Manal and Alaa's bit bucket free speech from the bletches

مع احترامي الكامل لكل الناس اللي طالبت باعتصامات ومظاهرات وكلام من ده عشان خروج شرقاوي او المطالبة بحقه .. لان النتيجة معروفة .. بدل شرقاوي واحد هيبقى فيه 100 شرقاوي واكتر .. ونرجع ننوح ونتغم ونطالب بخروجهم .. وتتكر المأساة في دائرة عبثية لا نهاية لها ..

يا جماعة النظام المصري اثبت عمليا ونظريا وتعذيبيا ان مسألة الاعتصامات والمظاهرات وحركة الشارع كلها لا تهمه في شيء ولن يتورع عن فعل اي شيء للقضاء عليها ولن يعطي اي اهمية لاي ضغوط خارجية بعد زيارة المحروس الصغير للبيت الكبير والحصول على موافقة ضمنية واستمرار للصداقة العريقة بين القاهرة وواشنطن ...

اعتقد ان الواحد مش لازم يرمي نفسه في تهلكة وبلا نتيجة كمان .. لازم نلجأ لخطوات عملية اكتر وعبر قنوات شرعية .. الجأوا للقضاء ولمنظمات حقوق انسان دولية .. وان شاء الله القضاء الدولي وتقارير للامم المتحدة وحملات خارجية .. هي دي وسائل الضغط العملية المتاحة وليها نتائج بلا خسائر او ضربات قاسمة في المرحلة الحالية .. حتى لا نخسر اكتر مما خسرنا بدون تحقيق نتائج تذكر ..

غير كده كل الجهود والمحاولات خسائرها هتكون اكتر من مكاسبها .. ومعنديش كلام اقوله لشرقاوي اللي معرفوش غير انك بطل يا شرقاوي .. والابطال لا تكسرها افعال الحمقى واشباه البشر ..