النجوم بتفضل دروبال

Submitted by alaa on Thu, 09/02/2006 - 10:21.

اليومين اللي فاتوا نقلنا مجموعة من فطاحل (حلوة فطاحل دي) التدوين المصري من blogger/blogspot لدروبال و استضفناهم على سيرفر manalaa.net.

و النهاردة نقلنا مدونة مالك بس دي عند عزبي مش عندنا العنوان الجديد للمدونة http://malek-x.net

أغلب المدونات المصرية لسه بتستخدم خدمة blogger و للأسف برنامج blogger ضعيف جدا و ينقصه امكانيات أساسية لأي مدونة (أبسطها امكانية تصنيف التدوينات)، للأسف كمان المدونين الجدد أغلبهم بيسجل على blogger برضه.

لو بتفكر تبدأ مدونة جديدة أحسنلك تروح لخدمة مبنية على نظام ادارة محتوى حر/مفتوح المصدر و امكنياته متقدمة. برنامج Wordpress برنامج بسيط جدا و استخدامه يمكن أسهل من blogger و مع ذلك امكانياته أقوى بكتير، و في مكانين بيقدموا خدمة استافة مدونات wordpress مجانا

أو ممكن تنقل عندنا على manalaa.net زي الفطاحل اللي فوق دول و تستخدم Drupal، و ده من أحسن نظم ادارة المحتوى، دروبال مناسب جدا للمدونات لكن امكانياته غير محدودة و بيستخدم لعمل أي نوع من المواقع. لو عايز حاجة أزيد شوية من مجرد مدونة، أو عايز تفتح لنفسك مجال واسع من الامكانيات اللي ممكن تحتاجها في المستقبل يبقى مفيش أحسن من دروبال.

أحنا بنستضيف المدونات المصرية و المواقع المصرية الغير هادفة للربح مجانا و بنحاول نبني خدمة كويسة و بنحاول نبسطها و نسهلها خالص (و اذا كان بيسو بتاع ريد مور عرف يستخدمها يبقى لا يمكن تستعصى عليك)، دروبال مش ببساطة و سهولة wordpress بس يستاهل المجهود الزيادة (المجهود الزيادة في الأول بس، العمليات اليومية العادية اللي زي نشر محتوى جديد بنفس درجة البساطة في دروبال).

مدونات دروبال على manalaa.net

مدونات مصرية بتستخدم drupal

مواقع مصرية بتستخدم drupal

روابط لمواقع drupal

( categories: drupal & manalaa.net )
Submitted by Ahmed Hashim on Fri, 17/02/2006 - 20:14.

Well, First, Thank you Alaa for your support. I got a blog from Alaa hashim.manalaa.net i know that i am not using it a lot but this is because time limitation. Alaa support me too while i am developing my EGJUG. I have been using drupal for about 1 year now. I think it is wonder thing to do with.

Second I'll recommend all people to use Drupal because it is very powerful. Drupal is do more than you can imagine if you are looking for a personal blog. If you want to have a community like Eglug or Egjug it is the right choice BUT, "But is important here" you should know how to customize it and administrate it. Eglug doesn't have any problem with drupal because Alaa & MSameer is doing a good job with Drupal and PHP but in Egjug we have many problems. Ikhnaton offers us the help to do many things in Drupal with php. I hope that there will be some kind of technical support for Drupal in Egypt. Drupal website ,forums & IRC can give 10% support in my opinion.
I think Drupal support will be for money soon.
If any one want to help in Drupal it will be fine.

thank you and have a nice Drupal

Regards,

Submitted by sph1nx (not verified) on Sun, 12/02/2006 - 15:23.

بقولك ياعلاء بالنسبة للثيميز على الدروبال علشان اغيرها باحتاج اف تي بي اكسيسلا زي نظام ال invision power board بعمل لوود لملف اكس ام ال و بالنسبالك بتدي اليوزرس اكسيس ولا لأ

حاجة تانية ليه ماتحاولش تقسيم المدونات في المجمع زي نظام ايجي بلوججر على اساس نوعها يعني سياسية شخصية

اخر حاجة انت برضه ماردتش عليه هل ممكن اربط ال بي اتش بي نوك بالمجمع عن طريق

rss

thanks

Submitted by alaa on Sun, 12/02/2006 - 15:54.

التيمة زي ما قلت هتغيرها عن طريق تعديل ملف css و ده من جوه النظام نفسه و من غير ftp access

موضوع تقسيم المدونات ده زي قلته لأن المدونين عاملين زي معلقى الكورة بيتكلموا في كل حاجة، الاصدار الجاي من المجمع هيبقى فيه امكانية أن القراء يشاركوا في تصنيف التدوينات بأسلوب التصنيف الشعبي بس أنت ادعيلي يكون لينا عمر

معنديش فكرة php nuke فيه rss ولا لأ بس غالبا فيه، اسمع كلامي و بلاشه.

و أسف أني متأخر على الناس اللي عايزه تنقل، أنا بجرب نظام جديد للنقل أحسن شوية استحملوني يومين كده ولا حاجة.

Submitted by ahmad (not verified) on Sun, 12/02/2006 - 14:22.

أنا يا عم علاء يا دوب باعرف أكتب اسمي،ماليش أي سابق معرفة بالدروبال ولا دياولو، فررت أنزل وورد برس، لقيتة زب فايل مليان حاجات غريبة، هو الواحد يعمل إيه عشان يفتتح بلوج محترم، من غير ما يضيع عمره في فهم العقبات التكتنولوجية دي؟

و إزاي أحول لونكس؟

و انا مع ان الواحد ما يعملش هوست عندكم.. مش عشان سحن الواحات- لإنه إتهد من زمااان - لكن عشان المباحث، و ما حدش ضامن عمره، بعض الشر عليكم .

Submitted by sph1nx (not verified) on Sun, 12/02/2006 - 18:34.

ياعم احمد معتقل الواحات اللي بقول عليه مبني تحت ارض السجن اللي اتهد ;)

بالنسبة للورد بريس اي سكربت بييجي معاها ملف ريد مي بيبقى فيه تعمل ايه بالظبط

بالنسبة لموضوع الهوست بالأضافة للمواقع بتاعة علاء ممكن تجرب الموقع ده http://weblogs.us/

بيديك 2 جيجا سبيس للورد بريس هوستنج يعني دلع نفسك وعلى مااذكر موقع تدوين كان فيه شرح للورد بريس

peace

Submitted by alaa on Sun, 12/02/2006 - 16:01.

يعني و هما باقي المدونين كان ليهم سابق معرفة بدروبال؟ اسألهم كده الموضوع صعب و لا لأ و لو صعب قد ايه.

وورد بريس و دروبال مش بيشتغلوا على جهاز عادي دول بيشتغلوا على سيرفر، يعني عشان تشغل وورد بريس لازم تحول جهازك سيرفر و دي شغلانة طويلة، اللي عايز يفتح بلوج محترم من غير ما يتعلم الكلام ده كله يشوف حد بيقدم خدمة استضافة مدونات زي عندنا و زي المكانين اللي بيقدموا wordpress اللي أنا كتبت عليهم فوق.

جنو/لينوكس اسأل عليه عند http://www.eglug.org مش هنا

متخافش من موضوع المباحث، أنا عامل حسابي و فيه ناس موثوق فيها معاها access عشان لو حصل حاجة بعد الشر يعني، و عموما أحنا ناس غلابة و مبنعملش حاجة تستدعي المباحث، الواحد عرضة لأن تطسه عربية أكتر مما هو عرضة لخطر المباحث.

Submitted by Ximo (not verified) on Sat, 11/02/2006 - 12:57.

Before moving to drupal based host or wordpress, is a reliable script or program that can backup my blogspot content and smoothly convert it to target platform? What about the pictures hosted on blog spot? Would it automatically save them and then re assign the links on its own if such tool exists? Blogspot is very slow in many ways and kinda boring.

Submitted by alaa on Sat, 11/02/2006 - 16:54.

the only way to backup blogspot is to republish your blog on a seperate ftp sever. if you thought blogspot was slow let's see how you'll react when you try to republish on ftp, slowest thing you could ever do.

but I assume the blogspot admins are taking their own backups and things are safe, the migration scripts do not touch the content, they only change configs and the template and these can easily be backed up.

wordpress version 2.0 has an automated tool to migrate content, I'm working on automating my steps for drupal but at the moment I do them manually.

pictures are a problem, the scripts don't touch them and blogspot servers don't deliver pictures if the referrer is not a blogspot server (which means the moment you migrate the images will not show up), those who hosted their pics on other services like flickr will not need to do anything.

Submitted by Anonymous (not verified) on Fri, 10/02/2006 - 14:25.

دي مؤامرة شريرة من علاء لفرض أفكاره الهدامة وأيديولوجيته اليسارية بتاعة المحتوى المفتوح على عالم التدوين.

احترسوا يا مدونين.

ايه اللي مدايقكم في بلوجسبوت؟

عشان كام خاصية عبيطة؟

هتنقلوا ليه؟

Submitted by alaa on Fri, 10/02/2006 - 15:17.

لا مؤامرة المحتوى المفتوح لسه ما شوية عليها، دي مؤامرة البرمجيات الحرة.

أكبر مشكلة في بلوجسبوت هي عدم امكانية تصنيف التدوينات، لاحظ أن عدد المدونات بيكبر و الجمع بقى بيتحرك بسرعة جدا، لو كل حد بيصنف نقدر نتفرج على التدوينات بتصنيفها و نسهل على الناس الدنيا شوية.

لكن اللي محتاج التصنيف و بس مش محتاج دروبال و أسهله يستخدم ووردبريس، الفكرة في دروبال أنك تفتح لنفسك الطريق لامكانيات أكتر يمكن تحتاج جزء منها في المستقبل.

بص كده على لسته الفرص المتاحة مع دروبال

Submitted by رامي on Fri, 10/02/2006 - 01:20.

أيّها المدوِّنون.. احذروا المؤامرة التنينيّة لاحتكار المدوّنات المصريّة.. طريقة معروفة لبسط النفوذ،، لكننا لن نخضع لهذه المخططات..

أنا على فكرة برضه حجزت مكاني في المؤامرة بس مش فاضي أعزل

R at manalaa

Submitted by sph1nx (not verified) on Thu, 09/02/2006 - 22:34.

طيب ماشي ايه الخطوات اللي اعملها علشان انقل البلوج عندكوا؟

المشكلة ان في كابوس بيطاردني دايما انك امن الدولة هيستضيفوك عندهم في معتقل الواحات و مفيش حد هيدفع الهوست لغاية مالشركة تمسح الأكونت بتاعك و يضيع كل اللي ان كتبته

سؤال تاني مالوش علاقة بأي حاجة هل في برنامج احطوا عندي يحولي الكمبيوتر لسيرفر بي اتش بي و اباتشي بدل العملية البضان بتاعة تركيب ال بي اتش بي لوخدها و ال mysql لوحدها و ال اباتشي لوحدها علشان انا بفرمت الهارد بشكل مستمر

Submitted by msameer@foolab.org on Fri, 10/02/2006 - 14:17.

يا راجل تف من بقك!

على العموم لو ده حصل ابعتلى و انا اجيبلك الداتا بيز

انا خط الدفاع الاول و التانى و التالت كمان!

بالنسبه لتحويل جهازك الى سيرفر فعليك ب wamp "دور عليه فى جوجل"

بس ده معاه php5 و تقريبا مش كل حاجه هاتشتغل معاها مضبوط

Submitted by alaa on Fri, 10/02/2006 - 03:04.

ابعتلي ايميل على alaa@manalaa.net عشان نرتب النقل

لو خايف من مضوع أمن الدولة هات لنفسك hosting كده تضمن مفيش أي تأثير خارجي عليك. عموما أنا بتيح لك تعمل backup

في بتاع بينزل apache و php و mysql بس مش فاكره، أسأل على eglug.org أو أحسن نزل جنو/لينوكس على جهازك، بيجي معاه الكلام ده كله و زيادة>

Submitted by خيال الظل (not verified) on Thu, 09/02/2006 - 14:57.

يا استاذ سمير حضرتك قمر مش نجم :-)

Submitted by msameer@foolab.org on Thu, 09/02/2006 - 16:32.

يا عسل

عايزين نقعد مع بعض و نطلع بالخطط الخبيثه اللى بنطلع بيها ;-)

Submitted by elnadim1 on Thu, 09/02/2006 - 14:53.

طيب إقتنعنا يا ريس بس ننقل إزاى

Submitted by alaa on Thu, 09/02/2006 - 17:30.

للأسف طريقة النقل اللي صممتها معقدة شوية، عوما أنا اللي بقوم بيها لو أنت مستعد تدخلني على حسابك في blogspot لمدة خمس دقائق. ابعتلي ايميل على alaa@manalaa.net و أحنا نرتب الموضوع ده.

Submitted by sph1nx (not verified) on Thu, 09/02/2006 - 14:35.

معلش سؤال كمان ياعم علاء ايه نظام ال skins في دروبال علشان انا بصيت على بلوج ابليس لقيتو بضان هل دروبال بيديني امكانيات متقدمة في تصميم السكنز ولا بس بغير الصورة اللي في الهيدر زي وورد بريس سلام

Submitted by alaa on Thu, 09/02/2006 - 17:35.

مش صحيح أن wordpress بيسمحلك تعدل الصورة فقط.

عموما دروبال بيديك امكانيات متقدمة جدا في تصميم السكنز بس لازم تكون بتعرف CSS.

على manalaa.net ممكن تحرر و تغير في التيمة من جوه الموقع نفسه، أو لوأنت شاطر ممكن تعمل سيرفر تجريبي على جهازك و تعمل تصكيك و تبعتهوللي عشان أحمله

Submitted by msameer@foolab.org on Thu, 09/02/2006 - 16:31.

لو بتفهم CSS ها تتظبط!

و لو عايز تعمل ال ثيم بتاعك من الاول ممكن بس لازم تكون فاهم php & CSS

Submitted by msameer@foolab.org on Thu, 09/02/2006 - 14:27.

wget -c -S http://ezabi.gtegypt.org

--14:23:49-- http://ezabi.gtegypt.org/ => `index.html'

Resolving ezabi.gtegypt.org... 196.218.194.67

Connecting to ezabi.gtegypt.org|196.218.194.67|:80... connected.

HTTP request sent, awaiting response...

HTTP/1.1 416 Requested Range Not Satisfiable

Content-Length: 0

Content-Range: bytes */1433

Server: Microsoft-IIS/6.0

MicrosoftOfficeWebServer: 5.0_Pub

X-Powered-By: ASP.NET

Date: Thu, 09 Feb 2006 12:24:58 GMT

Connection: keep-alive

.NET مش .org ;-)

Submitted by alaa on Thu, 09/02/2006 - 17:36.

أسفين با فندم

Submitted by msameer@foolab.org on Thu, 09/02/2006 - 14:24.

ولا تفرق معايا

انا باستخدم دروبال و ده المهم

لو جبت 100 نجم ولا تفرق برضو المهم ان انا اللى باستخدمه :-P

Submitted by sph1nx (not verified) on Thu, 09/02/2006 - 14:12.

ها ياعم علاء ينفع اجي عندك ولا انا كخة ;)و كنت عايز اسألك سؤال ليه ماتديش الناس ال سبيس اللي هما عايزنها و هما يركبوه السكربت اللي هما عايزينو معلش سؤال تاني انا بخطط استخدم بي اتش بي نوك هل هناك امكانية لربطها بنظام ال rss اللي موجود في المجمع ولا لآ

Submitted by alaa on Thu, 09/02/2006 - 17:38.

أنت كخة بس تنور عندنا، الخدمة مفتوحة للكل

بلاش طمع اللي عايز يركب أي سكريبت يشخشخ جيبه.

و اياك تستخدم php nuke ده بلوى مسيحة.

Submitted by msameer@foolab.org on Thu, 09/02/2006 - 16:29.

php nuke ? اوعا

موت و ماتستخدموش

وحش جدا جدا جدا جدا

اما بالنسبه لاعطاء مساحه و كل واحد يركب عليها اللى هو عايزه فانا مش هارد على علاء بس هاقولك ان ممكن ب 20 جنيه تاخد مساحه فى شركة استضافه كويسه المشكله انك لازم تدغعلهم السنه على بعض

و ممكن 2 يشتركوا مع بعض و كل واحد يدفع 10 جنيه

او 4 و كل واحد يدفع 5 :-)

Submitted by Anonymous (not verified) on Thu, 09/02/2006 - 13:41.

علشان موضوع ريد مور ده مفهمتوش إلى مافهمش يدوس هنا

http://www.manalaa.net/subliminal_message

Submitted by خيال الظل (not verified) on Thu, 09/02/2006 - 12:59.

انقل لدروبال و عيش في مملكة الوراجى
و عيش مع النــــجـــــــــــوم

دروبال ... انت النجم كل يوم


دروبال ... عالم بلا حدود
و اهم حاجة
read more
read more
read more

Submitted by egiziana (not verified) on Thu, 09/02/2006 - 12:25.

سؤال بسيط جداً، بما اني من المدونين الجدد، عايزة أعرف انقل ازاي مدونتي من blogger الي drupal ، و تعامل معاي علي اني مش خبيرة برمجة بس عندي خبرة عادية بالكمبيوتر شكراً

Submitted by alaa on Thu, 09/02/2006 - 17:39.

ممكن نرتب بالايميل أحسن؟ alaa@manalaa.net

Submitted by دلتاوي (not verified) on Thu, 09/02/2006 - 11:53.

موقع typepad www.typepad.com كويس في التصنيفات بس باين كده ما بيقبلش عربي ... على العموم أخذ في الشهرة وحيكون قريب من بلوجر دوت كوم وذلك بنظرة على إحصائيات أليكسا

Submitted by alaa on Thu, 09/02/2006 - 17:41.

موقع typepad مبيقدمش خدمة مجانية، ده غير أنه مبني على movabletype و ده مش برنامج حر/مفتوح المصدر

مفيش حاجة في moveabletype مش موجودة في wordpress أو دروبال.

Post new comment



The content of this field is kept private and will not be shown publicly.


*

  • You may link to images on this site using a special syntax
  • WikiText is converted to HTML (supported WikiText formatting will show in the long tip format).
  • You may write mixed Arabic and English freely, line direction will be computed automaticaly