Manal and Alaa's bit bucket free speech from the bletches

الحكاية زي ما أنا فاكرها:
بعض ما طمأنا قوات أمن الهرم أن عهدتهم (الهرم) هتفضل بخير و أن احنا مصريين يعني مش حاجة مهمة
دخلنا على أضواء المشاعل، فاختفت من تحتنا السيارات و رجعنا 500 سنة لورا
السايس اللي كان بيركّن مصطفى كان برتبة عقيد
و عسكري المطافي اللي كان واقف خدمة، زنهار، طفايته بين رجليه و خرطومه بين إيديه
صحابنا اللي تاهو راحوا هيسوا بالعربيات على زباين الصوت و الضوء و تلقوا نظرات طبقية
الشباب الانجليز وصلوا على الجمال و ابتدى الهيس
الكركديه المعتق طلع و صحابنا المدربين لقطوه على بعد 25 متر
بعد الأكل و الشرب على أنغام التخت الشرقي
و الخطب و الذي منه
الفرقة المنحطة وصلت
الرقاصة شقلبت الجو و أحب أأكد لكم أن في استحالات فسيولوجية حصلت في الليلة دي
في الوقت دا كانوا الخواجات عدوا
جوني قلع القميص و ابتدى يهوهو
مكانش ناقص إلا إن فداوية المقاومة يطلعو و يخطفوا زي أي فيلم عربي قديم
كل دا عند أقدام 5000 سنة حضارة

خرجنا بنحسس و نهتف "يسقط يسقط"