Manal and Alaa's bit bucket free speech from the bletches

يا سيدى العزيز الsignature بتاعى فى eglug جه عبارة لطيفة قالها واحد من أعضائنا و عجبتنى

العبارة بتقول لما بقرا الوفد بحس كأنى اليس فى بلاد العجائب.

مش عارف العبارة دى ازاى خلتك تفترض ان عاجبنى حزب الوفد أو جورناله.

أنا استخدمت لفظ قبيح اه لكن مشتمتش حد و أنا بسمى الحاجات بأساميها و هو ده اللى هما بيعملوه.

لو أنت انتقدت اننا مثلا استغليت مهنتى بشكل سيئ يبقى ده مش نقض شخصى لكن أنت سيادتك بتفتش فى النفوس (مادام هرج على نفسه و قال عبدة شيطان يبقى عاوز يتمنظر و بس)

أنا مقريتش اللى كتبته الغد و بالتالى معرفش أنا موافق عليه ولا لأ لكن فيه فرق بين الكلام عن فساد يبان فى صورة أملاك و أموال مريبة و عن كلام عن نوايا أو سلوك شخصى.

لو ظابط واحد بس اذاك و حاولت تاخد حقك فالجهاز أو النظام تواطئ أو تقاعس تبقى مشكلة حكومة.

ثم بعدين أحنا بنتكلم عن أحداث كثيرة جدا و روح اقرا التقارير على http://www.hrinfo.org بنتكلم عن حماية لأغلب ضباط التعذيب، بنتكلم عن نيابة بتحقق فى حالة و تطنش عشرة، بنتكلم عن قانون عبثى يخلى اللى يتقتل ضربا فى قسم شرطة العمرانية يتحسب قتل خطأ لأنه منضربش بغرض انتذاع اعتراف

بنتكلم عن مدير أمن القاهرة و مدير مباحث جنوب القاهرة و لوائات واقفين بيشرفوا على ضرب و هتك عرض المتظاهرين

متقوليش حالات فردية.

أنا بسمح بأى حاجة عدى الاعلانات، يعنى اللى يشتمك براحته و عايز تشتم براحتك و مانتاش محتاج اذن و الحقيقة لما كنت بتناقشنى فى أفكارى أنا كنت مبسوط جدا و حاسس ان أنا بستفيد حاجة من المناقشة .