Manal and Alaa's bit bucket free speech from the bletches

أنا أصلا متكلمتش عن حرية التعبير خالص، و مركز على باقي المظالم.

المقلق في الأمر أن الناس مش قادرة تفرق ما بين محاكمته على ما فعل لو كان فعل حاجة تستاهل و ما بين اللي بيحصل دلوقتي.

ده أولا، ثانيا مش فاهم موضوع محاكمته على ما فعل ده في دماغ "المسلمين" فايدته ايه بالظبط، فيه ناس رأيهم من رأيه بالألاف و بيكتبوا و ينشروا في ألاف المنابر المختلفة و أغلبهم خارج سيطرة القضاء و الأمن المصري تماما، يبقى استفدنا ايه؟

و بعدين ايه الضرر اللي مسببه عبد الكريم بالظبط؟ أهانك؟ طيب ايه عقوبة الاهانة في ٍرأيك مش مفروض العقوبة تكون متناسبة مع الجريمة؟