Manal and Alaa's bit bucket

http://egyvote.20at.com/inspectors/observers.php?op=city&aid=10

قد يجد المرء نفسه خجلاناً من وطنه لا يريد أن يعرف أحد من أى البلاد هو وخصوصاً إذا كانت بلده تلك تجمع فى حاضرها كل الشرور والموبقات هى البلد التى تقود مسيرة الامة نحو الذل والإستسلام نحو الركوع والهوان كل هذا لكى يظل البرميل جالساً على تلها الخرب أبد الدهر

هى دولة البائسين والفقراء والشحاذين، الدولة التى يعمل بها الطبيب جرسوناً والمحامى عامل نظافة واَلاف من خيرة أبنائها تحت الإقامة الجبرية فى منازلهم يموتون فى بطئ فالقاعدة تقول لا تعيين لا عمل لا حياه هى دولة شواطئ العراه على أرض الشهداء.. هى دولة اللحم الرخيص من الجنسين ذكوراً وأناثاً.. الجميع للبيع فى مزاد علنى يشترك فيه القريب والبعيد

من كان يمكنه أن يتصور أن تكون هذه الحالة المزرية هى حالة مصر فى بدايات القرن الواحد والعشرين كل من بداءوا معنا فى منتصف القرن الماضى صرنا ننظر إليهم من بعيد فقد بنوا صناعة وتكنولوجيا صار من العسير علينا اللحاق بهم فعلى سبيل المثال لا الحصر أين الهند وأين نحن الأنإلى من أوصل بلدى الى هذه الحال

سيدى أنت أكبر مجرم فى التاريخ ولا يظن أحدكم أن يده بريئة من الإثم فكلنا ساعدناه فى إرتكاب الجريمة ملحوظه: هذه ليست كتابتى وان كنت افخر بشجاعه كاتبها

اه نسيت اقولكوا خليكوا كده انتوا كمان متنحين لغايه مايحصلكوا اللى بيحصلى والعيب مش عالحكومه ، يظهر العيب فيكم انتوا يا جبلات ياللى يتقروا وعاملين زى الخنازير ، ياللى صفاره تلمكوا وحزام يفرقكوا ، وخساره فيكوا السلام،،،

عالعموم انا عملت برضه زى الافلام ورحت صورت الكام ورقه اللى فيهم الشفا اللى قلتلكم عليهم السمك يقرف ياكلهم لو رميتهم فى النيل وحطيتهم عن اتنين أأمن من بعض واحد فى ظرف والتانى فى ظرف زيه عشان يظهروا بعد مايقتلونى والله زى الافلام بالظبط ، بس فى الافلام بيقبضوا عالحراميه والقتله فى الآخر ، ياترى هايحصل كده فى الواقع ، انتوا بقى اللى هاتشوفوا انا هاكون فى التربه أو على أقل تقدير فى المعتقل زى آخر تليفون ماقاللى .

انا احمد بتاع المدينه حبيت بس اعرفكوا ان تليفونات التهديد ابتدت توصل لغايه اللحظه دى جالى 3 تليفونات اتنين فى البيت وواحده فى بيت اهلى ردت عليها والدتى وكانت اقساهم ومجملها زى الافلام بالظبط ، ابنك بيلعب بالنار وماتلعبش مع الكبار وخليك فى حالك واللى فى البيت كانت بالظبط ، انت عندك عيال وماحدش هايفيدك فى البلد دى من كبيرها لصغيرها وخد بالك على نفسك لانك لو ماقفلتش المواضيع دى عيالك هايتيتموا ، والله زى الافلام بالظبط ، انا كنت مذهول من البجاحه اتارى الافلام واقعيه بس بتبالغ ساعات فى المعالجه لزوم التسويق ، عالعموم بأمنكوا أمانه تسألوا عليها يوم الدين لو أتقتلت زى ماقالولى هايكون واحد فقط مالوش تانى وهو السيد/ علاء بسيونى ، ولو اتسجنت هايكون أكيد تهمه جاهزه من تهم علاء بيه حيث فاقت شهرته فى موضوع التهم ده الآفاق وتجاوزت الحدود المحليه ، وذنبى فى رقبه كل من يقرأ هذا الكلام ، وانا مش خايف من حاجه لانى متوقعها جدا وكمان اللى معاه الحق لما يتظلم بالشكل السافر ده فى بلد زى دى فلا جدال ان له الجنه ولابديل عنها . أراكم على خير لانه ربما تكون هذه آخر كلماتى ، والسلام عليكم

تعالوا أحكيلكوا عن تقسيمه الغنيمه بتاعة المدينه باختصار على قد ماقدر وحيث ان ماحدش هايحاسبنى اقول اللى فى نفسى وانا مطمن انى باكلم جبللات وخنازير لاتسمن ولا تغنى من جوع ، شوفوا يا بهوات : المدينه دى (مدينه الانتاج الاعلامى) عباره عن تكيه كبيييره متقسمه قطاعات ويرأسها صوريا بس اللى اسمه عبد الرحمن حافظ ولكن المتحكم الفعلى فى شئون وأقدار المدينه شخصان واحد اسمه المهندس سامى بدوى وده العضو المنتدب وعدوه الاول السيد علاء بسيونى وده ماسك قطاع أسمه الأمانه العامه وماحدش يقوللى يعنى أيه لانه مالوش معنى ، همه دول الشخصين المتحكمين فعليا والباقى تماثيل لزوم الامضاءات والذى منه. وعندك قطاع أسمه العلاقات الدوليه وده اللى ماسكاه الست منى مراة عبد الرحمن بيه رئيس مجلس الاداره وده شغال فيه 3 شباب زى الورد وبنتين زى القمر بيعملوا ايه ؟ أقولكوا....باختصار مختصين باستقبال الزيارات وعمل المصالح الخاصه جدا بيهم بالاشتراك مع السيده الاولى حرم رئيس مجلس الاداره كمان مختصين بحجز الفنادق واقامه الزوار وكمان حجز المصايف اللى بيمصوا فيها دم الموظفين الغلابه بتوع المدينه وحاجات كتيييير قوى والقطاع ده بالذات مقفول عليهم بالضبه والمفتاح وماحدش يجروء يهوب ناحيته وشهاده للحق السيده منى اللى ماسكه القطاع ده فى حالها وغلبانه ومالهاش دعوه غير بقفش الفلوس بس كنوع من الاتاوه للسكوت على نزوات السيد زوجها رئيس مجلس الاداره الموقر ، نيجى لقطاع خدمات الاستوديوهات وده ماسكه المهندس صالح بيه من 250 سنه تقريبا قبل مايخترعوا التليفزيون وده قطاع مش قد كده بس متعين فيه عائله السيد صالح ومعارفه وازواج بناته واخواتهم وده قطاع معلن من الاول انه قطاع عائله السيد صالح واللى مش عاجبه يخبط راسه فى الحيط ، قلنا على ايه ؟ نمشى جنب الحيط أحسن . وعندك السيد مثعود (مسعود) وده دراع صالح بيه اليمين وده ماسك مناطق التصوير المفتوحه من كله .....من كله ركزوا وحاولوا تفهموا، من ايجار اماكن التصوير لايجار الرصيف للكافيتيريا لغايه النفس اللى هايتنفسوا كاست (طقم) العمل . نيجى لقطاع الانتاج وده جوهره الجواهر وماسكه السيد عماد عبدالله ذو ال40 ربيعا من كام سنه لما كان فى الثلاثون ربيعا والقطاع ده اسمه قطاع الزكايب نظرا لزكايب الفلوس والسرقات المفتوحه عالاخر بلا رقيب ولا حسيب واياك ثم اياك تقول اشتغل فى القطاع ده (الانتاج) الا لما تكون ساحب فى ايدك وزير حالى وانت داخل اقل من وزير يقولوا عليك زير . تعالى لقطاع السياحه والماجيك وده اختصاص قرايب سامى بيه الاساسى وكل اللى يمسكه تبع سامى بيه ابن اخته ،جوز بنته ،وخلافه عشان السياحه تزدهر.اما قطاع التسويق فده للكبار فقط زى ابن سامى بيه شخصيا وكفايه كده . وماننساش قطاع البرامج بتاع عمرو الليثى والذى لايعمل فيه سوى شخصين بس اسمه قطاع برضه لزوم القفش.نيجى للقطاع المعجزه واللى فيه من عجائب الدنيا السبع مجتمعه وهو قطاع الامانه العامه بتاع السيد اللواء الوزير الباشا الملك الرئيس الدكتور لو أمكن علاء بيه بسيونى والقطاع ده ياخواننا أنشيء سنه 2001 يعنى قبل كده ماكانش فيه حاجه أسمها قطاع الامانه العامه وده ليه قصه ظريفه ، لما الباشا علاء بيه طلع على المعاش بالتليفزيون وكان ماسك قطاع الامن كان الرجل الاول والمفضل لدى السيد صفوت الشريف وزير الاعلام السابق (على الورق بس) والحالى (من غير ورق)المهم علاء بيه قالله يعنى ايه اطلع معاش اقعد فى بيتنا يعنى ازاى والاسرار والورق والبلاوى اللى انا ماسكها اعمل بيها ايه افرشها عالاكل وانا باتغدى ؟ ومين هايجيبلك بلاوى المدينه ومين هايقرفلك الناس اللى هناك ويجيبلك عليهم بلاوى محبوكه منها ماهو ملفق ودى الغالبيه ومنها ما هو حقيقى وده موجود برضه ، وحيث ان صفوت ودنى زى اللى جايبه قام قال والله فكره طيب تدخل ازاى يا علاء تدخل ازاى يا علاء قام علاء قالله نعمل قطاع جديد ونبقى ننقيله اسم بعد ماندخل وأقسم بجلال الله ان العبد لله اللى هو انا شارك فى تنقيه الاسم اللى مالوش معنى ده (الامانه العامه) وقام علاء قال لصفوت هايبقى قطاع فاضى كده قام صفوت قالله عين فيه يابوعلاء اللى يعجبك انت تأمر قام علاء ابتدى يشوف مصالحه رايحه فين ماهو راجل دلوقتى عالمعاش يعمل ايه ؟ استغل الظروف الوضيعه التى وضعتنا فيها الحكومه الوضيعه وتسببت من ضمن ما تسببت بالبطاله وابتدى يلعب عالعبه دى وكانت لعبه فى الجووون زى مابيقولوا.مين ايا كان منصبه فى البلد القذره دى ماعندوش فى عيلتهم شويه عاطلين حاصلين على اعلى الشهادات؟ الاجابه كل العائلات لديها عاطلين ومعاهم شهادات ودكتوراه كمان لان الحكومه مش بتوزع الوظايف الا على الصفوه اللى مش محتاجينها ، ابتدى علاء ينشر خبر التعينات وكان لايقبل تعيين اى واحد الا من طرف وزير أو مساعد وزير أو مدير اداره المرور (لزوم الرخص المسحوبه) او قائد الجيش التانى لزوم أعفاءات التجنيد وقيسوا على كده كله مصالح مباشره وانتوا عارفين مثلا تكلفه الاعفا من التجنيد تدخلها فى 15 لغايه 25 باكوا وشوفوا القبول فى كليه الشرطه بيعمل من 30 ل 50 باكوا ولازم رئيس كليخه الشرطه يكون له كام عيل من عيليتهم فى المدينه وووووووووووووووووالله ده اقل القليل وقيسوا بقى الباقى بمعرفتكوا. بيعمل ايه بقى قطاع الامانه ده قاللك فى الاول حاجه كده زى العلاقات العامه وبعدين قالك نخليه أمن طب ازاى؟اللى ماسك الامن راجل أسمه اللوا بهى وده مش قد علاء طيب (علاء قائلا لصفوت) ايه رايك نمسك اللواء بهى أمن المناطق المفتوحه وأنا أمن المجمع العالمى الجديد ويبقى كل واحد ليه أمنه مع نفسه وطبعا اللواء بهى مايقدرش يرفض الراجل كان بيقول موافقون وخلاص عايز يمشى جنب الحيطه ومعاه حق قام بقى فيه فى المدينه أمنين واحد للبلطجه أسمه رجاله اللواء علاء وواحد فى حاله وشايف شغله أسمه أمن المدينه وهات يا اسافين ومقالب قذره شهدت منها الكثير ودايما كله من عند رجاله علاء عشان عاوزين يرضوه خوفا من سخطه وجبروته ، المهم علاء باشا وصلت تعييناته الى 180 شخص كلهم ليسانس حقوق وبكالوريوس تجاره وفنون تطبيقيه وووووووووشويه مؤهلات متوسطه لانهم جايين من طرف ناس يهموه قوى وكمان عشان يخزى العين لانه أقل قطاع من كل شيء واعلى مؤهلات من الناحيه الاخرى.وكان تخصص هذا القطاع باوامر من علاء بيه مباشره وشخصيه ، -أفتعال المشاكل مع الاخرين عشان يدخل هو ويحلها ويبقى حلال المشاكل -التجسس على ادق خصوصيات الناس وعمل تقارير خاصه بها ورفعها الى سيادته -مراقبه كل افراد قطاعه لبعضهم البعض على اساس ان ينصح المخطيء وتشمل هذه المراقبه داخل المدينه وخارجها يعنى مثلا لو انا كتبت فى واحد تقرير وقلت فيه انه اثناء سيرى امام فندق معين فى مصر الجديده مثلا لمحت السيد فلان ابن فلان ومعه واحده وداخلين الفندق وكمان ياسلام لو ادخل وراهم واكمل التقرير واقول دخلوا قعدوا فى الكافى شوب بس ياسلام لو قلت بداله الديسكو المكافأه تزيد وأعيش بقى واعمل السيناريو حسب علاقتى الشخصيه بالشخص اللى باقابله يا أبيعه بيعه كبيره فيها فصل يا بيعه صغيره لمجرد قرص الودن انه خرج سهر من غير ماياخد أذن بابا علاء ويعزمه كمان وعندى شهود عالكلام ده كتييييييير لان كلنا اتعمل فينا الفصل ده . يا اخوه يا افاضل لما كان تلاته وللا اربعه يقعدوا على قهوى وعدى الخامس يسلم عليهم كان بيبقى فيه تقرير وتسبقه مكالمه تليفونيه شخصيه لعلاء بيع بالكلام ده يقوم الباشا يقولهم ماتروحوش وياخدهم المكتب قدام الناس ويقولهم انتوا بتعملوا تجمهر بره المدينه وبتتفقوا عليا وعايزين تقلبوا نظام الحكم و...و...و..... وأقسم بالله العظيم ان اللى باقوله برضه اقل من الحقيقه وانا حضرت معظمه للفرجه لانى كنت بارفض اقوم بالادوار دى وكفايه ان الباشا بيجيلوا تقارير اسبوعيه عن تحركاتى الشخصيه خارج العمل عن طريق السيد شافعى دراعه اليمين بالتليفزيون واللى معينه بالمدينه باليوميه مع انه مابيجيش كتير ودراعه الشمال السيد جمال الذى يعمل حاليا بالتليفزيون وبرضه فى المدينه كمدير لمكتبه لشءون الفصل والارهاب والتهديد.قوم بابا علاء يكلم اهالينا وزوجاتنا فى البيوت علشان يقولهم عيالكوا بيلعبوا بديلهم وازواجكم كذلك وانا هاربيهم لكوا لانه بابا علاء مايرضاش بالحال المايل يعنى أدى تهمه الاعتداء على الحياه الشخصيه للغير والتهديد والارهاب وخدوا بالكوا من الارهاب دى لانه كان بيلوح لزوجاتنا ان هو اللى فاتح بيوتنا وهايسامحنا المره دى بس عشان خاطر مراة الضحيه وعياله لو عنده وتقوم هيه تقولله انت الخير والبركه وهو يقولها انا هاكلمك باستمرار اطمنك هو عامل ايه والغبى يفهم بلاش الذكى لأنها مش محتاجه ذكاء. لو فيه اقل من عشر عداله فاقل تهمه يعاقب عليها بابا علاء انا باقول اقل تهمه هى الارهاب بالمفهوم الحالى يعنى المفروض يجيبوه فى ميدان عام وكل واحد عرفه يجى يقطع من جسمه النحيل قطعه لحم صغيره بسكين بارد وهو حى حتى يغفر الله له جزء من اعماله القذره ولو كحبه رمل فى الصحراء الكبرى. ياخواننا انا مستنى حد يحاسبنى انا باتحايل عليكوا بقالى كام يوم عايز حد يحاسبنى فيه اكتر من كده ايه على رأى أونكل ايهاب توفيق........ ملحوظه صغيره: مش دى كل القطاعات بس انا زهقت فى العد لان كل واحد ذو وزير له الحق فى أنشاء قطاع لحسابه طالما الوزير فى الخدمه وله تأثير على صفوت ومن قبله الملك حسنى يعنى عندك قطاع الهندسه وقطاع السينما و...و.....و...الليله كبيره على رأى عم جاهين وسلام عليكم.

لايمنى انت عالمحامى او دلنى عالسكه وليك الحلاوه مع انى هاديله شغل مايحلمش بيه وللمره التالته أقسم بالله العظيم ان اللى مكتوب ده مايجيش عشر اللى حصل معايا واقل من عشر البلاوى اللى بتحصل فى مدينه الانتاج الاعلامى بالذات من سرقه مبالغ فيها ونهب غير طبيعى يا راجل لما البلتاجى جالنا قدر عالتليفزيون وماقدرش يهوب ناحيه المدينه ولا يغير فيها صرصار من مكانه ولا حتى يلوح بكده لانه مش كان اتشال من الوزاره بس لأ ده كان بقى البلتاجى الله يرحمه اسأل كده وشوف لو كان قدر ينقل فراش يبقى ليك الكلام والله العظيم تذاكر الماجيك لاند بينهبها ابن اخت سامى بيه بدوى ولما اتمسك كفوا عالخبر ماجور وأمروا بالتحقيق الداخلى لزوم كثكثه الموضوع وعدم وصوله للنيابه الاداريه وطبعا علاء بيه مسك الادله دى وحطها فى درجه عشان يلاعب سامى بيه وكل من تسول له نفسه بقلب نظام الحكم فى المدينه يابهوات علاء بيه كان بيبعتنى اجيبله خضار من سوق 6 اكتوبر فى اوقات العمل الرسميه ده غير تشطيب احدى شققه بمدينه الشيخ زايد وغير وغير وعلى فكره انا معايا ورقه طلباته من السوق بخط ايده يعنى اشتغلنا معاه خدامين ومش عاجب لانى بعت عربيتى من كتر اللى كان بيطلبه منى مالاحقتش بنزين وطلبات ووالله العظيم كنت ساكت ومابتكلمش لكن لما لقانى باسعى للنقل من عنده جن جنونه وهاج وماج وللصراحه مش عليه انا بس كل اللى كان بيحاول يتنقل من الامبراطوريه بتاعته كان مصيره الفصل او تلفيق التهم والقاؤه فى السجن ومكالمه الزوجات فى المنزل وتهديدهم الموضوع كبير ومايقدرش عليه حسنى مبارك نفسه يا أستاذ يابتاع محامى حقوق الانسان والله العظيم حسنى لو دخل فى املاك علاء بسيونى يشيله من الرياسه ومش بعيد يكون هو اللى هيج عليه الشعب والجرايد المعارضه بالشكل ده يمكن علاء بيه قال لحسنى باشا نكته وهو ماضحكش عليها سلام يا صاحبى

أنا احمد بتاع مدينه الانتاج فوجئت بمصداقيتكم فى النشر وبصراحه كنت متأكد انكوا بتوع كلام بس زى أى حاجه فى البلد مالهاش مصداقيه لقيت اللى باكتبه بيتنشر عالصفحه بتاعتكم انا ممتن جدا ومشكور وعندى بلاوى عن الوسط الاعلامى والسرقه والنهب والتعريس العلنى وتعيين الاقارب وأختلاساتهم بالاسماء والادله بس طبعا طول ماحسنى حسنى وصفوت صفوت وسرور سرور والشازلى شازلى والشله الوسخه اياها مع مراعاه علاء بسيونى لانع عضمه كبيره قوى قوى قوى فاللى عندى لو رميته فى النيل لامؤاخزه السمك يقرف ياكله وماتنسوش أنا العاطل بتاع المدينه اللى علاء بيه مسمينى صاحب الشعبيه الرخيصه لان والحمد لله كل الناس بتحبنى عكسه تماما وكل الناس واقفه جمبى بس أرجع واقولكم قصاد مين ربنا ؟ قصدى علاء بيه بسيونى المنافق الوضيع اللى فى بلد زى البلد القزره دى مالوش كبير الواحد يشتكيله بالحق وبالاصول ده كان بيخللى الناس وانا منهم مع مراعاه انى رفضت للاسف الشديد اشهد ضد الناس زور بتهم قزره ووضيعه زيه واقلها تهمه القواده يعنى التعريس مرورا بالسرقات وووووو الموضوع كبير ومعلومه ليكم جدعنه علاء بيه بسيونى الوحيد اللى يقدر يشغل اى حد فى المدينه فى المكان اللى يحبه ولا تسألن على السبب ويقدر يمشى أى حد فى أى وقت بما فيهم عبد الرحمن حافظ رئيس مجلس الاداره والعضو المنتدب سامى بدوى والباقى طبعا لانهم بالنسبه له حشرات وهمه تقريبا كده نفسى حد يحاسبنى عالكلام ده نفسى لانه حاجه من التلاته ياتقتل ودى تبقى فى الجون شهاده وقصه يا اما ادخل السجن باحدى التهم الجاهزه وكده يبقى اتشال هم اكلى وشربى ومعيشتى وربنا يستر على مراتى وعيالى لانه مابينساش حد يا اما المستحيل بعينه وهو رجوعى للعمل فى قطاع بعيد عن بسيونى وان كان اى قطاع تحت سيطرته ولكن غير المباشره وهزا فى حد زاته نعمه كبيره ولكن الاخير هو المعجزه بعينها فى عصر اللامعجزات والله العظيم انا راضى وممتن لاى من الحلول الثلاثه بنفس مستوى الرضى لا يقل أحدهما عن الآخر وألقاقم على خير

انا من الناس اللى شفت الفساد بعنيه ماحدش قاللى واتأذيت منه كمان كنت باشتغل فى مدينه الانتاج الاعلامى عند كلب من كلابهم اسمه علاء بسيونى وده كان صديق شخصى لصفوت الشريف الخلاصه ان البيه منعنى من دخول المدينه بدون سبب غير انى حاولت انقل لقطاع آخر هربا من تعسفه وحاولت انقل اكتر من مره وكانت كل مره مصحوبه بتهديد اشتكيت لطوب الارض فى هذه الاوضاع القذره وكانت غلطه عمرى لانه قاللى عينى عينك قدام الناس انت بتلعب مع الحيتان ليه؟ علشان اشتكيت تعسفه وقذفه وسبه لى امام الناس وهذا اسلوبه ورحت للعجل الكبير عبد الرحمن حافظ واكتشفت ان العجل له فايده عنه المهم قصتى معروفه فى المدينه واتحدى اى شخص فى حكومه مبارك يرجعنى اذا عرف مبارك نفسه اصلا يرجعنى لان علاء بيه كما يحب ان يناديه العبيد واصل للريس وانا وصلت شكوايا لصفوت بس على مين علاء بيه؟ اللى ماسك ذلل لكل القيادات زى مابيقول قدام الناس وهمه كلاب ماحدش بيرد او بينكر يللا اهو قطع عيشى وعيش 100 قبلى وبعدى دانا اشتكيته فى مباحث أمن الدوله ماقدروش عليه وكان بيلفقلى التهم القذره وانا مش اول واحد لانه معروف بالاسلوب ده هاكرر الاسم عشان تسألوا عليه وتتأكدوا من كلامى علاء بسيونى اللى ورانى اللى عمرى ماشفته لقيت نفسى ياخوانا رايح الشغل كالعاده فى رمضان 2003 الباشا منع الامن يدخلنى عشان يعملولى انقطاع عن العمل وعلى رأى الست اروح لمين واقول لمين يرحمنى منك انا الان عااااااااااااااطل لانه مانعنى حتى ادخل اسحب ورقى وقاللى خليك معلق كده زى المره الشرموطه باللفظ كلمت عبد الرحمن بيه عالموبايل عشان ينجدنى اسحب ورقى بس مش اكتر قاللى كلمنى بعد الماتش عشان مش فاضى باشوف الماتش وانا مستعد اواجه التخين فيهم فى وشه ماباقيش حاجه اخاف عليها انا والحمد لله اداينت لطوب الارض وعندى ولد وبنت وزوجه واهم من ده كله انى عاااااااااااااطل عشان علاء بيه اللى ربنا حرمه من نعمه العيال يبقى مبسوط هو وسى صفوت وعلى رأى المثل راح صفوت وجه البلتاجى وراح البلتاجى وجه الفقى وهايروح الفقى وهايفضل علاء بسيونى لان صفوت هو صاحب التكيه الاصلى واللى بيحصل ده كلنا عارفين انه تحريك قطع شطرنج عشان تتوه التكيه والمالك الاصلى بيتفرج سلام يا حسنى باشا انا مش عارف انت هاتتحاسب ازاى بس لازم يكون فيه حساب

طب ما نعوز ، نعوز ، مش مشكله ما كل واحد فينا عاوز ، واحد عاوز يجوز وواحد عايز لاب توب جديد ، رأي إن الموضوع يكون ( هانخليه يمشي يغور) وهايحصل إليه لو كانت المظاهرة الجاية قدام قصر الرئاسة ، يمكن يحس على دمه، وفيها إيه لو فضل مصدر الصارمة ومصر إنه يفضل لازق لحد ما عزرائيل يزحزحه ؟ من راي لابد مما لا منه بد ، كلنا ( كلنا أقصد كلنا بجد كفاية والامهات المصريا ، صحفيون من أجل التغير ، وأطباء كلنا كلنا كلنا نروح نبات له قدام قصر الرئاسة ننام في الشارع ، هم الأوكرانيين أحسن منا في إيه فضلوا نايميين في الشارع تحت الثلج والزمهرير ، ما ينفعش شلة الحراميين يفضلوا سارقنا واحنا مطاطين روسنا ، لازم ولاد ال... ، هم عارفين نفسهم يغوروا

You need to start something outside Cairo for a change. Why not in Alex next time.

damn it, i wish i was there,

next time insha2 allah