Manal and Alaa's bit bucket free speech from the bletches

مش فاهم يعني فيه صور من قصة مصورة و رابط لمقال في ويكيبيديا عنها و القصة فيها عفاريت و بساط طائر و أفشخنات أكيد مش محتاج بعد ده كله أوضح أن القصة خيالية. اللي انبضن انبضن و هو فاهم أن القصة خيالية.

لكن اللي كتب القصة قرر أنه يستخدم مكان و شخص تاريخي لسبب بالتالي أني أقول أي تشابه غير مقصود يبقى استعباط التشابه مقصود و واضح و مباشر برضه.

ممكن بلاش نصائح عمال على بطال؟ مش ممكن كل يومين هنتناقش في موضوع ميتين أم الشتيمة، خلاص كل الكلام اللي ممكن يتقال في الموضوع ده اتقال و أديكم عرفتم النظام هنا و اللي مش عاجبه يا يسكت يا يبطل يزورنا و خلاص.

أنا اعتبرت سؤال صايم ولا لأ قمة في الصفاقة و الغتاتة و رديت الرد اللي برده على كل فسل بيسألهولي، عارف أنه سؤال دارج في مصر بما أني برد الرد ده مئات المرات كل سنة مش عارف يفرق في ايه أنه سؤال دارج، بالعكس سبب أدعي أني ألوش في دين أم اللي بيسأله.

و بعدين أنت ليه مفترض أن الرد الحمد لله زي كل سنة؟ مش يمكن غيرت عن السنة اللي فاتت؟ أو يمكن مخنوق من ربنا اليومين دول و مش شايف أني مفروض أحمده؟

و بعدين يعني ايه ايه الداعي للفيلم ده؟ كلفني ايه الفيلم ده؟ ايه اللي أنا خسرته و اللي يخلي أحسنلي أني أعمل غير كده؟ أنا مبسوط كده يا أخي، ممكن تخليك في نفسك و تبطل تنحشر في اللي ملكش فيه؟

أما ليه بننشر الشتيمة لنفس الأسباب اللي بننشر عشانها الخراء اللي أنت كاتبه ده أشمعنى أنت يعني؟

يا ريت تبطل يبقى عندك أمل فينا. بقية مصر كفاية عليك.