع التدوينة، دي كمان بنمسحها.

و مؤخرا التعليقات اللي عبارة عن سطر واحد فقط لا آخر ولا جاب زادت جدا جدا جدا فبرضوا بقينا بنمسحها.

من الآخر مفيش قاعدة واضحة، بننشر التعليقات اللي نحس أنها أضافت حاجة للتدوينة أو للحوار و النقاش اللي داير حواليها.

لكن خد بالك أن تعليقات الغير مسجلين بتعدي على الرقابة أولا في حين المسجلين في الموقع تعليقاتهم بتنشر أولا و بعدين نعمل عليها رقابة.

Reply

The content of this field is kept private and will not be shown publicly.
  • You may link to images on this site using a special syntax
  • WikiText is converted to HTML (supported WikiText formatting will show in the long tip format).
  • You may write mixed Arabic and English freely, line direction will be computed automaticaly

More information about formatting options

Captcha
This question is used to make sure you are a human visitor and to prevent spam submissions.