Manal and Alaa's bit bucket

oh god, a lot of anger in these comments...I am a guy but I admit that sexual harrasement should be stopped but as for the looking issue it is very natural for a man to look at a sexy woman and check her ass ..that doesnot mean he'll ride her the next moment it just means that he likes what he sees and aroused (this is an instinct)....come on girls u love to feel attractive and sexy there is nothing wrong about a 10 seconds naughty look that will make u happy after all.......TO ALL SEXY GIRLS : WEAR PROPER CLOTHES NEXT TIME U GO OUT. EL MASRY AFFANDI

اسمحلي اختلف معاك. اصل المشكلة-في رأيي- مش ثقافة الخليج ولا في الدين الإسلامي. ده اسهل تفسير للتمييز ضد النساء لكنه مش السبب الحقيقي, او خلينا نقول مش هو السبب الوحيد للإضطهاد او العنف اللي بنحكي عنه.

النساء مضطهدين من قبل كدا بكتير, من اليوم الأسود اللي اقتصر فيه دور المرأة على إنتاج الأطفال اللي بدورهم بيتحولوا لأدوات لحماية ملكية الذكر وزيادتها ووسيلته في الحفاظ عليها لأجيال متعاقبة. اي من بداية ظهور ما يسمى ب"الملكية الخاصة". الموضوع كبير وانا زيك النهردة مش جاي على بالي اتفلسف ولا اقول كلام كبير. لكن انا بشوف ان الثقافة السايدة هي وليدة أوضاع اجتماعية واقتصادية ظالمة ومفترية على البشر بشكل عام والنساء بشكل خاص. صحيح الثقافة دي بقت قوية لدرجة انها استقلت عن مسبباتها التاريخية, لكن اصولها واضحة. والدين هنا هو مجرد أداه بتتغير وبتتشكل على حسب متطلبات أي مجتمع في لحظة بعينها. اقصد اقول ان مش المجتمعات الإسلامية وبس هي اللي بتضطهد النساء. يعني نبقى غلطانين لو فكرنا كدا.

دلوقت, في عصرنا ده, وبرغم كل مايشاع عن حرية المرأة في "اوروبا والبلاد المتحضرة"إلا ان العنف النفسي والجسدي ضد المرأة أمر شائع جداً هناك. وعادي جداً انك تشوف واحدة عنيها وارمة أو ايدها مكسورة لإن "الدكر" اللي متجوزاه ولا مصاحباه قرر يعمل راجل عليها. ده مايفرقش كتير عن وضع النساء عندنا بالمناسبة. يمكن مش ظاهر كفاية في الأفلام الأمريكاني اللي اكلت دماغنا, لكنه في جوهره, بيعكس نفس نظرة الشاب الروش اللي واقف على ناصية شارع شبرا عشان يقرف البنات ويتحرش بيهم لإنه شايف ان ده حقه. نظرة الذكر لنفسه, اعجابه الشديد بذكورته واللي بيقابلها استهانة وتعالي على النساء, مش وليد الدين الإسلامي وفقط. الكنيسة الكاثوليكية نفسها, في عصور سبقت, مارست عنف رهيب ضد المرأة. عنف لدرجة الحرق في الميادين العامة ووصف المتمردات من النساء بالساحرات.

في المجتمع الإستهلاكي, المرأة هي "سلعة", الإنسان هو سلعة. ولإن المرأة هي الحلقة الأضعف في دايرة الإستهلاك دي, بيكون اضطهادها أبشع. استخدام جسم المراة في الإعلانات هو اضطهاد, سيادة نموذج المرأة اللي شعرها اصفر وجسمها مش عارفة عامل ازاي هو كمان اضطهاد لجوهر انسانيتها لإن قيمتها هنا هي جمالها الظاهري مش اي شيء تاني, مفهوم الجمال نفسه, والسائد في العالم كله دلوقت مش في أي عصر قديم حتى, هو اضطهاد للمرأة. استخدام النساء في تجارة الجنس "العالمية", لما تشتغل المرأة نفس وظيفة الراجل وتاخد مرتب أقل, لما تضطر تشتغل المرأة في الأعمال اللي بيرفض يشتغلها الرجل واللي غالباً بتسبب امراض مستعصية تؤدي للموت في الكثير من الأحوال, ده كله اسمه اضطهاد. المعاكسة والتحرش في الشارع هو مجرد تعبير محلي عنه مش أكتر. لكن كل الظروف اللي حكيت عنها دلوقت, بتحصل في العالم كله, مش عندنا بس.

تابع اليمين الأمريكي الحاكم وموقفه من الحرية الجنسية بشكل عام وموقفة من المرأة بشكل خاص ومؤسسة الأسرة..الخ. هاتكتشف ان اضهاد المرأة مش خيمة سودا ودرة تقرفها أو راجل يتحرش بيها وبس.

وبالتالي -المحاضرة طولت شوية ودمها تقل بس معلش استحملني- هاتكتشف كمان, ان الإخوان اللي بتشتمهم دول مش اصل المشكلة. هم تعبير عنها مش أكتر. ولو ضربناهم بالنار, برضه المشكلة مش هاتتحل. يمكن حتى تتعقد اكتر.

هفففف.. ارتحت..

نرجع بقى لإبرة التريكو... مين قال الخازوق المغري احسن؟ :))))

This is a message from an underground cult leader. We cut off your dingdong using a zigzag scissor -lezoom el style we el sheyaka- and we make necklaces out of it with coloured beads. In case it is just a pencil -like most of the cases of preverts in Egypt- we just make a collection of them -this inspiration came from Rasputin 3aleeh el salam-. Bottomline, watch out you bastards and dont keep your eyes and hands on where they shouldn't be.

• Angry Shiva*

اهو نبيل لوقا بباوي ده تحديداً محتاج كتيبة كاملة من اللي بتحكي عنها ياصاحب الأشجار (بس مش لابسين زي الحلوة اللي في الصورة وإلا هاتلاقي الرجالة اللي بيكلمونا عن "الإحترام" واقفين بالطوابير عشان ياخدوا خبطة منهم). عموماً, المسيحيين اللي ما أسلموش في مصر هم اللي دفعوا "الجزية", يعني اللي كان عندهم شوية فلوس. وبما ان اصولهم الطبقية تمت للبرجوازية -بشكل أو بآخر- فأنا هنا مضطرة أتفق معاك ومع (حبيبي وابن... حبيبي) اللواء العظيم لوقا بيباوي الهي يبشبش الطوبة اللي جوا راسه النهردة قبل بكرا... قادر ياكريم :))

نكنييف الحنون - مصر http://nakneef.blogspot.com

ابرة التريكو هيكون لها اثار جانبية غير الوجع، وبدون فلسفة ووجع دماغ انا شايف ان ده مرض جالنا من بلاد مثنى وثلاث ورباع وواح واح حى على النكاح! ثقافتهم الزبالة قلبت البنات لكوم لحم للذة والمزه وعلشان نفوسهم وسخه وعقولهم اوسخ خلو بناتنا بقت عامله زى كياس الزبالة المتحركة مرة بحجاب ومرة بنقاب ومره بهباب! الا بالمناسبه هى موامس الجنة اللى بيسموها الحور العين مش محجبات ودايرين على حل شعرهم فى الجنه ليه؟ يا سلام لو نرجع زى زمان بنى ادميين مش اخوان

معاك حق يا اسمك ايه في توصيفك للبنات بلأسفلت والذكور بالسواقين. بغض عن النظر عن تشبيهك البليغ -حمدي- اللي بيثبت ان المشكلة في الطريقة اللي بيشوفوا بيها الرجالة نفسهم والآخر اللي هو النساء, إلا انك مش واخد بالك ان مفيش تعريف ثابت لكلمة "محترم"!!

يعني واحد بيشوف ان اللبس المحترم هو الحجاب, واحد تاني بيشوف انه الحجاب الشرعي, وثالث بيشوف اللبس المحترم هو النقاب, ورابع بيشوف ان احترام المرأة لنفسها هو انها ماتشوفش الشارع من أصله!! بناءاً على كلام حضرتك -الثمين جداً- فعلى النساء انهم يعملوا استفتاء يومي مابين 70 مليون "دكر" عشان الواحدة منهم تعرف هي المفروض تلبس ايه قبل ماتنزل الشغل الصبح!! اقول كل يوم, لإن الناس آراءهم في الحياة بتتغير, مزاجهم كمان بيتغير. وعلى النساء, بما انهم مواطنين من الدرجة المليون -طبعاً انت حتى مش شايفهم مواطنين, لإنهم بالنسبة لك اسفلت مكسر- انهم يحددوا اولوياتهم في الحياة بناءاً على آراء الذكور العظام اللي من حقهم يقرروا -بناءاً على مزاج سعادتهم- إذا كانت البنت المارة أمامهم محترمة أو لأ!!

يعني مش بس تعريف الإحترام عندك سطحي وقاصر, لأ كمان مش منطقي.

طب عندي سؤال, إذا كان الحل اللي بتتبعه أغلب البنات المسلمات هو انهم يتحجبوا ويستخبوا جوا الهدوم عشان يستعطفوا نظرة احترام من الذكور اللي ربنا بيبليهم بيهم في الطريق-وبرضه مابيحصلش. يبقى البنات المسحيين يعملوا ايه عشان يبانوا محترمين؟؟ يرموا نفسهم في البحر بقى ولا يتحجبوا هم كمان ولا يطقوا يموتوا ونرتاح منهم؟؟ النساء المسيحيات اللي سنهم تعدى الخمسين وشعرهم ابيض وبيتشتموا بأمهاتهم في الشارع لإنهم مش محجبات يعملوا هم كمان ايه؟؟ المشكلة فيهم هم كمان ولا في اللي حاسس انه عنده الحق لمجرد انه ذكر انه يلمسهم ويشتمهم ويعلق عليهم حتى لو بعنيه اللي عاوزة ابرتين تريكو هم كمان؟؟

معاك حق ياعلاء, انا شخصياً مع العقوبات الإنتقامية والعنيفة للنوع اللي اللي بتوصفه من الذكور. بس هم مش عاوزين ابرة تريكو ولا دبوس, هم عاوزين جزار يكون أعمش وفي ايده سكينة تلمة. وانت عارف بقى الباقي :)))

Hails to the Power of the KAMASHAAAAAAAAAAAAAAAAAAAAAAAAAAA!!

جميل جدا.. في الحقيقة التكتيكات اللي أنا استعملتها قبل كدة ماوصلتش للمرحلة دي.. يعني اللي كان يمد ايده في مظاهرة ما كنت أمسكها وأشدها بدل ما أضربها وأجري.. ومرة جه واحد في الشارع فاتح سوستة البنطلون وعايز يفتح باب عربيتي وأنا جواها ففتحت الباب أكتر وخبطه بيه.. في الحالتين المتحرشين بتصيبهم صدمه وبيجروا ويتراجعوا لكن طبعا موقفي معاهم مش ردع كافي أنهم مايعملوش ده في أي بنت تانية

أنا فكرت في موضوع الاخصاء ده قبل كدة ومش معترضه على المبدأ خالص.. بس هو بالنسبة لي تنفيذه عمليا صعب خصوصا وأن التدوينة بتاعتك والافكار المطروحة بتشتبك مع التحرش اللحظي في الشارع.. يعني قفش واجري - اخصي واجري.. مش مثلا التحرش في المكتب من مدير أو من أحد الأقارب أو ما شابه اللي بيكون ليها ظروف أعقد

التجارب القليلة جدا اللي أنا سمعتها لسيدات قاموا باخصاء رجال كانت أثناء ممارسة الجنس وقامت السيده بعمل ذلك بيديها بدون استخدام أي اسلحة أو ادوات برجوازية.. وكان ذلك في الطبقات الفقيرة وغالبا لأن الزوج تزوج عليها أو خانها

أعتقد أن الاخصاء في الشارع مش سهل من حيث تحديد واصابة الهدف ومعظم البنات مابيبقوش عارفين مكان الخصية بالظبط تحت البنطلون.. بعكس الرجال الذين يستطيعون تحديد أهدافهم في جسد المرأة بسهولة ونذكر هنا فتاة العتبة اللي فقدت عذريتها على سلم الأوتوبيس في الزحمة.. مهم كمان أن البنات اللي هينضموا لتنظيم المرأة الجامدة يكون عندهم شجاعة واستعداد للتضحية اذا مانتصروش في المعركة من أول مرة

فكرة دبوس الرولو ممتاز.. سهل وحاد ووجوده في الشنطه شيء طبيعي.. عكس ابرة التريكو.. وأتمنى أن الدورة التدريبية تثبت فعاليته

دلوقت أحب أسجل اسمي وياريت مواعيد التدريب تبقى بعد الساعة تمانية مساءا ومش في الويك اند.. كمان يا ريت تبقى دورة مكثفة

نورا يونس

انا مش فاهم يا علاء انتم كلكم اهتميتوا اوى بالموضوع انت و الشله بتاعتك اللى مستخسر ادعيلهم ان ربنا يهديهم

مفيش مانع ان البنت تبقى محترمه و تلبس كويس يعنى نخلى الطرق نضيفه احسن و لا نقول المفروض السواق يكون بيعرف يسوق كويس و نخلى الطرق زى الزفت

ممكن تقرا و تقيم اللى انت كتبته من ساعه ما طلعت من الإعتقال

و اضح إنك اتكسرت خلاص و مش قادر تتكلم فى اى موضوع كويس او محترم

ارجوك كمل طريقك اللى كنت بدأته و ابعد عن الكلام اللى مش جايب همه فى البلد بجد حاول تقعد و تقرا مواضيعك و تعليقاتك من شهر و نص و لو مفيش فايده قول انا خلاص بقيت مش نافع اهتم بشىء ليه قيمه

و ارجوك متزعلش من كلامى

سلام و ربنا معاك

انتوا بتضحكوا وبتتريقوا على التجارب اللي من النوع ده. احب اقوللكم انها تجارب مش مضحكة خالص. مهينة لأقصى درجة ممكن تتخيلوها. ومع ذلك, فإقتراحكم بإبر التريكو والدبابيس إقتراحات فاشلة, فاشلة فاشلة!! ببساطة, لإنك ساعات بتجيلك الضربة ومابتبقاش عارف هي جاية منين بالزبط. كل اللي حواليك -لامؤاخذة- هيجانين ولازقين فيك بحجة الزحمة!! في المظاهرة الأخيرة في ميدان التحرير, كانوا العساكر بيتسلوا علينا. بيلعبوا بجد وبيضحكوا ومبسوطين أوي. يعني ماكانش ناقص غير انه بعد كل -اسفة في الكلمة- "بعبوص", يرفعوا صوابعهم واحنا نخمن مين اللي عملها المرادي!! حاجة بجد محبطة وتقرف وبتحسسك انك مجرد موضوع جديد لوساختهم.

في كمان نوع تاني من التحرشات, التحرش مش ان واحد يمد ايده وبس. التحرش, كمان, ان واحد يقلعك كل هدومك بعنيه وانت واقف مش قادر حتى تفتح بقك بكلمة واحدة. ولو اتكلمت, هاتلاقي الناس بتتفرج عليك وتبقى انت موضوع الإتهام لإنك مش حاطط إيشارب أو لإنك لابس بنطلون. وده مايمنعش ان حتى البنات المحجبات بيتعرضوا للنوع ده من التحرش لإن الفكرة مش في الهدوم ولا في الأنثى نفسها ولا مدى جمالها أو "إثارتها" لغرائزهم زي مابيبرر البعض. المشكلة في دمغة لامؤاخذة "الذكور".

المأساوي في الموضوع, هو ان احساس الإهانة الناتج عن التحرش الجنسي, يشبه كتير عن شعور الإهانة الناتج من انك تكلم شخص ما, فايودي وشه الناحية التانية ويقول "استغفر الله العظيم"!! كتير أروح اشتري حاجة والراجل مايرضاش يبيعلي. يودي وشه الناحية التانية, يرسم علامات القرف على وشه العكر, ويقول بعنف "مفيش"!!

انت في كل الأحوال دودة قذرة مش أكتر. واحد عاوز يخطف منها أي حاجة ويجري, والتاني قرفان يبصلها.

مشكلة إبر التريكو هي أنها طبقية جدا ومعدومة الجذور في مجتمعنا المصري، بالإضافة إلى أنها رمز للبنت مكسورة الجناح. الحل المفروض يكون أكثر جذرية ويسمح بإشراك فئات الشعب المطحونة في الريف، ويساهم في تحرير عقل المرأة.

الفاس: الفاس أداة إنتاجية، واستعمالها في غرض تحرري يضفي عليه قيمة أكبر، ويغير المفهوم الذكوري عن الحرت إلى الأبد. أنا واثق أنه سيلاقي نجاحا أكبر في الريف. نترك إبر التريكو لفتيات المدينة إن رغبن. وأدعو روح الشهيد مالك مصطفى لتشكيل قوة من الناشطات يجبن شوارع المدن في دوريات. --صاحب الأشجار

بيني وبينك انا بعد ما قريت الموضوع وبعد ما قريت اقترحات البنات بضاني وجعتني وبقيت قاعد مخبيهم فقلت لنفسي بمجرد التخيل اتوجعت امال الاحساس بالطبيعي هيبقي عامل ازاي...دي فكرة مؤثرة فعلا

واحدة صاحبتي "محجبة و من غير ميك أب " جربت فعلا فكرة الدبوس بتاع الطرحة و منفعش و النطع اللي كان جنبها مبطلش, أنا مع فكرة التريكو , يللا عشان يتلموا بدل ما هما قرفينا في عيشتنا

أنا بس عاوز أوضح أن كل الاقتراحات اللي تقدم بيها الرفيقات تخلت عن الروح الدارونية الأصيلة و بالتالي افترضت أن ديل الكلب ابن الكلب ينفع ينعدل، و الحقيقة أنه ديل الكلب ابن الكلب مينفعش ينعدل خالص.

فكرتي مرتبطة بحرمان المتحرش من التكاثر، مش مرتبطة فقط بالخوف أو التدريب البافلوفي أو اعطائهم درس و ما شابع، لازم اخصاء كامل لأن الثابت الوحيد في حياة الكائنات (و خصوصا الثديات منها) هو غريزة البقاء.

يعني اقتراحاتكم معناها أنكم بتخيروا الفسل من دول بأنوا يا يتلم يا يتوجع، ده مش كفاية المطلوب أنك تخيره ما بين أنه يتلم و أنه ينقرض.

لاحظي أن مش مطلوب التعاطف ولا التفاهم و مش مطلوب الموضوع يكون مقبول مجتمعيا، و مش مطلوب كل الستات تشارك، زي كده ما العصيان المدني بتاع عبحليم قنديل محتاج بعض مئات من الألوف الخصيان المدني محتاج يجي ميت ألف دكر (يعني كفاية يجي عشر ألاف مجاهدة).

و المجد للتريكوه.

على فكرة يا جين لازم تقرأي القصة بتاعت أستريكس و السلاح السري، اللي فيها الرومان بيبعتوا بنات طاليان مزز يحاربوا الجاليين عشان عارفين أن شيمهم متسمحش بضرب البنات و في الآخر بيغلبوا السلاح السري ببيع أحدث منتجات الموضوة اللوتيتية للكتيبة الخاصة، حاجة كده مطرقعة و تهريج على النسوية و الخنازير الشوفينيين و اللي في النص.

مافيش فايدة يا سيدي

بيقولك المرأة إل تثير راجل تكافأ بالتحرش فنبقى دربناها.

زي ما أنت بتقول يا علاء، المنطق مالهوش لازمة هنا

الكافور وليس إلا الكافور، على مية الشرب زي الكلور كدة وده مش هيسبب أي أذى لإنه هيوصل الغريزة التي يشكو الرجال من عدم قدرتهم على السيطرة عليها إلى مستواها الصحيح فيتحول الراجل المصري إلى مشابه لنظيره الأوروبي أو الصيني أو التركي إل هما أحسن وأرخص والتقفيل بتاعهم أفضل بكتير، وأحسن كمان نظرًا للفوائد الأخرى التي تعود من زيت الكافور بحكم كونه زيت طبيعي (مضاد طبيعي للالتهاب، مكافح للتقلصات وغيرها)

وعزيزتي ربة الأسرة، لحد ما الحكومة تستجيب للمطلب ده أضيفي زيت الكافور المفيد جدًا على طعامك اللذيذ، منها هتستريحي من أبو العيال شوية ومنها الواد حمادة يلم نفسه حبة ويركز في المذاكرة يمكن يا ختى يفلح والدروس الخصوصية تجيب همها بدل ما هو داير: "لأ وأنا مالي ما دي بتتقصع، لأ وأنا مالي ما دي كاشفة شعرها، لأ وأنا مالي ما دي فاتحة الزرار الأولاني في القميص، لأ وأنا مالي ما هم إل قالولي"

بس لحد ما زيت الكافور ينتشر ويتوغل ممكن إبر التريكو

بس ياريت يا بنات الإبرة تستعمل مرة واحدة بس وبعدين تتطهر في الأوتوكلاف، مش بالكحول ... وتبقى عملية نضيفة مية في المية

وممكن نأسس الحركة النسائية من أجل التغيير ... كافور

أول مطلب للجمهور ... مية شرب بالكافور

Well well well... Allow me to share my creativity here... I had this habit since I was thirteen years of age... I am not a veiled person but I used to buy those pins -ily homa el 20 be geneeh wala 7aga betoo3 el moo7agabat- and I used to distribute them in all my bags, school bags, mini tiny bags for partying, back packs, normal hand bags...etc. Now, there is this necessity that is called the "underground metro". There you will find men suddenly becoming all creative about how to harass a 14 year old girl in school uniform... or a t-shirtNjeans 20 year old girl on her way to university. All I did was use that tiny pin -that I am sure was made for veil purposes only, note the irony- to give the man violating my privacy a very painful itch in a private part. The fun part is they never screamed, never complained, never objected... they just stopped... and I continued my metro journey gazing out of the window like the innocent girl you were describing... hehehe

لا لا لااااااااا ارفض و في نفس الوقت اؤيد الفكره

ارفض ابر التريكو لانها زي ما قلت لمنال مهما كانت رفيعه مش بتعمل اي اذي ولا حاجه بالعكس هتسبب لينا احراج وهيقول هيا اللي بتتحرش بيا بالابره وعامله نفسها مؤدبه ولا حتي ابره الكروشيه تنفع سنها ناعم كده وملوش لازمه

يبقي الحل هوا الدبابيس

ونسميها دبابيس من اجل التفعيص

ومش اي نوع دبابيس دبابيس كبيييييره من النوع اللي بيجيب دم في نفس اللحظه

او الدبابيس اللي بنستخدمها في الرولو يعني يبقي ليها اكتر من فايده بليل نحطها في الرولو والصبح نحارب بيها الاعداااااااااء

يا سلام لو البانر يبقي علي شكل دبوووووووووووس كبير

طب ما هو برضه زى ما انت عاوز تربى الرجالة زي ما دربت كلب بافلوف ده على أن التحرش الجنسي بجميع أنواعه يكافئ العقم .. فبرضه ربى البنات على ان المحزق و الملزق بجميع انواعه يكافىء التحرش و الذى منه !

صحيح الراجل بيمشى ورا ( قضيبه ) لكن برضه البنت بتمشى ورا ( مؤخرتها ) !

و زى ما بتدعو ان الراجل اللى بيتحرش يتخصى طب ما برضه تتطالب الحريم انها تتلم !

خلينت نكون منصفين و نشوف الموضوع من الجانب التانى بدل موضه التحيز الاعمى لكل ما هو حريمى !

و عاش كفاح المراة السافله .. عاش كفاح المتهايجين !

Hi Alaa & Manal ,

Well , first of all let tell u that I find your site very interesting and also I admire your courage in saying things as they are..

As for the sexual harassement of egyptian males towords femeles , it is indeed a plague in our society today and as mentioned in your post , a female no matter how dressed she is , she is now considered as a sexual object in the eyes of egyptians males , no matter how educated they are and how covered this female is.

I think that the whole problem , comes from their mothers themselves who lived as sexual objects in this society, accepting the predominant role of males or call it male suprimacy... And this comes from ignorance and mind closeness that plagued us with all those egyptians working in the gulf who brought back with them this Wahabi system in Egypt in the 70's .

For me , as I don't beleive in veil , I resolve this problem by being very harsh and on guard from such behavior and I don't feel ashamed to tell the male offender right in his face to buzz off or to get lost and also I say that in front of everybody...and it works.

Well , I actually feel very said towords how things are now in this country ...Ignorance , self pity ( always blaming someone or something else for our problems), superficial thinking ,this religeous hypocrisy , intolerence, and so one ...

Carry on your good work. Cheers!!!

الجناح العسكري لحركة 30 فبراير مستعد لتقديم كل الخدمات التدريبيه والخبرات القتاليه المستخلصه من تجارب سابقه وسنبدأ في استقبال طلبات الراغبات في التسجيل في فصل التريكو الاول والاوليه للحجز الله الوطن العمرانيه

http://MaLek-x.net

LOL Alaa. You are funny. Brilliant idea.

ومع أنى من العجائز لكن لسه بأتعاكس برضه وعشان كده إبر التريكو دى فكرة هايلة مارلين

انا مش عارفة انت بتتكلم جد ولا بتهزر يا علاء , بس عموما فكرة مش وحشة ان كل انسان يحاول يطبق النظام بنفسه بعد حالة انعدام الانضباط السائدة و التي تجعل من كل حيوان من دول يتحرش بأنثى (من جميع الأعمار و الأشكال و طريقة اللبس , مافيش اي فرق و ماتصدقش اي كلام تاني عشان دي مشكلة عامة لم اجد انثى لا تعاني منها) ليس لأنها اثارته كما يدعي لكن لأنه عارف و متأكد ان مافيش عقاب على تصرفه سواء ممن يفترض بهم حفظ النظام او حتى من المجتمع ولو حتى نظرة لوم او احتقار من مجتمعه ......

لكن لو اتكلمنا جد , تطبيق العقوبة بنفسك مش سهل عمليا بالبساطة اللي بتتكلم بيها دي , انا فضلت حوالي 7 سنين و زيادة في شنطتي سلف ديفنس و عمري ما استخدمته , و لا حتى على سبيل التهديد , مش عشان كل الرجال في الشوارع اللي بامشي فيها محترمين بلا استثناء , لكن عشان فعلا ماقدرتش , رغم ان السلف ديفنس على عكس فكرتك يعتبر عقوبة مؤقتة لكن بردو ماعرفتش , و بطلت اشيله خالص , http://bluerose.egyblogs.com/

سمعت فعلا عن استخدام الدبابيس كأسلحة ردع بس إبر تريكو ..جديدة

على رأيك

العين بالعين والرمانة بالبيضة والبادى مستقبله أظلم

wallahy ana 2olt nafs el 7agah fe post 3andy. Bas 2olt el banat teddy el wad shaloot fe kees el testes a7san. This way momken yet3lem men ghaltetoh, badal man daya3 mostaqballoh marrah wa7dah kedah.

بص يا علاء

المعاكسة حاجة وحشة و عيب طبعا...

بس

أصلو يعني.. بصرحة يعني

في بنات حلوة قوي... طبعا ما باقولش الواحد يعاكس.. بس يبقى فيه قانون للبص .. يحوي في طياته احترام متبادل ما بين الطرفين

فتبقى البنت تبص و الولد يبص... و ابرة التريكو هي الفيصل لمن يتجاوز و بالنسبة للولد ممكن يشيل مطوة

و عاش كفاح المرأة الجامدة