Manal and Alaa's bit bucket

المشكلة مش في الاخوان او غيرهم المهم ان الكل سواء اخوان مسيحين يسار يتحدوا ضد العدو الوحيد الحكومة

This post has been Slashdotted!

alf 7amdla 3al salama wa 3o2bal el ba2ien....awel ma shoftak 3al mbc ambsat awy ma3a any ma3rfksh...bs ba2ly fatra keda bab7s fi 3alam el modwnat 3ala a2ryat ba3d el garnin ely katbat 3aly 7aslko wa keda..kont manwar el progrem baged..any way 7amdla 3al salma tany wa mat7'lish ely 7asal da ya2sar fik bal3ks 7'alik dayman gary2a wa mayhmaksh..tol ma fi nas zayak anta wa ba2y el bloggers dol a3tkad en ma3a el wa2t lazm yakon fi sa7waa wa el shabab ba2a tas7sa7 keda wa ta7s ba ely bayhsal fi el baldy wa homa wala homa henna!............salam

بكره أحسن من النهارده كفاره و السجن اليومين دول للشرفاء اما من يسرق عارفين طبعا يروح فين ؟؟؟ظ طبعا على مارينا حدف أسمحلي اقول لك الغلط غلطك انت كان لازم تسمي الوالد مبارك او اي اخ ليك اسم مركب جمال مبارك > ربنا يجعل كلامنا خفيف عليهم > و على أضعف الأيمان تسمي لا مؤاخذه الست الوالده سوزان علشان تعرف تعيش ياأبني في المملكه المباركية المصرية علشان تعرف يا أبني تعيش و تستلم الدف العهدة لكل مواطن مباركي مصري سابقا وتتحمل المسئولية كطبال رسمي في جيش السلطان محمد بن حسني آل مبارك و يجعله عامر

الف تحية لك ولهم ولكل من دافع عن هذا الوطن، وكفارة يا علاء فعلا عرفت عنك وانت بالداخل ما لم اعرفه وانت في الطرقات تخرج وتشارك وتهتف وتلعن، ولكن يبدو والحمد لله ان السجن فعلا تجربة مفيدة للجميع

نرجو ان تكون هذه بداية تواصل بين كل الشباب المصري حول هدف واحد والبعد عن الاختلافات الفكرية والتناحر العقيم الذي تغذيه الحكومة

واهلا برجعتك لدنيا التدوين بعد غياب افتقدناك كثيرا

Good to hear, good to know

Un abrazo

aep @ nodo50 . org

Alaa,

Congratulation for your release, it is a release for all of us and enjoy your new freedom, sometimes it must feel like a new cathartic new life.

As for your remark on the MB, you know despite being visibly different when I did my military exemption the only people that were decently waiting in a non-existent line and were acting in a civilized way were all those that had cleary given up on the system, the avant-garde being the MB. Paradoxically, I felt more secure in their presence.

G.

تعرف يا علاء انت مجرد ما اسمك بيجي في بالي بيبقي له متلازمات ذهنية متكررة ومنها "علاء >>>المشتوم دائما" شوية تبقي كافر وملحد وشوية خمورجي وبتاع فوضوية ولما تخرج من المعتقل وتكتب تدوينة زي دي تبقي اخوانجي متأسلم ... علاء - هو انت هتفضل تتشتم لحد امتي؟ قصدي هو الناس اللي بيشتموك هيبطلوا شتيمة امتي؟ نفسي أشوفلك تدوينة من غير ما يكون حد بيعلق عليها بشتيمة.. خنقتني يا أخي!!! حمد الله عالسلامة

you realy touch my heart with your honesty,humanity.courage,deep perception you make me cry you make me proud,you are different generation better than before Iloveyou all and God bless you.

انت نسيت أهم حاجة: و أهديكم ضيا عيني و دفء القلب أعطيكم فمأساتي التي أحيا نصيبي من مآسيكم

الله يرحم توفيق زياد, بس أنا مينطبقش عليا الكلام ده, لأن أنا هنت في وطني و بره السجن كمان مش مشكلة دلوقتي المهم حمد لله على سلامتك انت أنا كنت جاي أسلم و بالمرة أعمللي بلوج على المانلاء.نت بس يظهر الحوار هيطول فهخليه بكرة أحسن بالنسبة للإخوان, أنا أحترم كتير جدا نظرتك ليهم بصفة عامة و نظرتك لزملاءك في السجن بصفة خاصة, طبعا لأن بصفة عامة محدش بيتكلم بموضوعية, لازم مع أو ضد, و بصفة خاصة انت اتكلمت دلوقتي على جوانب انسانية و ماتطرقتش أشاسا للشياسة إلا في انك معارض لشيء و همه معارضين لنفس الشيء, لكن أنا برضه شايف انك اتسرعت في العنوان, فزمايلك دول مش بيمثلو الإخوان, و أنا أعتقد في ان مكتب الإرشاد هو صاحب موقف الإخوان و ممكن يضحي بيهم زي مالمواطن رجب بيقول http://www.manalaa.net/in_solidarity_with_the_brotherhood#comment-22442 على أي حال نورت /*السجن*/ القلب الكبير, انتا نورت مصر

نورت مصر

انا مقريتش الموضوع كله بس اللى طلعت بيه ان انت شاب نص كم

Welcome Back young man, happy for you,I just opened your homepage now to find out that you're already out which is great, now you should come and join me to bomb something different than the world trade center =). Talk to you soon. Cheers

اهو هوة دة الى احنا بنقول علية الاختلاف فى الراى لا يفسد للود قضية
جميل قوى انا احنا نحترم الاخر حتى ولو بنختلف معا فى الراى او العقيدة او الاتجاه
برافوا يا علاء وحمدالله على السلامة

ألف حمد الله عالسلامة يا علاء، وكفارة!

For your courage and spirt. For many of us not in Egypt, you have become the face of all those who struggle for and embrace freedom everywhere. Because the truth is, that as long as any of our brothers and sisters anywhere in the world is imprisoned, then none of us are truly free.

I will remember what you said about the other 600. In the meantime, I am so happy to see that you are at home with Manal and healing a bit . . . you will need it as it seems like you have a long road ahead of you.

خرجت من ظلمة السجن الواضحة, لظلمة الحياة الوسخة هل ستسطيع اعادة نورك الداخلى الضعيف ثم تنير البشر المظلمة الخائفة لينيروا السجن الأسود الكبير الحالى و كسر السجن المخيف السابق

http://ineedtoknown.blogspot.com/

El3alam mesh met2asem moslemeen we kofar ella fe dema3'na e7na. fe 7aga esmaha ensan mahma kanet afkaroh lazem maiet-hansh.

كفارة يا معلم

و مبروك خروجك من معتقلات الطاغية

ايوة كدة عايزين نشوف اللماضة بتاعتك من تانى فى التعليقات :d

انا كنت محمل والدك رسالة يقولهالك يا رب يكون وصلها

و لو هوه ناسى قوله الواد بتاع السيجارة السوبر :d

هوه هايفهم على طول

المهم يالا بقة عايزين نسخن العملية علشان نايمة على الاخر

و على فكرة المدونة هنا بتدى ايرور غريب بعد الساعة اتناشر بيطلعلى كتير

ايرور داتا بيز

و بترجع تانى بعد شويه ابقى شوف ايه دة

و كفارة يا تنين مرة تانيه

صباحك زى وشك يا مصر

تخــا تخـــا تخـــاريفى

http://t5at5a.blogspot.com

Alaa This was very touching. Like you, I started my life with 7ob El Wattan, after years of frustrations and pain, I concluded that in every Tayar seiasy there are true people who usually represent the base and agreat corruption (Baaattel) usually on top, getting benefits and power. Sorry to tell you that the only feeling I have for my country now is pitty. I feel sad when I realize that in my country "Yamtahen El ensan El ensan, wa yamout al do3afa2 fe estekana marera". Try to keep going, Masr Bokra A7la. Shahira

أولا حمد لله عالسلامة و كفارة يا علاء . و إن شاء الله تعيش بس ماتاخدش غيرها

بالنسبة لموضوع الإخوان ده ، أنا مش مع الإخوان.. بس بيعجبني فيك دايما إنك حقاني فيه.. يعني مش زي الناس اللي بتحاول تبين إنهم أصل الشرور الخالصة و سبب المصائب و بيتلككوا على أم أي حاجة وسخة عشان ينسبوها ليهم.. في حين شفتك إنت دافعت عنهم في كذا رد على كذا تدوينة لما الناس كانت بتلكك لهم بكلام فارغ .

و حمد لله عالسلامة مرّة تانية.

7amdel 3al salama ya 3am Alaa. nice to see u' re still strong and singing. It's probably not the right time but i can't help saying it though. I'm so surprised to hear that are ikhwanis who sing and talk about love stories. Ikhwanis i know will leave the room if i start singing after preaching me : "what would you say to God if you die now while singing"? Anyway, best of luck for all of them.

و النبي شيلوا الصوره بتاعه فري علاء دي ما هم خلاص فروه

اهانة الناس وتصيد الاخطاء لن توصلنا الى شىء

الاخوان اصحاب موقف و مبدا وهم صابرون عليه من 80 سنة اعدموا منهم ناس كتير و سجنوا اكتر و بيحرموهم من الوظائف الحكوميه و من السفر و من كل حقوقهم الدستورية المرشد قضى فى السجن 25 سنة و فى 3 من مكتب الارشاد فى المعتقل و اليسار انحاز للشعب و ضحوا بكل شىء احنا عملنا ايه غير الكلام؟ حمدا لله على سلامتك يا علاء

امانة عليكم تجميع لا تفريق

Alf Alf Mabrook and Kafra Thank God for your return home back again , and God be with those young MB this is so promising what you wrote Welcome back again

في تعليقات متشابهة فقلت أرد عليهم رد كبير هنا

أولا يا شباب أنا متكلمتش عن فكر الأخوان أو عن قياداتهم أو عن تاريخ الجماعة. أنا اتكلمت عن لحظة تفاعل اسناني عشتها و أثرت في.

عموما أنا بحاول أقلل التنظير على المدونة دي لكن تقدروا تقرأوا كلام كنت كتبته قبل كده عن رأيي في موضوع حكم الأخوان.

التدوينة اللي عن الأخوان و الحكم دي من أبريل 2005. فمش فاهم الناس اللي بتصورني على أني كنت معادي للأخوان و بعدين دخلت السجن و ربنا هداني دي بتفكر ازاي، و أنا قلت بشكل واضح فوق أن ضرورة التعاون مع الأخوان موضوع منطقي تماما لكن في فرق بين أنك تقتنع بصحة قرار سياسي ما و بين أنك تعيش تجربة شخصية.

و أخيرا أفكركم بأن فيه يساريين كتير مهتمين جدا بموضوع التعاون و التضامن مع الأخوان و آرائي دي مبنية أساسا على آرائهم فوالدي و والدتي مثلا عندهم خبرة طويلة في محاولات التعاون مع الأخوان، أغلبها كانت نهايته محبطة بسبب حسابات قذرة من قبل الأخوان و مع ذلك لسه مقتنعين بالمبدأ، و طبعا الأشتراكيين الثوريين و على رأسهم وائل خليل اللي عندهم رؤية متاملة لعلاقتهم بالأخوان و نقض للتناقض الداخلي جوه الجماعة و لانحيازها الطبقي. و معنديش تنظير أضيفه.

حمدلله على السلامه نورت البلوجز ويارب يبعد عنك الى ما يتسمو هههههههههههه وسلامى لمنال وعقبال البقيين

حمدالله على السلامة يا بطل وربنا مع باقي المجموعة ومع الشرقاوى وكريم

سهل جداً على الناس تحس بعض لما تكون بتمر بنفس الظروف وسهل جداً على الناس أنها تتعاون لما يكون ليها عدو مشترك وفي نفس الوقت صعب جداً الناس تحس ببعض لو مش بتعيش نفس المعناه، ومستحيل الناس تتعاون لو ملهاش عدو مشترك,. The Eyewitness http://theeyewitness.blogsome.com/

Welcome back Alaa and 7amdelah 3ala salamtak ,really we missed you and im really happy that you met these guys"ikhwan" who made it easier for you ,الف تحية للاخوان.

حمد لله على سلامتك يا علاء...كفارة إن شاء الله

والحمد لله التجربة دي أكيد استفدت منها كتير..خصوصا في التعرف على فكر التيارات الأخرى

بجد الأزمة الأخيرة دي خلت الناس تقرب من بعضهاأكتر ووحدت هدفهم في التخلص من الظلم اللي موجود في البلد

انا لي اصدقاء من شباب الاخوان تم اعتقالهم في الفترة الاخيرة بس خرجوا قبلك..من الحاجات اللي استفادوا منها في فترة الاعتقال هي التعرف على شباب من التيارات الاخرى سواء من اليسار او الغد او كفاية..وتجربة الاعتقال قدرت تشيل الحواجز اللي كانت بين التيارات دي...على الأقل بالنسبة للشباب نفسهم بغض النظر عن القيادات..وده في رأيي شيء مهم جدا لأن الشباب لو فهموا هتبقى الدنيا احسن بكتير

طول عمرك بني آدم انسان يا علاء (علي الاقل طول الفترة اللي عرفتك فيها)، ما هو اللي انت بتحكيه ده طبيعي وكلنا مصريين ومعكوكين في نفس القرف ماهو لو كان الشباب دول اخوان ولا حتى من المؤمنين بأن العالم جه من عطسة كان حيبقى ليهم نفس رد الفعل والتعاطف.

ياريت لو نبطل الألقاب (labelling) دي بقى ونظام ده يساري وده مسيحي وده اخوان الخ...

كلنا والحمدلله في نفس الموقف وبنشرب من نفس الكاس. المهم سيبك انت يا معلم، انت دلوقت معانا بس صوتك كان واصللنا، شوف بقى حنعمل ايه عشان نوصل باقي الأصوات اللي جوه واللي مالهاش حد يوصل صوتها.

ألف حمد الله على السلامة يا علاء...

أخي علاء

هل علمت بقضية اطفال التطعيمات؟؟؟

القضية تثبت تطعيم الاطفال بأمصال فاسدة ووفاة عدة اطفال من جراء التطعيم وبعدها تدعي الحكومة ان الاهالي هم السبب

أدخل على مدونتي وشاهد صور حصرية تثبت كذب الحكومة

الموضوع بالكامل في مدونة البوابة

"إيه أخبار الإخوان بتوع المصيف اللي اعتقلوا ... وليه الحكومة عمل كدة "

قلتها لأحد كبار الإخوان وأنا أحاول أن أبدي متأثرا ، فأجابني ضاحكا:

"ياعمي ... طبيعي ده يحصل عشان موقف القضاة ، التحاور بينا وبين النظام تحاور أمني، يعني لما يحب يكشر في وشنا ياخدله شوية ، ولما يحب يزعق ياخدله أكتر ...، ثم إحنا اتعودنا إن الحكومة هي اللي بتدفعلنا تكاليف المعسكرات الصيفية كل سنة ، وتوفرلنا إقامة وإعاشة كمان :)" وهنا لم أتمالك نفسي من الضحك

المشكلة إن الحكومة مش عارفة إن فترة الحبس دية هي أكتر فترة بيستفاد منها الإخوان في تربية أعضائهم على منهجهم...ربنا يوفق اللي عاوز الخير لمصر وللأمة

اخي الفاضل علاء تحية طيبة لك

ألف مبروك على خروجك ايها الواثق القوي المناضل

فعلا كل يوم تثبت انك ناضج سياسياً فبعد ان قرأت لك هذا الموضوع علمت انك مختلف عن الاخرين ...

فالمشكلة الكبرى التى كنت اجدها في فئات المناضلين السياسين ان كل منهم يحتكر الحقيقة لنفسه وينادى انه وحده الذي يملكها والباقين بعيدين عنها تماماً لذا فقد علمت اليوم بعد أن وجدتك توجه الشكر للأخوان علمت انك لا تحتكر الحقيقة لنفسك ابدا

تحية لك مرة اخرى واعلم يا اخي اننى اشجع كل من ينادى بالحرية سواء كان ذا مرجعية اسلامية او شيوعية او قومية او حتى ذا مرجعية هندوسية

وفقك الله اخي الكريم

Allaa

I am so happy you are home with Manal now

I was going to say free but I am not sure you will ever be free again unless this regime is toppled

Your journey has been an arduous one but thanks to Hosny Mubarak you have had the chance to grow emotionally and learn about human nature the warmth and care for you of the people around the world, you have learned about your own strenght of character and now it seems that your future path has been carved out for you too

You might not have choosen it but you have become not only to me but I know to many around the world the symbol of resistance in Egypt A true Hero !

An Internet warrior fighting with words, words which are taking effect and eventually will conquer, it is the beginning of the end of Mubarak regime's hold on the people of Egypt and he knows it.

I would like to alert as many people as possible its a campain from Amnesty International http://irrepressible.info/addcontent Add irrepressible content to your site

If you have a website or blog, help us spread the word and undermine unwarranted censorship by publishing censored material from our database directly onto your site.

The more people take part the more we show that freedom of expression cannot be repressed.

Simply follow these 3 easy steps see website

علاء باشا تنين العمرانيه وحشتنا جدا وكنت مستني اول تدونيه بعد خروجك علي احر من الجمر كنت اتوقع فيها شيء من التغيير مش عارف ايه بالضبط بس كنت متأكد ان التجربه اكيد اثرت فيك وجاء التغيير الذي قداندهشت له علاء بيشكر الاخوان..........يانهار اسود الاخوان ياعلاء طول عمرهم في السجون وده بالتاكيد شيء لازم له وقفه بس ده ميخليش اللي ميتعاونش مع الاخوان مش وطني زي ما بيقول واحد في تعليق احنا لازم نفرق في تعاملنا مع الاخوان بين شباب الاخوان ودول ناس كويسه وهما مصدر قوة االاخوان بس لأسف ناس كتير منهم مش فاهمه انه يتم اسغلالهم من قيادات الاخوان وبالذات من حرس الاخوان القديم الناس اللي في مكتب الارشاد مش مهم بالنسبه ليهم كام الف يدخلو المعتقل طالما مهدي باشا عاكف قاعد في بيتهم ومستريح وكل يوم والتاني تلاقيه قاعد معرضها في فضائيه من الفضائيات اهم حاجه نعملها لمساعده شباب الاخوان اننا نساعدهم يفهمو الفخ اللي هما واقعيين فيه وبعدين ناس كتير منهم بيعملو كده وبيتظاهرو لانها اوامر من المرشد الاعلي مش إيمانا منهم بقضيه زيك مثلا وبمجرد تصالح المكشتب مع الحكومه وبكلمه من مكتب الارشاد يتم تهدئه الاوضاع ويكونو اللي في المعتقل شهداء يحتسبهم مكتب الارشاد عند الله المسأله بالنسبه لأعضاء المكتب صفقات مع الحكومه بتستخدم فيها الشباب الغلابه دي كورقه ضغط انا كنت شاهد علي مظاهرة مع الاخوان ايام الخميس القضائيه معرفتش اوصل للنقابه اتظاهرت معاهم امام دار القضاء وفي عز المظاهرة جه واحد وجيه لابس بدله وكان قاعد مستريح علي الرصيف فوق كرسي وثير وامر بفض المظاهرة وبدون نقاش لاقيت نفسي لوحدي والناس اللي كانو معايا ........بح خلاص

علاء أنت مشكلة..

حمدالله عالسلامة يا جميل...

بالمناشبة شكلك كده مفروض تبتدي تكتب عربي بالأساس... يمكن تعمل قسم في البلوج للانجليزي بس انت لازم تتقري أكتر وبارتياح من الشباب اللي بيدخل الشبكة...

كفارة يا سيدي

حمد الله على سلامتك ياعلاء ... وتبدو بشاير تلك الفترة في تلك التدوينة .. يبدو ان تلك الفترة السابقة لها تأثيرات كبيرة عليك وأضافت لك خبرة قلما تتاح لأحد ، بلاشك سوف تزيد كتاباتك وتوجهاتك وأرائك نضوجا اكثر مما كانت

حمدالله على السلامة

نورت من تانى يا علاء وحمدالله على السلامة وربنا معاك يا بطل انت والمجموعة وعقبال ما 600 يخرجه

وربنا يفرج عن كريم والشرقاوى فى اقرب وقت وربنا معاهم ومعانا جميعاً

فاكر با علاء رأيك في الشعب المصري و إنه مستسلم

يا ريت تقول لنا رأيك بعد أول تجربة ليك في السجن و بعد البهدلة إللي إنتا شفتها إنتا و القريبيين منك...

هل بقيت بتخاف من الظابط زي عامة الشعب ولا لسة عند رأيك؟؟؟؟؟؟؟

المثل الشعبي قالك تعرفه قال ايوه اعرفه .. قالك عاشرته قال لأ .. قاله يبقى ما تعرفوش. أنا شخصيا أشكك في وطنية كل من يرفض ان يضع يده في يد الاخوان و أشكك في وطنية من يرفض وضع يده في يد الشيوعيين أو اليسار عموما و أتهم كل من يرفض الليبراليين شريكا في الاصلاح و الدهوة اليه في وطنيته و حبه لهذا البلد

حمدا لله على السلامة

رءوف مسعد .. وكما يبان من إسمي فأنا مسيحي ولكن في الوقت نفسه اعتبر نفسي - وهذا الأهم - محبوس سابق من أجل ما آمنت به سياسيا. اعتقد ان تجربة علاء والمئات الآخرين من المحبوسين الديموقراطيين تؤكد انه من الضروري مراجعة بعض المقولات السابقة التي سقط فيها بعض اليسار المصري وهو الوقوف مع الحكومة( حكومات العسكر ) في خندق واحد ضد الإخوان المسلمين. هي مقولة خاطئة وخادعة ونظرية أيضا.. لأن التجربة العملية في السابق والآن اثبتت خطأها. فعندما تزامل الشيوعيون والأخوان في معتقل الواحات في الستينات ( وانا كنت هناك ) كانت التجربة رغم صغرها مهمة لأنها اثبتت للجميع " أخوة السلاح " بمواجهة التعذيب والقتل داخل السجون. المشكلة ان بعض قيادات اليسار وبعض قيادات الأخوان راحت عليهم وهم ما يزالوا يفكرون بعقلية انا اللي صح لوحدي والتانيين غلط..ملاحظة علاء حول " الجيل الجديد " من الإخوان الذين يتعاملون مع الإغاني الشبابية والبلوجز ملاحظة بالغة الأهمية في إعادة التفكير والرؤيا النمطية. نحن امام مهمة تشكيل جبهة عريضة بالرغم من الإختلافات وعلشان كده إسمها جبهة .. جبهة ضد التعذيب الممنهج من اجهزة الدولة التي توجه سلاحها لكل طوائف المجتمع وطبقاته الآن.كذا تظهر أهمية جمعيات وجماعات حقوق الإنسان في مصر التي تقف الحكومة ضد وجودها وتنشر الشائعات الكاذبة عن تمويلها واكاذيب عن القائمين بها ويردد الاشاعات والأكاذيب عدد من المثقفين بحسن نية نتيجة كراهيتهم لكل ما له علاقة بالخارج. لكن الخارج يكون احيانا سندا للداخل في مقاومته للفساد والتسلط والتعذيب.تحية للمئات من المحابيس الديموقرطيين من أخوان وشيوعيين وبتوع كفاية وبلوجرزيين وصحفيين وصحفيات وناس ما لهمش دعوة بحاجة غير انهم ضد الظلم .

7amdella 3ala el salama ya batal.. welcome back to where you belong to continue your/our fight.. i hope that this experience make you stronger.. and give you a good sight for other things that may be you didn't notice before.. alf ta7eya to all who fight for our rights :)

فتذكر أيها التنينُ أغنيةَ الصمود لا حصارَ يكفي لحصارك لا جنودَ تكفي لإسارك وتذكَّر عند بدء القولِ ما يقتاته السجناءُ من عصبِ الحياةِ، وما يقارفهُ السَّجانُ من إثمِ الوجودِ. ها هي الأحداثُ حُبلى بالتأزمِ والولادةُ قابَ دهرٍ قهريٍ سينتشي التاريخُ عندَ كتابةِ المشهد

عوداً حميداً يا علاء، رغم أنك لم تكن غائبا تماماً، لقد كنت ملء المكان

جميل أوي يا علاء اللي انت كاتبه ده , الإخوان فعلاً اتظلموا كتير واحنا بنتعامل مع قضاياهم بنوع من البرود والبلادة , وكأن ربنا خلقهم عشان يتحبسوا و كأنهم ملهمش أهل ووراهم شغل زينا , أنا كنت متوقع إن السجن هيأثر عليك ويخليك تراجع بعض أفكارك ,

بس خلي بالك يا بطل عشان ناس كتير من الشلة بتاعتك مش هيعجبهم الكلام ده وهيعتبروا إنك بقيت رجعي , فخليك جامد وقول للأشكال دي : طز فيكم .

وحمد لله على سلامتك يا تنين .

انت حلقت شعرك وربيت دقنك واللا ايه عالعموم حمد الله عالسلامة

ألف سلامة يا علاء و نورت بيتك و القاهرة و صدقني التاريخ مش هينسي و حتي لو في ناس عايمة فمية بطيخ أحنا و البلوجرز و الناس الي حبيتك و كانت بتدعيلك انت و الشباب الورد عمرها ما هتنسي ان في ناس حبت البلد بجد و دمها حر ، الود ودي ألقي طريقة أمسح بيها الحزن و الألم من زاكرة كل معتقل بس ياخسارة مفيش زرار فورمات ولا حتي ديليت و الزاكرة شاهد و احنا شاهدين كلنا معاها عقبال الباقيين و عقبال الأخوان و أي معتقل حر شريف ، و مبرك يا منال و يارب يخليكم لبعض و لا يفرقكوش تاني

تحية للأخوانجية الجدعان

و كل يوم بحبك أكتر من الي فات وكل يوم فحبك تزيد الممنوعات

alexismain.jeeran.com

كفاره شوفت صورك منوره البلوجات ؟ ولا صور الريس فى فصول وزارة التربيه و التعليم !

مكانوا يعدموك أحسن. تبئة لما تشوف ربك تألو عن الديموقراطية دي.

( لتتبعن سنن من قبلكم شبرا بشبر وذراعا بذراع حتى أنهم لو دخلوا جحر ضب لدخلتموه ) وفى رواية ( حتى لو كان فيهم من أتى أمه لكان فى أمتى من يفعل ذلك )

صدق رسول الله و الله إنتوا ناس جهل ما تعرفوش اليمين من اليسار.

قال إسمه سيف الإسلام قال

اه أنا عايز أشوف راسك المحلوقه نيك ! حمد الله غلى السلامه

عزيزي علاء ،

تحية طيبة على هذه التدوينة الناضجة إنسانياً قبل أن تكون ناضجة سياسياً، ربما الصدق في العاطفة والموقف ، بدلاً من حسابات الربح والخسارة ، هو الذي لمس قلبي وأنا أقرأ هذه التدوينة

نحمد الله على عودتك سالماً

ونتمنى السلامة والخير لجميع الشباب الذين يرزحون تحت الظلم ويعانون من الوحشية والهمجيّة

والسلام

حمدلله ع السلامه وكنت عاوز أقلك ان اللى حصل بينك وبين الاخوان دا شيئ طبيعى جدا وبالمناسبه أنا مش اخوان عشان متقلش انى جاى أزايد أنا بس بقول ان كلنا أصحاب هم واحد مهما اختلفت الاتجاهات وبعدين فى اï»·خر بعيد عن الاخوان أو كفايه او أى حزب احنا أصلا مصريين وحط تحتها مليون خط مصريين ياعلاء ودا اï»·صل والمصريين بقى طول عمرهم كدا هتقلى سلبيين ..هتقلى منافقين ..هتقلى خانعين قول زى ما تقول لكن الحاجات دى كلها قشور صنعتها ظروف قهريه فاخوان مش اخوان مش هتفرق ، وكويس انك نبهتنا لل 600 شخص اللى لسه معتقلين واعذرنا احنا أصلا منعرفش المعلومات دى غير من المدونات وانت طبعا عارف ليه وللاسف كمان ساكنى اï»·قاليم زى حالاتى مش قريبين من الحدث زى سكان القاهره

بس عموما احنا معاهم طبعا وبشده لحد مايتحرروا وبعدين متزعلش أو تتأثر من الليله الى قضيتها فى القسم مع الجنائيين ماهو انت منتظر ايه من جهاز غبى جاهل تابع لنظام مستبد أحمق يعنى ... حمدلله ع السلامه وصباح الحريه

حمدالله على سلامتك يا علاء..وحشتنا أيها المشاغب الكبير

Glad to read you referring to Egyptians with opposing views as brother.

Those same people you used to refer to as Islamists, fantastics and what have you. When we seek freedom and democracy, it's for one and all. Now go teach what you learned to the other two morons namely "sandmonkey" and "bigpharoh", they're still as brainwashed and blind as you once WERE.

ألف حمدا" لله على سلامتك و سلامة كل الطلعوا و عقبال الباقى..فحور بيكوا و نفسى ابقى زيكوا:)

اسف جدا يا علاء بس ليا طلب يا ريت تنفذه لى يا ريت نشر صورتك بعد ماحلقوا راسك فى السجن وكفاره يا عمنا وعودا حميدا للتدوين

glad you got out of there ok alaa! sounds like it was an absolute nightmare.

من انضج ما قرات سياسيا وانسانيا ،حمدالله ع السلامة يا بطل

بيت أبوك يا علاء.. انت فقعتنا عقبال ما "رجعت لمنال" .. كفارة يا سيدي و أتمني التجربة دي تكون خطوة للأمام.. كامل التحية و الاحترام ليك و كل الناس اللي اتحرروا جوة السجن و اتسجنا احنا برة

حمدلله على سلامتك وربنا ييسرلك الحال و يحفظك و يهديك سلام